Македонија
Катастарот ќе бара продолжување на рокот за елаборати за легализација

Петнаесет илјади геодетски елаборати неопходни за комлетирање документација за легализација на дивоградби не се доставени до општините до истекот на законскиот рок на крајот на минатата година поради што Катастарот ќе побара продлжување на рокот.
Податоците од геодетските фирми покажуваат дека до крајот на декември лани 5.000 елаборати иако биле изготвени не биле подигнати од странките. Десет илјади елаборати геодетските фирми не успеале да изработат затоа што барањата за нив биле поднесени пред истекот на рокот и немале доволно време.
„Катастарот ќе ја информира Владата за ваквата состојба секако со барање за продолжување на рокот за доставување елаборати за да се даде простор овие 10.000 елаборати да можат приватните геодетски фирми да ги изработат за да бидат доставени, а 5.000 елаборати граѓаните да ги подигнат и да ги достават до општините“, рече на прес-конференција директорот на Катастарот Славче Трпески.
Од март 2011 година кога започна процесот на легализација заклучно со 31 декември лани геодетските фирми примиле 240.000 барања за изготвување елаборати. Од нив 225.000 се изработени и се подигнати од странките.
Рокот за поднесување елаборати истече за барањата од граѓаните за легализација поднесени во првиот рок за таа можност во 2011 година. Тогаш беа доставени над 360.000 барања, а досега во Катастарот се запишани 170.000 легализирани објекти.
Точната бројка на граѓаните кои воопшто не поднеле барања за изработка на елаборати, а побарале легализација, како што рече Трпески, ќе се знае откако ќе се вкрстат податоците на геодетските фирми и на општините. Од поднесените 360.000 барања можно е да има двојни или со еден елаборат да се бара да бидат опфатени повеќе објекти.
Во дополнителниот рок за доставување барања за легализација на почетокот на минатата година беа доставени нови 80.000 барања. Тие треба да бидат комплетирани со геодетски елаборати до крајот на годинава./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски денеска со засилена акција за чистење на Центар: Зголемен број хигиеничари, механизација, работа во две смени

Градоначалникот на Општина Центар Горан Герасимовски, најави дека се зголемува зборот на хигиничари кои денеска ќе работат во две смени, сабајле и навечер со цел одржување на хигиената на највисоко ниво. Тој, потенцираше дека и механизацијата што се изнајмува целосно се пушта во погон.
„Утрово, но и од она што го видовме викендов повторно е хаотично со сметот. Уште денеска се фаќаме за работа, продолжуваме со одржување на хигиената на највисоко ниво. Уште од денеска се зголемува бројот на хигиеничарите на терен, со работа во две смени, сабајле и навечер, и механизацијата што ја изнајмуваме се пушта целосно во погон“, рече Герасимовски.
На состанокот со раководителите на сектори од општината, Герасимовски изјави дека мора да се отпочнат и буџетските форуми кои беа најавени.
„Ги најавивме и мора да ги отпочнеме буџетските форуми, и јас предлагам да не чекаме ноември, туку уште од оваа недела да ги договориме истите, да видиме колку ќе одржиме оваа година дали ќе биде еден поголем или неколку помали и еден завршен поголем. Мислам дека треба урбаните заедници да одбереме три каде што би ја одржале три посебни форуми и дополнително еден голем каде што ќе ги донесеме заклучоците за програмата“, посочи Герасимовски.
Македонија
ВМРО-ДПМНЕ: По 20 години победа во прв круг во бастионот на СДС, Струмица и во 33 општини

„Овие локални избори ВМРО-ДПМНЕ оствари историски резултати. По 20 години ВМРО-ДПМНЕ победи во бастионот на СДС, Струмица. Уште во вториот круг кандидатот на ВМРО-ДПМНЕ, Петар Јанков го освои градоначалнички мандат, забележувајќи историска победа со разлика од над 5000 гласови“, велат од ВМРО-ДПМНЕ.
„Освен во Струмица, ВМРО-ДПМНЕ победи и со тоа зазеде уште неколку општини во кои до сега градоначалници имаше СДСМ.
Во прв круг ВМРО-ДПМНЕ ги зазеде од СДСМ следните општини, Берово, Делчево, Маврово и Ростуша, а ги водиме во Пробиштип, Демир Капија, Старо Нагоричане, Валандово каде ќе одиме на втор круг.
ВМРО-ДПМНЕ освои градоначалници во првиот круг во 33 општини, додека СДС само во три помали општини.
Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Градско, Делчево, Демир Хисар, Зелениково, Илинден, Јегуновце, Кавадарци, Карбинци, Кисела Вода, Кратово, Новаци, Ново Село, Охрид, Петровец, Пехчево, Прилеп, Радовиш, Ресен, Свети Николе, Сопиште, Старо Нагоричане, Струмица и Штип се општините кои во прв круг добија градоначалници од редовите на ВМРО-ДПМНЕ.
Освен победата во прв круг во скопските општини, ВМРО-ДПМНЕ со голема предност влегува во втор круг во општините Аеродром и Карпош, како и во Град Скопје.
Покрај историската победа на ВМРО-ДПМНЕ и дебаклот на СДС, овие локални избори се забележува уште важен еден момент. ДУИ со нивната деструктивна и националистичка реторика и политика, е целосно декласирана.
Ова се историски резултати ВМРО-ДПМНЕ, имајќи предвид дека минатите локални избори во 2021 година, во прв круг освоивме градоначалници во прв круг во 22 општини, додека СДС во девет. Годинава, за разлика од пред четири години, ВМРО-ДПМНЕ во прв круг освои градоначалници во 33 општини, додека СДС само во три и тоа во помали.
На овие избори македонските граѓани покажаа дека сакаат Македонија да напредува и да се развива, избра луѓе кои ќе работат во нивен интерес и во интерес на државата“, соопшти ВМРО-ДПМНЕ.
Македонија
ВМРО-ДПМНЕ доминира во Советот на Град Скопје со 18 мандати, Левица, Влен и ДУИ имаат по 6

ВМРО-ДПМНЕ освои најголем број гласови во Советот на Град Скопје, вкупно 35,15 отсто, или 81.649 гласови. Со тоа, бројот на мандати, според резултатите објавени на веб-страницата на ДИК, е 18, што е тројно повеќе од второпласираната Левица во советот која пак има 6 мандати.
Левица е второпласирана по бројот на гласови во Советот, со освоени 11,83 проценти од гласовите, односно 27.479 гласа.
Зад нив е коалицијата Влен со 11,77 отсто од гласовите, или во мандати, истотака, 6. Потоа, коалицијата НАИ на ДУИ, со освоено 11,64 отсто од гласовите со шест мандати. СДСМ е петтопласирана во советот на Град Скопје, со освоени 10,59 отсто од гласовите, во мандати 5.
По еден мандат имаат Ристо Пенов од Икуство за успех, Горанчо Котески од движењето ЗНАМ, и граѓанските листи „Независни заедно“ и „Зелен хуман град“..