Македонија
Ковачевски – Данци: Долгорочната соработка продолжува, голема поддршка од Швајцарија

Претседателот на Владата, Димитар Ковачевски, се сретна со Патриција Данци, генерална директорка на Швајцарската агенција за развој и соработка, придружувана од Вероник Улман Марти, амбасадорка на Швајцарската конфедерација, во нашата држава.
На состанокот е најавено дека продолжува големата поддршка од Швајцарија во развојот на Република Северна Македонија и силната и долгорочна соработка со нашата држава, којашто се реализира веќе речиси три децении.
Разговарано е за повеќе актуелни прашања, како што се последиците од војната во Украина, економската и политичката клима во државава, реализацијата на интеграциските перспективи. Заеднички е констатирано дека решението за ситуацијата во Украина не е воена агресија, туку дијалог, како и дека случувањата во Украина рефлектираат економски и енергетски последици од светски карактер.
Премиерот Ковачевски се заблагодари за големата и важна поддршка што ја дава Швајцарија на Северна Македонија во суштински области за граѓаните и општеството, како што се животната средина, економијата, демократските процеси, политиките на еднаквост на сите граѓани.
Тој рече дека денеска Македонија се развива како демократско општество и како едно општество за сите граѓани, пример во регионот за заедничко живеење и функционирање.
Премиерот Ковачевски соопшти дека македонската Влада, како и Владите во Европа и светот, е насочена кон надминување на предизвиците од светската економска и енергетска криза предизвикани од војната во Украина и од пандемијата и дека за таа цел постои тесна соработка и со премиерите и Владите во регионот.
„Фокусирани сме, на дневно ниво и кон стратешки политики во заштитата на животниот стандард на граѓаните, на ранливите категории граѓани, на ликвидноста на компаниите. Имаме историско покачување на минималната плата и покачување на пензиите, коешто годинава исто така ќе биде на историски највисоко ниво. Работиме на обезбедување на алтернативните извори на енергија и на обезбедување храна, преку антикризни мерки на спречување ценовни шокови, со коишто се соочува целиот свет. Предизвик и одговорност е да се води државата сега и затоа нема оправдување за несериозно однесување, како што се блокадите од несериозен политички субјект во Парламентот, што ги прави веќе 20-тина месеци, или предлозите за предвремени избори, коишто се од популистички карактер, а на штета на граѓаните и државата“, рече премиерот Ковачевски.
Претседателот на Владата, Ковачевски, во однос на евроинтеграцискиот исчекор, соопшти дека нашата држава го има направено потребното, практикува и почитува европски вредности и е поставена принципиелно во развојот на добрососедските односи, со цел достоинствени решенија на отворените прашања.
На средбата е изразена заедничка определба за натамошна соработка помеѓу Северна Македонија и Швајцарската агенција за развој и соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.