Македонија
Ковачевски да го разреши Бектеши оти ја излажал цела Влада за рудникот во Иловица, бара Стојановски
![](https://makfax.com.mk/wp-content/uploads/2022/11/bojan-stojanoski2.jpg)
Пратеникот на ВМРО-ДПМНЕ, Бојан Стојановски, прашува дали министрите кои биле на седницата кога се доделувала концесијата за рудник во Иловцица ќе побараат одговорност од Бектеши?
Тој на ФБ напиша:
„Министрите кои гласале за оваа концесија денеска на протестите заедно со граѓаните.
Каков илустративен приказ на лицемерието на СДСМ !
И бидејќи Министерот ја излажал цела Влада, ќе има барање за одговорност !?
Ќе има барање за поднесување неотповиклива оставка !?
Или Ковачевски веднаш и неодложно да го разреши бидејќи свесно и за личен интерес ја “изманипулирал” цела Влада !?
Нормално дека нема да има.
А зошто !?
Бидејќи полтроните од СДСМ се толку исплашени од одговорност и без никакво ниво им слугуваат на тесната криминална клика од ДУИ, на штета на државата, а за лична корист.
И бидејќи за секое криминално дело на оваа клика, добиваат надомест.
Мизерно е како срамежливо барате “ревизија”, а не одговорност!“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Возачот не е повреден а заглавениот камион е извлечен, соопшти ЦУК
![](https://makfax.com.mk/wp-content/uploads/2023/02/policija-2.jpg)
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
![](https://makfax.com.mk/wp-content/uploads/2021/06/85020985.jpg)
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.
Македонија
ЦУК: Падна карпа на булеварот „Никола Карев“ после влезот на касарната „Илинден“, во Скопје
![](https://makfax.com.mk/wp-content/uploads/2024/06/Screenshot-2024-06-27-214830.jpg)
Преку единственствениот повикувачки број за итни случаи 112 во ЦУК била добиена пријава за падната карпа на булеварот „Никола Карев“ после влезот на Касарна „Илинден“, во Скопје.
„Регионалниот ЦУК Скопје известува дека веднаш ги информирале надлежните од Град Скопје за итниот случај, по што ќе превземе мерки Градот преку своите служби“, соопштија од центарот.