Контакт

Македонија

Ковачевски: До 100 проценти ги покачивме платите во образованието, Армијата, МВР, здравството, обезбедивме највисока просечна, минимална плата и пензии во државата досега

Објавено пред

Премиерот Димитар Ковачевски, на седницата за пратенички прашања во Собранието, посочи дека денес минималната плата, просечната плата и пензиите, но и платите во клучните сектори во државата се покачени како никогаш досега. И тоа во услови кога инфлацијата е спуштена од 19 на 3 проценти, на ниво како пред кризата.

dobivaj vesti na viber

„Во тешка година за целиот свет, поради наследените последици од пандемијата и војната на европскиот континент, кога целиот свет се справува со економско-енергетска криза, успеавме да ја заштитиме егзистенцијата на граѓаните и компаниите, да се сочуваат – и дури да се отворат нови работни места, да растат платите и пензиите, да помогнеме на сите, на кои што им е најпотребно. Од оваа гледна точка, Владата што ја предводам го направи потребното, со навремени решенија, кога беше и е потребно – и со системски решенија, со коишто го осигуравме растот на платите и пензиите. Никогаш повеќе растот на минималната плата и на пензиите да не зависи од предизборни калкулации и манипулации како што беше тоа во минатото туку да зависат од законски решенија и методологии кои што се за долг временски период“, порача премиерот Ковачевски и се осврна на конкретни факти.

„Најголемото покачување на платите во образованието, за 18 проценти, се случи токму во 2022 и 2023 година. Платите во образованието, од 2016 година до 2023 година, во просек се зголемени за 40 до 50 проценти!“, соопшти премиерот.

„Наставник во основно образование, во 2016 година имал нето плата од 20.300 денари. Во 2023 година добива 30.000 денари, односно зголемувањето е за 44 проценти – нето плата. Професор во средно образование во 2016 година добивал 21.500 денари. Денес, нето платата е зголемена за 42 процента, односно изнесува 31.000 денари. Во високото образование, професорите добиле зголемување на нето платата за речиси 50 проценти. Во 2016 година имале нето плата од 34.000 денари. Сега нето платата на професор во високо образование е 56.000 денари, посочи премиерот.

Претседателот на Владата направи споредба и со платите во Армијата и во МВР, денес, во однос на износите во време на претходната влада.

„Во МВР, односно во полицијата, во периодот од 2017 до 2023 година, платите се зголемени за 35 проценти. А, се исплатени 6 бонус плати за одработени прекувремени работни часови. Односно во овој ресор има: 5 покачувања на плата за сите вработени во МВР, 4 дополнителни покачувања за одредени категории работни места, 6 исплатени бонус плати. Во 2022 година, до 01.09.2022 година, со донесената Одлука на Влада за усогласување/зголемување на платите на вработените во Министерството за внатрешни работи, спроведено е зголемување на платите за 5%, во септември 2022, започнувајќи со исплата на септемвриска плата. Во 2023 година, со Одлука на Влада започнувајќи од 01.03.2023 година, извршено е линеарно зголемување на платите на вработените, во бруто износ од 3.000,00 ден, со исплата на платата за месец март“, нагласи премиерот.

„Во Одбраната, професионален војник во 2010 година примал 19.000 денари плата. Во 2016 година примал 22.000 денари. Од 2018 година почнува покачувањето на платите. Во 2022 година месечните приходи на војниците драстично се зголемуваат, особено со законското решение на исплата на месечна станарина за сите – и изнесуваат над 36.000 денари! Од 2023 година, професионален војник добива уште поголем месечен приход, вкупно 46.000 денари, односно плата од 35.000 денари, плус скоро 11.000 денари за станарина. Офицер (полковник) – во 2016 година имал 43.700. Од 2023 има вкупен месечен приход од 75.842 денари, односно – околу 65.000 денари плата и скоро 11.000 денари станарина. Подофицер (наредник), во 2016 година имал 27.000 денари плата. А од 2023 година има вкупен месечен приход од 53.000 денари. Платите на НАТО единицата во 2023 се скоро 54.000 денари за професионален војник, околу 58.000 денари за подофицер (наредник) и околу 84.000 денари за офицер (полковник)“, рече премиерот.

„Ова значи Влада којашто е одговорна и ова значат плати на држава членка на НАТО Алијансата. Над 100 проценти зголемени месечни приходи на припадниците на Армијата“, оцени премиерот Ковачевски и соопшти и за направените покачувања во секторот Здравство.

