Македонија
Информативна сесија за новата програма за прекугранична соработка Македонија-Србија

Во организација на Министерството за локална самоуправа и Министерството за европска интеграција на Република Србија, денеска се одржа информативна сесија за новата програма за прекугранична соработка на Европската Унија.
На оваа инфо-сесија, од страна на државниот советник за европски интеграции во Министерството за локална самоуправа, Мјелма Мехмети-Петерсен, беше претставена програмата за прекугранична соработка, целта на оваа програма, тематските приоритети и специфичните цели, начинот на апликација на општините и другите субјекти на пограничниот регионот, процедурите за јавни набавки, управувањето со финансиите и начините за следење на имплементацијата на проектите.
Во работата на работилницата беа присутни претставници на оперативната структура од српската страна, како и претставници од локалните власти, јавните претпријатија, регионални и локални агенции, како потенцијални апликанти на идните проекти.
Инаку, програмата е финансирана преку Инструментот за претпристапна помош (ИПА) на Европската Унија. Програмата го покрива буџетскиот период 2014-2020 година со вкупен износ од 3,5 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.