Македонија
(Интервју) Беким Сали не негира: Хаосот во здравството постои
Во здравството сме се соочувале со разни кризи и проблеми. Но досега успешно сме се справиле во сите фази со ковид-пандемијата, истакна во интервју за „Макфакс“ министерот за здравство Беким Сали.
Тој не негира дека постои хаос во здравствениот систем, а посебно на клиничкиот центар „Мајка Тереза“ во Скопје.
„За жал, во целиот хаотичен систем на клиничкиот центар придонесуваат и повремени пропаганди кои се насочени кон демотивирање и давање на комплетно погрешна слика. На скопскиот клинички има хаос затоа што е пренатрупан, а пациентите и вработените се незадоволни. Не може во таков хаос, како што го има на клинички, да бидеме успешен, сигурен и безбеден систем за пациентите“, потенцира првиот човек во здравството.
Се согласува со забелешките нотирани во Извештајот на ЕК, дека во државата постои здравствена нееднаквост.
„Се трудам да бидам максимално објективен и реален без разлика на тоа дали сум најодговорен денес за таквата состојба, но тоа е наследство на нешто на што никој не бил доволно фокусиран“, додава Сали.
Потврдува и дека се соочуваме со недостиг на стручен кадар, а во изминатиот период, како што рече, најголем одлив на кадри сме имале од терцијарното здравство.
Дел од неговите политики, како што нагласува, ќе биде и враќање на услугите во болниците во другите градови. Како што нагласи, хаосот настанува токму поради оптовареноста на клиничкиот центар додека капацитетите во другите градови се многу помалку искористени.
„За жал, ова предолго трае и трпи граѓанинот, но фокусирани сме тоа да се реши“, нагласува Сали.
За проблемите во примарното здравство, за тужбата од италијанската фирма и отплатата на 8,5 милиони евра околу изградбата на новиот клинички центар и слично, во интервју за „Макфакс“ министерот за здравство Беким Сали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош Стевчо Јакимовски, на вчерашниот прв круг од претседателските избори освои само 8.103 гласови односно 0,90%. Тоа е помалку од бројот на собрани потписи за претседателска кандидатура, зад која му се потпишаа 10.000 граѓани.
Јакимовски во неговата општина освои 2.143 гласови, додека во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Сиљановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на фејсбук.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.