Македонија
(Видео) Тезата на СЈО падна како круша во вода, рече Груевски

По денешното речиси шестчасовно судско рочиште за набавката на екстра луксузниот „мерцедес“, на кое сведочеа четворица сведоци, експремиерот Никола Груевски изјави дека е фрлена нова светлина врз судењето. Тој рече дека првиот сведок, кој бил на раководна позиција во „Ауто Македонија“, потврдил оти од 2005 до 2006 година е променет законот и не е можно генералниот застапник да биде единствениот што може да достави понуда на тендер. Со тоа, како што рече Груевски, паднала „во вода како круша“ тезата на СЈО дека со тендерот бил протежиран економскиот оператор.
За сведокот кој е вештак за економско вештачење, Страхил Глигоровски, изјави дека потврдил оти компанијата од продажбата на мерцедесот не остварила екстра профит. Груевски се осврна и на сведочењето на техничкиот вештак, Тале Герамичиоски, и рече дека судот ги одбил приговорите на одбраната дека неговото вештачење е пристрасно бидејќи Герамичиоски му бил политички противник, заедно со раководителот на фирмата што го вршела вештачењето, Димитар Бузлевски.
Груевски рече дека вештакот споредил одредени делови од „мерцедесот“ со делови од брендовите БМВ и „Ауди“, но пропуштил тоа да го направи со автомобили од други континенти. Следното судско рочиште за „Тенк“, кога ќе бидат изведени писмените докази, судијката Добрила Кацарска го закажа за 8 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почувствуван земјотрес во Македонија

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, попладнево во 16 часот и 14 минути регистрираше земјотрес чиј епицентар потекнува од епицентралното подрачје Тетово-Гостивар, 39 км западно од Скопје, со Рихтерова локална магнитуда, ML2.7.
Според досегашните податоци со кои располага опсерваторијата, земјотресот е почувствуван во Тетово, Гостивар и блиската околина со интензитет од III степени според Европската макросеизмичка скала.
Македонија
МНР: Амбасадата во Прага е во координација со семејството на Чифлиганец за пренeсување на телото во Македонија

Министерството за надворешни работи и надворешна трговија информира дека на 2 август 2025 година, до македонската амбасада во Прага била доставена информација за тешка сообраќајна несреќа во која бил повреден македонскиот државјанин Душко Чифлиганец. Тој управувал мотор кога дошло до незгодата, по што со тешки повреди бил пренесен во болница.
На 3 август, семејството го известило дипломатско-конзуларното претставништво дека Чифлиганец им подлегнал на повредите.
Како што соопштија од МНР, Амбасадата во Прага е во континуирана комуникација со семејството со цел завршување на сите неопходни формалности и организација за пренос на телото во Македонија.
Македонија
Изгаснат пожарот кај Липково, гори на две локации

До 12 часот активни се два пожари на отворен простор, еден пожар е под контрола, а еден е изгаснат.
Активните пожари се наоѓаат во село Богомила во општина Чашка, каде гори мешана шума, како и во село Грешница во општина Македонски Брод, во деградирана нискостеблеста шума, соопшти ЦУК.
Пожарот кој е под контрола е во село Стровија во општина Долнени, зад местото викано Гајдарец-Клепало, во нискостеблеста шума.
Пожарот што е изгаснат се наоѓа во село Слупчане во општина Липково, каде горела ниска вегетација.