Македонија
Институтот за радиологија доби нов апарат за компјутеризирана томографија

Во ЈЗУ Институт за радиологија, во радиолошкиот оддел на хируршки клиники, денес е инсталиран и пуштен во употреба нов апарат за компјутеризирана томографија (КТ), SIEMENS, модел SОМАТОМ GONOW.
„Овој 32-слајсен компјутерски томограф од новата генерација КТ-скенери треба да овозможи значителен напредок во дијагностиката на КТ-одделот при хируршките клиники и ургентниот центар. Апаратот ќе ги опслужува и потребите на другите клиники од кампусот ‘Мајка Тереза’ имајќи предвид дека е единствен КТ-апарат за време на ноќните дежурства, викендите и државните празници“, соопшти Министерството за здравство.
Како што велат, се очекува со новиот КТ-апарат да се скрати времетраењето на прегледот, со подобра резолуција на добиените резултати и детекција на најситните промени.
„Се овозможуваат поголем број дијагностички процедури за сите органи и системи, како и брзо достапни КТ ангиографски иследувања, кои се од особено значење за политрауматизираните пациенти, како и акутните васкуларни настани.
Брзата и детална КТ-слика дава можност за итен и соодветен натамошен третман на пациентите“, се наведува во соопштението.
Покрај ургентната патологија, овој апарат, како што е наведено, овозможува и пософистицирани прегледи, кои се потребни за лежечките клинички пациенти како виртуелна ендоскопија, ангиографско снимање на крвните садови со можност за дигитална суптракција и планирање васкуларни интервентни процедурии изведување пункции, биопсии, дренажи водени со КТ итн.
Со инсталирање на оваа опрема се овозможува автоматско менаџирање на дозата на зрачење, во зависност од големината на пациентот и анатомијата, со што се намалува дозата на зрачење и до 40%.
Софтверските можности на апаратот овозможуваат обработка на добиените податоци со реконструкција и 3Д-приказ за сите прегледи со значително скратување на времето на процесирање на истите.
Апаратот за КТ е набавен со сопствени средства на ЈЗУ Институт за радиологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Семејствата на починатите во кочанската дискотека денеска излегуваат на протест

Семејствата на починатите во кочанската дискотека организираат „Марш за ангелите“.
Протестот ќе се одржи денеска во 12:05 часот.
Маршот ќе започне од Градскиот парк во Кочани, ќе продолжи кон Трговскиот центар, Општина Кочани, Полициската станица и ќе завршат пред Судот.
„Маршот на семејствата на покојните не е за поддршка на обезбедувањето, единствено и исклучиво за почит спрема покојните и барање на правда“, стои во известувањето.
Македонија
Денеска облаци и сонце, утре дожд и снег

Утре голема промена на времето.
Времето денеска ќе биде променливо облачно со сончеви периоди. Локално ќе има услови за развој на нестабилност со краткотраен пороен дожд и грмежи. Минималните температури ќе се движат од 0 до 9, а максималните од 12 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе биде 8, а максималната 20 степени.
Утре ќе има брз продор на студена воздушна маса од север, кој ќе предизвика значителна промена на времето. Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10 до 15см). Ќе дува засилен северен ветер (над 70км/ч.) и температурите значително ќе опаднат.
Во понеделник со засилен северен ветер наместа повремено ќе провејува слаб снег. Потоа времето ќе биде стабилно и ветровито со утринските температури кои насекаде ќе бидат негативни.
Македонија
Променливо облачно со сончеви периоди

Времето денеска, променливо облачно со сончеви периоди. Локално ќе има услови за развој на нестабилна облачност со краткотраен пороен дожд и грмежи. Минималната температура ќе биде во интервал од 4 до 9, а максималната ќе достигне од 14 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 20 степени.
Во недела ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10-15см).
Ќе дува засилен северен ветер (над 70км/ч) и температурите значително ќе опаднат. Во понеделник со засилен северен ветер наместа ќе провејува слаб снег. Потоа времето ќе биде стабилно и ветровито со утрински температури кои насекаде ќе бидат негативни.