Македонија
Историското вештачење за „Ласкарци“ води до активисти на ДУИ
Валдет Џафери, директорот на Бирото за судско вештачење, во кое се работеше супер вештачењето за „Ласкарци“, и вештакот Зеќирија Зеќири, кој го изработи вештачењето, ги поврзува партијата ДУИ. Директорот е претседател на разгранокот на ДУИ во Гостивар, а Зеќири е симпатизер на партијата, за што сведочат неговите фотографии на социјалните мрежи. Гостивар, пак, освен со директорот Џафери, се поврзува и со „Дурмо турс“, чиј автобус излета кај Ласкарци, при што загинаа 16 лица – бидејќи тоа е градот во кој се наоѓа седиштето на компанијата. Бирото со кое раководи Џафери е одговорно што една година се чекаше супер вештачењето за „Ласкарци“, а сега, кога тоа стаса, вештакот се разболел, но не доставил документација до судот.
Директорот на Бирото за судски вештачења е претседател на разгранокот на ДУИ, потврдува и самиот за „Макфакс“
„Макфакс“ стапи во контакт со директорот Џафери за кого не е спорно што има партиска функција во ДУИ и раководи со институцијата што го одолжуваше предметот „Ласкарци“ бидејќи доцнеше со супер вештачењето. Директорот додава дека тој го назначил Зеќири да го вештачи предметот заедно со другите вештаци. Знае дека не отишол на денешното судење, но документација ниту тој не добил.
„Тој е надворешен соработник, ме извести дека е во болница. Ќе треба да ја достави документацијата“, рече директорот Валдет Џафери.
На прашањето дали се знае со вештакот Зеќири пред тој да биде ангажиран во Бирото, директорот Џафери одговори: „Што има врска тоа со работата?“ Директорот негира и дека го фаворизирал Зеќири при ангажирањето.
На дополнителното прашање од „Макфакс“ дали го познава вештакот Зеќири од партијата (ДУИ), што влијаело да го ангажира како надворешен соработник, Џафери одговори: „Не, не, не. За да склучи договор со Бирото, треба да ги исполнува условите во согласност со тоа што е предвидено со правилникот и со законот“.
Директорот Џафери беше прашан и дали смета дека е коректно да биде директор и претседател на разгранок, тој одговори: „Тоа го одредува Владата“. Прашан дали ги познава сопствениците на „Дурмо турс“ обвинети во случајот „Ласкарци“, директорот за „Макфакс“ додава: „Ги знам како луѓе. Не се знам лично“.
„Апсолутно нема пристрасност. Тоа не го работи директорот, туку вештите лица. Институцијата делегира кој ќе го работи вештачењето, односно јас како директор“, додава тој.
Освен директорот, поврзаност со ДУИ има и вештакот Зеќири поради кој се одложи денешното рочиште за „Ласкарци“, а со тоа и се одолжува процесот. Тој пред девет години на социјалната мрежа „Фејсбук“ објавил фотографија од партискиот пулт.
И вештакот Зеќири е фотографиран на пултот на ДУИ
„Макфакс“ стапи во контакт и со вештакот Зеќирија Зеќири, кој го работеше вештачењето, а денеска не се појави на судењето. Тој рече дека е во болница и најави оти ќе се јави подоцна. До моментот на објавувањето тој не даде став за тоа дали извршувал функции во ДУИ, поврзаноста со директорот, отсуството од рочиштето, но и за обвинувањата што ги има од страна на семејствата на настраданите.
Родителите и роднините на настраданите остро реагираа на отсуството на Зеќири за кого рекоа дека не го познава предметот иако го работел вештачењето. Благојче Трпески, родител на загинатиот Јовица Трпевски, денеска посочи: „Тој не знае да одговори ни на најосновни прашања“.
По предметот се постапува четири години. Една година се чекаше и супер вештачењето нарачано од судот. Имаше и реакции за начинот на кој се испитуваат вештаци, односно за начинот на кој се даваат одговори. Коалицијата „Сите за правично судење“, која прави судски мониторинг, реагира дека, наместо одговор да дава Зеќири, во хор се објаснувало вештачењето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Срамно и безидејно е да се глуми после војна, генерали“, реагираат од „Идеа лаб“ на обвинувањата од СДСМ
По екстремно успешно организираниот Европски младински олимписки фестивал, за кого добивме потврда лично од претседателот на Европскиот олимписки комитет, политичките превирања не престануваат да ја дезинформираат јавноста со небулози, велат од ПР-агенцијата „Идеа лаб“, по прес – конференцијата на Јовица Јанковиќ од СДСМ кој кажа дека владата немала пари за младите на олимпијада ама имала за ПР агенции на власта.
„Имено, денеска на прес-конференција политичката партија СДСМ излезе со податок дека нашата агенција е ангажирана за промоција на фестивалот со финансиски надомест од Министерството за спорт, што е апсолутна невистина. Имено, точно е дека бевме ангажирани во делот на промоција на фестивалот, но ангажманот го добивме од Македонскиот олимписки комитет и тоа во делот на: промоција на настанот на социјални мрежи, изработка и координација на фан зоните, координација и организација на церемонија на отворање, затворање и церемонии на доделување медали“, се наведува во реакцијата.
