Македонија
Изјавата на Заев за отворање на грчкиот Устав – провокација за грчките медиуми
Грчките медиуми со остри критики по вчерашната изјава на македонскиот премиер, Зоран Заев, кој рече дека и Грција треба да го отвори својот устав за да се види како јужниот сосед се грижи за својот народ надвор од државата.
Онлајн изданието на весникот „Прото тема“ упати остри критики кон македонската страна дека сè повеќе зацврстува одредени позиции, како што се одбивањето на непреведено име, промена на Уставот, промена на името за внатрешна употреба итн.
Како што пренесуваат грчките медиуми, македонскиот премиер како одржливо решение за спорот за името предложил меѓународната спогодба да биде потпишана и ратификувана, наместо, како што е наведено, да се менува уставот на неговата земја.
„Многу е важно да се примени она што светот го знае, а ова е добро позната меѓународна практика за решавање вакви спорови – меѓународните договори, ратификациите во парламентите, одлуките на ОН – а потоа (решението) ќе биде вечно. Убеден сум дека со ваквите пристапи, земајќи го предвид она што е важно за граѓаните на Грција и Македонија, можеме да најдеме решение за спорот што го имаме со Грција”, рече Заев.
„Не треба да поставуваме црвени линии ако сакаме да најдеме решение. Мораме да се грижиме еден за друг за да го зачуваме достоинството на двете земји и на двата народа и, во секој случај, да го зачуваме она што се чувствува, а тоа е идентитет. Идентитетот се чувствува, никој не може да преговара. Верувам дека, во овој дух, со внимателно приближување кон партнерите со кои преговараме, ќе најдеме решение “, нагласи Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Сообраќајот на патот Битола – Прилеп се одвива наизменично по една коловозна лента
Од 9.10 часот сообраќајот на патот Битола – Прилеп се одвива наизменично по една коловозна лента, информираат од АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Бојмацалиев: 27 милиони денари вложени во објектот на ЕВР Гази Баба
Денеска, дополнителниот заменик министер за внатрешни работи Митко Бојмацалиев, оствари работна средба со раководството на Единицата за внатрешни работи Гази Баба, каде што беше брифиран за активностите и изготвените планови од СВР Скопје, а по кои постапуваат полициските службеници од оваа организациска единица, во насока на гарантирање на безбедноста на училиштата, јавниот превоз, сузбивање мигранти, обезбедување спортски натпревари, итн.
„Во делокругот на кривичните дела на подрачје на ЕВР Гази Баба случени се 248 кривични дела кои се гонат по службена должност, каде за истите се сочинети 40 кривични пријави против 61 сторител и расчистени се 43 кривични дела”, информираше Бојмацалиев. Притоа, тој истакна дека вработените во ЕВР Гази Баба имаат драстично подобрени работни услови преку реконструираниот објект во вредност од 27 милиони денари.
„Кога станува збор за ЕВР Гази Баба целиот објект е квалитетно решен и просторниот проблем на Отсекот за оружје, експлозивни и опасни материи-Скопје при Одделот за граѓански работи, но и на Единицата за недозволена трговија со дрога и оружје, унапредувајќи го квалитативното ниво на работа на овие организациони единици кои се од исклучителна важност”, рече Бојмацалиев.
Во оваа прилика Бојмацалиев ги посети и раководителите на организациските единици во рамки на СВР Скопје кои во моментот во ЕВР Гази Баба слушаат обука „Улогата на полицијата за време на изборите 2024”, во насока на гарарантирање на безбеден и мирен изборен процес.
„Уверен сум дека колегите на обуката ќе ги утврдат веќе стекнатите знаења кои ги демонстрирале и во претходните изборни циклуси. Можам да кажам дека МВР е целосно подготвено за спроведување на фер, слободни и демократски избори по европски терк”, рече Бојмацалиев.
Македонија
Демири со „Баланс МК“ разговараше за зголемување на опфатот на пациенти со инсулинска пумпа и сензори за мерење на гликемијата
Министерот за здравство, д-р Илир Демири, вчера, оствари средба со претставници на Асоцијацијата за детски дијабетес „Баланс МК“. На средбата разговараа за зголемување на опфатот на пациенти со инсулинска пумпа и сензори за континуирано мерење на гликемија.
„Министерството за здравство и ‘Баланс МК’ имаат успешна соработка, која продолжува и во следниот период со цел подобрување на квалитетот на живот на пациентите со дијабетес во земјата“, вели Демири.
Минатата година првпат се набавија 650 сензори за безболно мерење гликемија во крвата кај деца и млади до 18 години со дијабетес тип 1, бремени жени со дијабетес тип 1 и кај слепи лица.