„Вложивме и во достоинството на лекарите и медицинскиот персонал. Основната плата на лекарите специјалисти ја зголемивме за 40 проценти, на медицинските сестри помеѓу 20 и 23 проценти, на општите лекари за 25 проценти, на здравствени соработници за 15 проценти. Платите на лекарите специјалисти некаде се дуплирани. Го корегиравме коефициентот за дежурства. Со тоа дежурствата се повисоки до 160% од тоа што беа во 2016 година. Оваа година во октомври е потпишана Спогодбата со здравствениот синдикат за ново зголемување на платите на здравствените работници“, додаде премиерот Ковачевски.

Претседателот на Владата потенцираше дека просечната месечна исплатена нето-плата по вработен, во октомври 2023 година, изнесува 39.000 денари, што е зголемување од 18 проценти во однос на истиот месец минатата година. Со што, не само што е исполнето, туку е и надминато ветувањето за 500 евра просечна плата, за 150 евра, една година порано, во однос на она што беше ветено. И просечната плата денес е 630 евра! Просечната плата е за 300 евра во однос на она што беше во 2016 година. Дека минималната плата во државата, од 2016 година до денес е покачена за 100 проценти – од 10.000 денари, на 20.000 денари. Дека пензиите веќе пораснаа за 6.000 во однос на 2016 година – просечната пензија во март оваа 2023 година е 21.000 денари, а во 2016 година изнесуваше 13.500 денари, а минималната пензија којашто беше 9.000 денари, денес е 13.500 денари, односно е покачена за 4.000 денари.

„Платите и пензиите ќе продолжат да растат со оглед на тоа што воведовме законски решенија, коишто во себе содржат методологија за пораст врз основа на зголемувањето на трошоците за живот и зголемувањето на просечната плата“, најави премиерот Ковачевски.

Македонија

Сали во официјална посета на Украина: посетата има за цел размена на искуства за европската интеграција и поддршка за Украина

Објавено пред

Утре првиот заменик-претседател на Владата и министер за европски прашања, Беким Сали, ќе престојува во официјална работна посета на Киев, Украина.

dobivaj vesti na viber

Во рамки на посетата, Сали ќе учествува на заедничка комеморативна церемонија во чест на загинатите бранители на Украина, и ќе оствари повеќе средби со високи претставници на украинските институции задолжени за европската и евроатлантската интеграција.

Посетата има за цел продлабочување на билатералната соработка, размена на искуства во процесот на европска интеграција и изразување поддршка за Украина.

Прикажи повеќе...

Македонија

Мицкоски: Создаваме услови во кои знаењето ќе се претвора во иновација, иновацијата во производ, а производот во нови работни места

Објавено пред

Со формирањето на Советот за иновации, научно-технолошки развој и претприемништво, ја потврдуваме нашата јасна и силна определба Македонија да се позиционира како земја на знаење, наука, истражување, иновации и модерна, конкурентна економија. Како Влада преземаме целосна одговорност да ја водиме оваа трансформација, истакна премиерот Христијан Мицкоски.

dobivaj vesti na viber

Советот, како што оцени, не е само формалност туку механизам преку кој науката, истражувањето и дигитализацијата ќе станат двигатели на економскиот раст.

Според него, самата структура и состав на Советот, кој, како што рече, ги обединува клучните министерства и ресори, академската заедница и експертите од различни области, гарантира интегриран и стратешки пристап во носењето одлуки. Ова тело, оценува тој, ќе обезбеди координација помеѓу образованието, науката, дигиталната трансформација и економските политики.

„Со оваа политика создаваме основа за отворање нови, квалитетни и добро платени работни места. Поддржувајќи ги стартапите, технолошките компании, истражувачките центри и иновативните мали и средни претпријатија, директно инвестираме во подобра економија – економија што создава вредност, извезува знаење и гради долгорочна стабилност.

Во координација со Министерството за образование и наука, Министерството за дигитална трансформација и Министерството за економија и труд како креатори на политиките, Агенцијата за иновации, научно-технолошки развој и претприемништво – ИНОВА е главен имплементатор на програмата. Но успехот нема да биде резултат на една институција – туку на заедничка работа. Владата, ИНОВА, универзитетите, истражувачките институти, приватниот сектор и претприемачите мора да дејствуваат како единствен екосистем.

Овој Совет испраќа јасна порака: Македонија избира економија базирана на знаење. Избираме инвестиции во наука и истражување. Избираме дигитална трансформација. Избираме нови работни места, повисока продуктивност и подобар стандард за сите граѓани“.

Прикажи повеќе...