Од „Идеа лаб“ велат дека за истиот ангажман на месечно ниво, доставува фактури до МОК за испорачаните услуги.
„Срамно и безидејно е да се глуми после војна, генерали. За фестивалот споменат на денешната прес-конференција добивме лично признание од Спирос Капралос, за најдобра одржана церемонија на отворање од 1991 година до денеска. Наместо да се зборува тоа, во медиумите, се шират лаги и невистини. Кога веќе некој решил да ни прави бесплатна реклама, можеше да спомене дека и во 2023 година, работевме на „Преспа Форум Дијалог“, кога партијата која денеска нѐ прозива, а тогаш беше на власт, нѐ ангажираше преку Министерството за надворешни работи. Во 2021 година Идеа Лаб работеше на проекти за Општина Аеродром кога локалната власт беше во рацете на партијата која денеска одржа небулозна прес-конференција. Искрено, Ве замолувам да не нè вмешувате во вашите политички превирања. Ние сме комерцијален субјект и за нашиот ангажман е неважна политичката определба, туку резултатите кои ќе ги испорачаме пред клиентот“, изјави Димитар Атанасовски, управител на ПР и маркетинг агенцијата „Идеа Лаб“.
Македонија
Муртезани – Брн: Проширувањето мора да остане кредибилен процес заснован на заслуги
Министерот за европски прашања на Северна Македонија, Орхан Муртезани, денеска оствари билатерална средба со министерот за европски прашања на Ирска, Томас Брн, кој престојува во работна посета на Скопје.
Средбата беше проследена со заедничка прес-конференција на која министрите упатија силна заедничка порака во поддршка на процесот на проширување на Европската Унија и европската перспектива на Северна Македонија.
Министерот Муртезани истакна дека проширувањето на Унијата е прашање на заедничка безбедност, стабилност и визија, и дека Северна Македонија останува доследно посветена на спроведување на реформите и на воспоставување на европски стандарди.
Притоа подвлече дека процесот мора да биде заснован на заслуги и ослободен од билатерални условувања, како предуслов за зачувување на кредибилитетот на европската интеграција.
„За нас, европската интеграција не е само надворешно-политичка цел, туку длабоко внатрешна трансформација. Нашиот фокус останува на реформи, резултати и јасна посветеност кон европските вредности,“ изјави Муртезани.
Од своја страна, министерот Брн го поздрави напредокот на Северна Македонија и изрази силна поддршка за нејзиниот пат кон полноправно членство во ЕУ. Тој нагласи дека Ирска има позитивно искуство од членството, кое ја зајакнало нејзината култура, јазик и меѓународна позиција.
„За Ирска, тоа што седиме на масата на ЕУ и што сме дел од одлуките е од големо значење. Верувам дека и Северна Македонија, но и сите граѓани и ваши и наши, како и сите граѓани на Унијата, ќе имаат придобивки од овој процес,“ истакна Брн.
Министерот Брн информираше дека Ирска ќе го преземе претседавањето со Советот на Европската Унија во средината на 2026 година, при што го посочи проширувањето како еден од приоритетите во рамки на нивното претседателство.
Министрите се согласија дека е од клучна важност граѓаните да ги препознаат придобивките и конкретните резултати од европскиот процес, и дека тоа бара заедничка посветеност, искрен дијалог и фер услови.
Македонија
Хуманитарен музички настан на Споменикот на слободата во Кочани
На први и втори август ќе се одржи хуманитарен музички настан Расплет фестивал, на Споменикот на слободата во Кочани, организиран од млади луѓе меѓу кои и бендот Корка од Кочани.
Главна цел на настанот е да се подигне свеста дека донациите не треба да се намалат и дека се потребни исто како уште првите денови на формирањето на Support Kocani.
„Донациите стивнуваат. Ние сме овде да ве потсетеме дека донациите не смеат да запрат, бидејќи им се најпотребни на повредените кои чекаат за нив, од кои некои директно се вклучени во фестивалот за нивна повторна социјализација. Причината за дводневното времетраење е за да може да се привлече поголемо внимание кон Кочани и сите засегнати од трагедијата и да се собере што можно поголем број на донации. Вториот дел од настанот (сабота 02/08/2025) ќе започне покасно, да се остави простор на мировниот марш, кои ние со сè срце го подржуваме, учествуваме и повикуваме луѓе да земаат учество и надвор од Кочани“, велат организаторите.
Тие наведуваат дека целиот настан е посветен нa Сара Јорданова, нивна драга пријателка и соученичка која го загуби својот живот во пожарот, но и кон сите други засегнати.
На сцената ќе настапат артисти како Хајка, Taxi Consillium, Корка, Алембик, Јаблан, Don Playa, Луфтанза, Соба Глувих, Големата Вода, Mallard и DJ Gianni.
