Македонија
ИН МЕМОРИАМ: Почина прим. д-р Александар Крстевски – Слиш
Со голема жалост ве известуваме дека почина нашиот почитуван прим. д-р Александар Крстевски – Слиш, специјалист по анестезиологија со реаниматологија, соопштија од Аџибадем Систина.
– Голема беше честа името на прим. д-р Крстевски да биде дел од тимот на Клиничката Болница ,,Аџибадем Систина’’ повеќе од 20 години, од самите почетоци на Специјалната болница за гинекологија и акушерство „Мала Богородица – Систина“. Неговиот огромен придонес во анестезијата и интензивното лекување, неговата професионалност, храброст и извонредност ќе останат запаметени, се вели во известувањето од болницата на Фејсбук.
Длабока почит од целиот менаџерски тим на КБ ,,Аџибадем Систина’’ и сите вработени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претседателката Сиљановска Давкова ја именуваше Габриела Јаковлева за директорка на Агенцијата за разузнавање
Претседателката Гордана Сиљановска Давкова денеска донесе одлука за именување на Габриела Јаковлева за директорка на Агенцијата за разузнавање и одлука за разрешување на досегашниот директор Еролд Муслиу.
Сиљановска Давкова денеска ја разреши заменичката директорка во Агенцијата за разузнавање Александра Бакреска Додовска и ја именуваше Ивана Стојановска.
Габриела Јаковлева и Ивана Стојановска се долгогодишни професионалци во Агенцијата за разузнавање.
Претседателката, како што е нагласено во соопштението, овие одлуки ги донесе согласно нејзините уставни и законски надлежности.
Македонија
Николоски-Агелер: разговарано за реформските процеси и стратешките приоритети
Заменик претседателот на Владата и министер за транспорт, Александар Николоски, денеска оствари работна средба со Амбасадорката на САД, Ангела Агелер.
На средбата се разговараше за реформските процеси и стратешките приорити на владата и Министерството за транспорт.
Николоски ја истакна огромната важност за навремена реализација на капитални проекти, со посебен акцент на регионалното поврзување и интеграција.
Тој изрази уверување дека предвидените проекти од владината програма ќе ги реализира заради забрзан економски раст и развој на инфраструктурата во државата.
На средбата Николоски ја потенцира стратешката определба која е во насока на зајакнување на билатералната соработка меѓу двете земји. САД се наш најзначаен партнер и поддржувач.
На средбата се нагласи и поддршката на САД во делот на размена на искуства и знаење во областа на капитални инвестиции и инфраструктурни решенија.
Двајцата се согласија за зајакнување на билатералните односи и интензивирање на соработката.
Македонија
Александар Јанев е нов директор на Бирото за јавна безбедност: Ред, закон, интегритет и безбедност без компромис
Владата на денешната седница, на предлог на министерот за внатрешни работи Панче Тошковски, за нов директор на Бирото за јавна безбедност го назначи м-р Александар Јанев. Тој доаѓа на местото на м-р Сашо Тасевски.
На чинот на примопредавање на функцијата, директорот Јанев истакна дека неговата визија е подобрување на квалитетот на услугите на полицијата и засилување на безбедноста на сите граѓани.
„Безбедност без компромис, со висок стандард на професионализам и посветеност на полициските службеници. Ќе работиме со интегритет и посветеност за подобрување на безбедноста на сите. Со дигитална трансформација ќе го оптимизираме користењето на технологијата, обезбедувајќи подобра комуникација и безбедност на информациите. Непоколеблива борба против корупцијата, со транспарентност и отчетност, со што ќе ја подигнеме довербата на граѓаните во полицијата“,потенцира директорот Јанев.
Директорот Јанев нагласи дека мотото под кое ќе работи ќе биде: Ред, закон, интегритет.