Македонија
Интернационален фестивал на дуодрама – Неготино
![](https://makfax.com.mk/wp-content/uploads/2023/05/S3_07167-1.jpg)
Жири-комисијата во состав: Роберт Ристов, Васил Зафирчев и Селпин Керим на II по ред Интернационален фестивал на дуодрама БРАНКО ЃОРЧЕВ (10.05 -13.05.2023) ги додели следните награди:
Наградата за најдобра женска улога на фестивалот и се доделува на Биљана Драгиќевиќ Пројковска, за улогата во претставата “ЗА НАС ПОЧНУВА ЖИВОТ” во режија на Дејан Пројковски, заради повеќеслојниот актерски израз во градењето на улогата и умешниот спој на комичната со мелодрамската игра.
* Награда за најдобра машка улога, е доделена на Љубомир Керекеш за улогата на молерот во претставaта БЕБА, заради непосредниот актерски израз во градењето на улогата и заради умешното владеење на жанрот на комедијата.
* Награда за најдобра претстава се доделува на претставата БРАЧНА КОМЕДИЈА во режија на Иван Томашевиќ во продукција на СЦЕНА МАСКА, заради прецизната поставеност и организираност на комичното дејство и заради живиот непосреден и шармантен актерски израз коj одлично комуницира со публиката.
* Наградата „БРАНКО ЃОРЧЕВ“, за најдобра партнерска игра им се доделува на Бобан Алексоски и Лео Поповиќ, за улогите во претставaта CANDY во режија на Тамара Стојаноска во продукција на Театар „Златен Елец“, заради органичниот партнерски однос и заради веризмот и документаризмот, во партнерскиот актерски третман, на една жестоко – актуелна и социјално ангажирана тема.
ПР-текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Претежно сончево со мала локална облачност, температури до 40 степени
![](https://makfax.com.mk/wp-content/uploads/2022/08/vreme-soncevo-960x640.jpg)
Претежно сончево со мала локална облачност и многу топло со слаб до умерен северен ветер. Минималната температура ќе биде во интервал од 14 до 21, а максималната ќе достигне од 34 до 40 степени. UV=9
Во Скопје сончево и многу топло со мала облачност и со слаб ветер од северен правец. Минималната температура ќе се спушти до 19, а максималната ќе достигне до 40 степени.
Нашето подрачје и понатаму ќе биде под влијание на многу топла воздушна маса од југ поради што времето ќе биде претежно сончево и натпросечно топло. Утринската температура наместа нема да се спушта под 20 степени, а максималната дневна насекаде ќе биде над 30, а наместа и 40 степени. Недела попладне ќе услови за локална појава на пороен дожд, грмежи и засилен ветер.
Македонија
Зголемена фреквенција за излез од државата, се чека околу 45 минути
![](https://makfax.com.mk/wp-content/uploads/2024/06/granica-bogorodica-1.jpg)
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини Богородица, Дојран, Меџитлија и Табановце има зголемена фреквенција за излез од државата, времето на чекање е околу 30 – 45 минути.
На останатите гранични премини од македонска страна, нема подолги задржувања за влез и излез од државата.
Жикол Дооел Струмица известува дека поради вршење на градежни активности на објект: Реконструкција со проширување на регионален пат Р1109 делница Понов мост – влез во Богданци, сметано од 24.06.2024 година ќе биде поставен времен режим на сообраќај.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Посебен режим на сообраќај во Скопје денеска и утре
![](https://makfax.com.mk/wp-content/uploads/2022/01/bit-pazar-2-mavrovka.png)
Денеска и утре, по повод верскиот празник Задушница, Единицата за безбедност на патниот сообраќај при СВР Скопје ќе преземе мерки за посебен режим на сообраќајот.
Имено, од 6 часот денеска и утре, сообраќајот кон Градските гробишта „Бутел“ ќе се одвива во една насока (кружно), односно сите возила ќе се упатуваат по улицата Бутелска, лево по улицата Александар Урдаревски, лево по улицата Боца Иванова и десно до влезот на гробишта „Бутел“, а за излез од гробиштата десно по улицата Боца Иванова до кружниот тек на улицата Бутелска, па лево по улицата Бутелска и десно по улицата Кемал Сејфула.
Посебен режим на сообраќај ќе се воведе и во околината на гробишта „Камник“ и во Ѓорче Петров. МВР апелира до граѓаните да ги почитуваат наредбите што ги издаваат полициските службеници на сообраќајниците опфатени со посебниот режим на сообраќај.