Кривични пријави против две лица и една фирма за пожарот на депонијата во Шуто Оризари
Полицијата поднесе кривична пријава против двајца велешани и едно правно лице поради пожарот во нелегален отпад во Шуто Оризари Единицата...
Во Тетово ќе се гради Меморијален парк за жртвите од пожарот во модуларната болница
Министерот за здравство, Азир Алиу, заедно со вицепремиерот за политики и добро владеење, Арбен Фетаи, повеќе пратеници и со семејствата...
Водата нема сериозно да поскапи ако конечната цена ја одредува Регулаторната, уверува Бислимоски
Сегашниот сложен процес за одредување на цената на водата ќе се смени и одлуката за конечната цена на водата ќе...
(Видео) Јанковиќ: Власта нема пари за младите спортисти, а има за ПР-агенции, Борко Ристовски да поднесе оставка
Срамната и понижувачка Младинска олимпијада со која Борко Ристовски ја изрезили државата пред целиот свет ја покажа целосната неговата неспособност,...
Земјотресoт на Камчатка силен како 15.800 атомски бомби фрлени врз Хирошима
Земјотрес со јачина од 8,8 степени, како оној на Камчатка, ослободува огромна количина енергија. За споредба, атомската бомба фрлена врз...
Пожарот во Прилепско отежнат поради детонации – сè уште активни три пожари во земјата
На територијата на Република Северна Македонија во изминатото деноноќие биле регистрирани вкупно 28 пожари на отворен простор, од кои три...
Уапсен маж од Скопско, бил затекнат како пали оган во близина на автопатот Скопје – Тетово
Педесет и деветгодишен маж е уапсен рано утрово поради предизвикување пожар во близина на автопатот Скопје – Тетово. Според информациите...
ВМРО-ДПМНЕ по интерпелацијата на Коцевски: На Македонија ѝ треба обвинителство отпорно на политичко влијание
Социјалдемократскот сојуз и ДУИ, вчера здружно застанаа на браникот да го спасат Љупчо Коцевски, на кого веќе му е изгласана...
(Видео) Земјотрес од 8,8 степени за време на операција, докторите останаа смирени
Силниот земјотрес со магнитуда од 8,8 степени го погоди полуостровот Камчатка на далечниот исток на Русија предизвикувајќи цунами високо до...
(Видео) Брановите удрија во брегот – први снимки од цунами по разорниот земјотрес во Русија
Првиот бран цунами ја погоди крајбрежната зона на Севернокурилскиот Регион откога Камчатка беше погодена од разорен земјотрес со магнитуда од...
(Видео) Силен земјотрес од 8,8 степени во Русија предизвика цунами, Јапонија и Хаваи наредија евакуација
Силен земјотрес со интензитет од 8,8 степени што го погоди рускиот Далечен Исток предизвика цунами, а Јапонија и Хаваи наредија...
(Видео) Драчево бара лежечки полицајци на „Јустинијан Први“: Не утре, туку сега, пред да има мртви
„Колку животи треба да се изгубат на улица „Јустинијан Први“ за конечно да се преземе нешто? Денеска повторно автомобил излета...
Три активни пожари во државата, чешкиот „Блек Хок“ слета во Скопје, утре ќе гаси на Готен
На територијата на државата има вкупно 20 пожари на отворен простор, информираат од ЦУК за состојбата до 18:30 часот. Според...
„Дедо, работи прво на Америка “: Медведев по ултиматумот на Трамп
Откако поранешниот претседател на Русија, Дмитриј Медведев изјави дека Доналд Трамп не може да му поставува ултиматуми на Владимир Путин,...
Со 71 глас „за“, изгласана интерпелација на државниот обвинител Љупчо Коцевски
Собранието денес ја изгласа интерпелацијата на државниот обвинител Љупчо Коцевски, поднесена од партијата „Левица“. Со 71 глас „за“, без воздржани...
(Видео) Митрески: СДСМ нема да учествува во гласањето за интерпелацијата на обвинителот Коцевски
Интерпелацијата за јавниот обвинител, Љупчо Коцевски, нема правни последици и СДСМ нема да учествува во гласањето, одлуката е на обвинителот,...
Кривична пријава за градоначалникот на Кичево – дозволил дива депонија во населена зона во градот
Полицијата поднесе кривична пријава против градоначалникот на Кичево, Фатмир Дехари, поради постоење основи на сомнение за сторени кривични дела „несовесно...
(Видео) Лефков: Шоферот на Заев уапсен за подметнување пожар во Струмица
Во изминатиов период кажувавме дека голем дел од пожарите низ државата се подметнуваат од структури блиски до СДС, а денес...
Мицкоски: Проектот за студентските домови, конечно, излезе од лавиринтите на бирократијата
Премиерот Христијан Мицкоски денеска при посетата на студентскиот дом „Кузман Јосифовски – Питу“ во Скопје изјави дека рехабилитацијата на студентските...
Гори во Радовиш, Берово, Прилеп – активни седум пожари, три под контрола
Во текот на измнинатото деноноќие на територијата на државата евидентирани се вкупно 27 пожари на отворен простор. Од нив, седум...
