Македонија
„Кичево одржливо Експо“ утре дел од Белички средби во кичевско село Белица

Пчелари, билкари, грнчари и креативци од Кичевскиот Регион ќе учествуваат на второто издание на „Кичево одржливо експо“ кое е дел од Беличките средби, а ќе се одржи утре, 23 јули 2022, сабота, со почеток од 17 часот во село Белица во организација на „Екосвест“.
„Кичевскиот Регион има многу можности за развој кои не се поврзани со енергетскиот сектор. Можности за одржлив туризам, земјоделство, пчеларство, дури и органско земјоделство, собирање бобинки, печурки и лековити растенија како дел од планинарските тури – сите овие се само некои од можностите кои на регионот можат да му донесат развој и да го стават на мапата на атрактивни дестинации кои треба да се посетат“, вели Кристина Димитрова, проектен координатор во „Екосвест“.
Раде Момировски, еден од организаторите на настанот „Белички средби“, сака селото Белица да го направи посакувано место за живеење.
„Во Белица има безброј можности за туризам, земјоделство, пчеларство, производство на храна, но и за фармерски живот за млади брачни парови што е хит ширум Европа. Потребно е младите да се поттикнат и да им се потенцираат предностите на животот во селата. Реновираното поранешно училиште, кое локално го викаме ‘Беличката палата’, ќе биде една од тие места во кои може сите да се дружат, а Беличките средби се настан кој со децении нè прави уникатни во овој регион, привлекувајќи гости од земјата и странство“, додава тој.
Организаторите со ова сакаат да испратат порака дека неопходно е сите ние да бидеме генерацијата што ќе ја зачува иднината и затоа сите се добредојдени утре, сабота, 23 јули 2022 од 17:00 часот на „Кичево одржливо експо“, на кое ќе можат да се запознаат и да се вклучат во неформална дискусија за начините како Кичевскиот Регион да стане отпорен на климатските промени преку развој на алтернативни зелени економски гранки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.