Македонија
Коалицијата „Вреди“: Придобивките од Охридскиот договор се посилни од обидите за негова приватизација

Денот на одбележувањето на Охридскиот Рамковен Договор конечно ја доби својата вистинска и институционална форма. Овој историски момент, кој претставува најголемо достигнување на албанскиот народ во Северна Македонија, конечно е ослободен од канџите на поединци кои со години го користеа за исполнување на своите лични желби и за присвојување на богатството на народот, велат од коалиција Вреди.
„ДУИ, со својата политичка ароганција и долгогодишно владеење, сè уште мисли дека може да присвои секое достигнување на албанскиот народ. Со ароганција се осмелија да организираат паралелен настан за овој значаен ден, спротивно на бројните повици да не го делат народот за овoj настан што треба да нè обедини сите. Тие секогаш кога зборуваат за „Охридскиот договор“ и се обидуваат да наметнат теми за легитимитет, треба да се разбере дека е обид да се оттргне вниманието од нивните корупциски скандали и одговорноста за нивниот 22-годишен режим. Тие се обидуваат да ја прикријат својата минато преполна со корупција, криминал и лошо управување“, посочуваат од коалицијата и додаваат:
„Со доаѓањето на Коалицијата ВЛЕН на власт, повеќе нема „Арберија Дизајн“ за организирање на Охридскиот Рамковен Договор за стотици илјади евра. Со доаѓањето на Коалицијата ВЛЕН на власт, повеќе нема лични желби, веселби и несериозност со единствена цел – збогатување. Со доаѓањето на Коалицијата ВЛЕН на власт, заврши времето на неодговорност. Со доаѓањето на Коалицијата ВЛЕН на власт, заврши ароганцијата на власта кон народот. Времето на презир и присвојување на достигнувањата на албанскиот народ од оние кои ги искористија за свои интереси заврши засекогаш. Коалицијата ВЛЕН е решена да ги промовира вредностите и достигнувањата на албанскиот народ со чест и одговорност, заштитувајќи ги интересите на граѓаните и борејќи се против секоја форма на корупција и злоупотреба на власта. Заедно ќе ја изградиме иднината што албанскиот народ ја заслужува“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Резултатот не ме воздигнува, туку ме охрабрува да работам уште посилно, вели кандидатот за градоначалник на Кочани од ВМРО-ДПМНЕ

Кандидатот за градоначалник на Кочани од ВМРО-ДПМНЕ, Владко Грозданов, изјави дека постигнувањето на цензусот е доказ за достоинството и чесноста на кочанчани.
„Ова е една од најтешките изборни трки во историјата на Кочани. Една трка со најголем товар, како за мене така и за моите противкандидати. Но, сепак моите кочанчани, моите сограѓани, се одважија и пред се со постигнувањето на цензусот за легитимност на изборите покажаа дека се достојни и чесни и секако со самиот резултат кој го доделија во моментот ја покажаа својата визија за иднината“, рече Грозданов во разговор за „Сител“.
Тој им се заблагодари на граѓаните за поддршката и порача дека таа не го воздигнува, туку го охрабрува да работи уште посилно и почесно.
Претстои иднина за нашите деца, претстои иднина за Кочани. Кочани мора да се исправи, додаде.
Грозданов го заврши првиот круг од локалните избори со водство од повеќе од 2.000 гласа пред неговиот противкандидат, актуелниот в.д. градоначалник, Венко Крстевски, кој настапува независен. Вториот изборен круг ќе се одржи на 2 ноември.
Македонија
Мицкоски од Чучер Сандево: Да излеземе масовно на 2 ноември и да го заокружиме бројот 9 за развој и напредок

Претседателот на ВМРО-ДПМНЕ, Христијан Мицкоски, се обрати од денешниот настан одржан во Чучер Сандево, во рамки на вториот круг од локалните избори закажани за 2 ноември 2025 година, под слоганот ,,Вистинскиот избор! Твојот човек! Твоето место! За твојата иднина!“.
Мицкоски во својот говор ги повика граѓаните во вториот круг да излезат на гласање, да учествуваат во креирањето на политиките и да го заокружат бројот 9.
„Би сакал да упатам неколку политички пораки за да можат граѓаните самите да донесат заклучок и одлука по кој пат ќе ја водиме државата, дали ќе ја водиме државата по патот којшто го нуди коалицијата ВМРО-ДПМНЕ или ќе се вратиме на патот којшто го гледавме 7 години, тоа бешe сосема поинаква коалиција предводена од СДСМ и ДУИ или пак третата група ќе останеме дома па ќе видиме каде ќе не води бранот ние заедно со бранот и ќе немаме можност да одлучуваме, што сметам дека е најпогрешната опција. Затоа што ако се остане дома и не се излезе на избори и не се гласа по сопствено убедување тогаш вие дозволувате друг да одлучува за вас и за вашата општина и насоката во која ќе оди државата. Мојата молба до сите жители на Чучер Сандево и генерално до сите граѓани во Македонија е да излезат првично на овие избори првиот круг таму каде што ќе се гласа и да гласаат по сопствено убедување“ нагласи Мицкоски.
Мицкоски ги повика функционерите постојано да бидат достапни на граѓаните и да испорачаат резултати.
„Втора работа која сакам да ја кажам е дека на овие избори во првиот круг се донесе одлука за 33 градоначалници од редот на ВМРО-ДПМНЕ и коалицијата и тоа е бројка која е импресивна и уште во 26 општини ВМРО-ДПМНЕ се или на прво место или на второ што значи 59 општини плус Градот Скопје тоа претставува историски резултат политички но и голема обврска во смисла дека очекувањата на граѓаните се големи. Ние сме народна партија, партија која што треба да биде слуга на граѓаните на народот. Тоа значи дека нема одмор и треба да се работи секој ден во неделата бидејќи имаме многу да сработиме нема работно време се почнува рано се завршува доцна секогаш треба градоначалникот да биде достапен. Секој од избраните од народот функционери треба да биде достапен и секогаш да одговара на потребите на граѓаните. Тоа е втората порака која сакам да ја упатам“ кажа Мицкоски.
Македонија
ВМРО-ДПМНЕ ги демантира како лаги и глупости изјавите за мигрантски кампови: „СДСМ да се реформира“

ВМРО-ДПМНЕ остро регира на денешната прес-конференција на Богданка Кузеска од СДСМ, која побара премиерот Христијан Мицкоски јавно да одговори дали за време на посетата на владината делегација во Велика Британија било разговарано за прифаќање мигранти и отворање мигрантски кампови во Македонија.
Од ВМРО-ДПМНЕ ваквите настапи на СДСМ ги опишаа како правење штета на државата, а на социјалдемократите им порачаа да се реформираат.
„Реформирајте се, ставете прст на чело, погледнете се во огледало и престанете да правите штета на државата и како опозиција со истите и повторно истите бесмислености“, се вели во реакцијата.
Со вакви лаги, велат ВМРО-ДПМНЕ, не се добива доверба кај граѓаните.
„И после едвај 120 илјади гласови добиени додека се на пат на пасокизација, да ја доживеат судбината на левата грчка партија која се распадна, СДСМ продолжува со истите глупости и измислици“, додаваат.