Македонија
Ковачевски го бранеше Николовски: Трипуновски е од партија што смета дека вино се прави од стиропор, а ние докажавме дека се прави од грозје
Министерот за земјоделство Љупчо Николовски денес од винарија во Трубарево, повеќе од половина час се оправдуваше за распределбата на 2,5 милиона евра на мали винарии по вчерашното обвинување од дополнителниот заменик-министер Цветан Трипуновски, дека направил упад во системот со програмите и ги поделил без никаква контрола.
Николовски безброј пати повтори дека распределбата не била селективна, немало рангирање туку добиле сите кои ги исполнувале условите и токму како резултат на програмите за две години се регистрирани 174 нови македонски винарии.
„Ние се гордееме со овие програми заради тоа што гледате што е препознатливо во државата. Сите знаат. Од небото се гледа за 67-те винарии кои денес јасно, со име и презиме го посочија токму тој кој што се обидува да ги кочи и да ги блокира, не само законите, сега сака да ги кочи и да ги оспорува програмите. Токму македонските винарии станаа брендот по кој ние сме препознаени насекаде. Таму нема делби и селекции. Има само еден кој што нема добиено. Еден. Тој е зад мене, раководител е на секторот и неговото семејство на првиот оглас, но и сега, нема добиено грант. Не знам од каде е таа храброст да се употребуваат имиња без никаква аргументација. Да од морални од етички причини нема добиено поддршка за грант, но имаат добиено сите други“, рече министерот Никловски.
Доведувањето во прашање на програмите, според Николовски, е напад не само врз него туку и обид да се атакува врз сите кои добиле грнтови од 10.000 евра и веќе развиле успешни бизниси.
„Јас не ја сфаќам логиката да се свртите против многу жени кои добија грантови, кои ги произведуваат најубавите традиционални производи кои што сите можеа да ги пробаат на вториот и на првиот национален саем во Скопје. Да се свртите против младите кои преку овој грант ги привлекуваме да останат тука и дома и на сите овие винарии кои се нашироко познати“, рече министерот Николовски.
Додека министерот зборуваше, лидерот на СДСМ и експремиер, Димитар Ковачевски, стоеше зад него, но не издржа да молчи па застана пред камерите да му помогне.
„Има една разлика, ќе ти помогнам, што Трипуновски претставува политичка партија која докажала и покажала дека смета дека вино се прави од стиропор. Ние докажавме и покажавме дека вино се прави од грозје. Тоа е разликата“, рече Ковачевски.
И министерот и експремиерот кажаа дека Македонија е на 13 место во светот по извоз на вино, а минатата недела токму малите семејни винарии се организирале и направиле извоз во Австралија, Нов, Зеланд и Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.