Македонија
Каменос: Нема влез во НАТО пред исполнување на сите обврски од договорот
 
																								
												
												
											ПЈРМ ќе биде поканета да се приклучи кон НАТО кога ќе ги исполни обврските од договорот за името, изјави пред пратениците во парламенотот во Атина министерот за одбрана и лидер на помалиот коалициски партнер во грчката влада „Независни Грци“, Панос Каменос, пренесува грчката новинска агенција АНА-МПА.
Каменос потсети дека Македонија има конкретни обврски кои ги презеде со потпишувањето на преспанскиот договор. Дури тогаш, вели Каменос, грчкиот парламент ќе го ратификува договорот, чекор без кој земјата нема да може да стане членка на НАТО.
„Во НАТО владее принципот на едногласност. Ако еден член не се согласува, земјата нема да може да стане членка на организацијата“, рече лидерот на „Независни Грци“.
Претходно, Каменос наведе продлабочување на кризата во грчката влада, истакнувајќи дека договорот за името е лош и може да биде одобрен само преку референдум или распишување нови избори во земјата. Каменос предложи поголемо мнозинство при ратификување на договорот во грчкиот парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Делови од Кисела Вода, Ѓорче Петров и Карпош денеска без струја
 
														Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.00 часот корисниците од бул. Борис Трајковски бр.1 (Пеглата) влез 2 (општина Кисела Вода)
– во периодот од 09.00 до 10.00 часот корисниците од Новоселски Пат, како и објектите на Стокомак, КАМ Маркет, бензинската пумпа ОКТА и објектите во нивна близина. (општина Ѓорче Петров)
– во периодот од 09.00 до 15.00 часот, корисниците од ул. Леринска, лоцирани во околината на бр. 3. (општина Карпош)
Македонија
Без вода дел од Чаир
 
														Од ЈП Водовод и Канализација известуваат дека денеска поради дефект на приклучна цевка од ф – 150 мм на раскрсница меѓу улиците Челопек и бр. 157 без вода ќе останат корисниците од улиците Челопек и бр. 157, општина Чаир.
Водоснабдувањето ќе биде прекинато во периодот од 09.00 часот па се до отстранување на дефектот.
Македонија
Претежно облачно со краткотрајни сончеви периоди
 
														Претпладне по одделни котлини ќе има услови за појава на магла. Во текот на денот времето ќе биде претежно облачно со краткотрајни сончеви периоди. Ќе дува слаб ветер од југоисточен правец.
Минималната температура ќе биде во интервал од -1 до 4, а максималната ќе достигне од 17 до 20 степени.
Во Скопје, утрото постудено, во делови од котлината магливо. Преку денот сончево со мала до умерена облачност. Ќе дува слаб променлив ветер.
Минималната температура ќе се спушти до 4, а максималната ќе достигне до 19 степени.
Времето во наредните денови
За време на викендот времето ќе биде стабилно и суво, а во утринските часови ќе има појава на магла во одредени котлини. Во понеделник кон крајот на денот, најпрвин во западните делови, а во вторник и среда насекаде ќе има врнежи од дожд кои наместа ќе бидат пообилни.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											