Македонија

(Видео) Кузеска за Груби: ДУИ го спасува Мицкоски

Објавено пред

Секој што го прекршил законот мора да одговара. ДУИ го спасува Мицкоски. Му фрлија гума за спасување. После денешниот театар на македонската граница веќе на сите им е јасно дека бегството на Артан Груби беше политички договор, истакна на прес-конференција Богданка Кузеска портпаролка на СДСМ.

dobivaj vesti na viber

СДСМ, како што рече, ова го најавиле уште во декември 2024 година.

„Сега само се потврди пред очите на македонската јавност. Како што се договорија да го пуштат, така сега се договорија да се врати. На овој начин ВМРО со поддршка од ДУИ сака да го покрие најголемиот нарко-скандал со 5 тони дрога кој води до врвот на Владата на Мицкоски. Но и бројните скандали со криминални тендери за кои повеќе од 80 дена нема никакви оддговори.
161 тендер за семејна фирма на Томовски, 51 тендер за „Пирамид Билдинг“, 74 тендери за „Ленди Груп“, 9 милиони евра за фирма со двајца вработени, 1,2 милиони евра тендер преку Пошта за фирма блиска до ЗНАМ“.

Според Кузеска, сите тендери водат до најтесниот круг околу Мицкоски а повеќе од 80 дена нема реакција од обвинителството.

„Повеќе од 20 денови нема одговори за 5 тони дрога, нема одговори за сликите со Симе, за Адамовиќ. Граѓаните нема да добијат одговори на прашањата но ќе добијат театар, како денеска.
Нема борба против криминалот и корупцијата. Станува збор само за договорена кампања поради падот на рејтигнот на Мицкоски.
Сакаше да се претставува како чесен, но по бројните скандали, скапите часовници и луксузирањата на грбот на народот со авион веќе е прочитан од граѓаните.
Copy-paste по рецепт на Вучиќ, кој секогаш кога е во пад највува некое апсење. Немаат одговор на скандалите, веднаш прават дефокус“.

Се отвори прашањето, додава таа, кој од актуелните функционери во Владата на Мицкоски ќе одговара и затоа, според неа, им е потребен Артан Груби.

Цела, како што оценува, е повторно да се поврзе СДСМ со ДУИ.

„Како што се поврзуваше кампањата со марихуаната од Струмица, како што имавме можност да видиме и со оваа најава на Жан, со купишта натписи пред неколку недели за наводна поврзаност меѓу СДСМ и ДУИ. А вистината е дека ВМРО-ОКГ се во дил со ДУИ. Власта го презема судството и обвинителството под своја контрола, се рушат предметите на СЈО сега е вистинско време Груби да се предаде. Кој се смее кога го апсат? Како нема ниту една камера од 65 илјади за 5 тони дрога а има камери за Груби? Ова нема да помине. Секој што го прекршил законот ќе одговара“.

Прикажи повеќе...

Најново

Македонија44 минути

(Видео) Кузеска за Груби: ДУИ го спасува Мицкоски

Секој што го прекршил законот мора да одговара. ДУИ го спасува Мицкоски. Му фрлија гума за спасување. После денешниот театар...

Македонија45 минути

СДСМ e нервозeн поради апсењето на Груби, стравува од откривање афери, велат од ВМРО-ДПМНЕ

ВМРО-ДПМНЕ верува дека во СДСМ владее нервоза и фрустрација поради апсењето на поранешниот вицепремиер, Артан Груби и дека постои страв...

Македонија59 минути

Кривична против поранешен директор на Здравствен дом Куманово: ангажирал 68 лица со договор на дело, на кои незаконски им исплатил над 350 илјади евра

СВР Куманово поднесе кривична пријава против 43-годишниот Ф.А. од Куманово поради постоење основи на сомнение за сторено кривично дело „злоупотреба...

Македонија2 часа

„Страв во Мала Речица“ – ВЛЕН прашува кој ќе оди курбан со Груби

Дали Артан Груби ќе му го зададе фаталниот удар на Али Ахмети и ДУИ, прашува ВЛЕН во првата реакција по...

Регион2 часа

(Фото) Загина планинар во Црна Гора

Црногорски планинар загина на планината Хајла. Неговото тело беше пронајдено вчера на црногорската страна од планината, откако беше пријавен за...

Регион3 часа

Радев: Украина сè уште има работа пред да се приклучи кон ЕУ, не треба да го заборавиме Западен Балкан

Во интервју за германското издание „Берлинер Цајтунг“, поранешниот бугарски претседател Румен Радев, кој неодамна поднесе оставка и најави влез во...

Свет4 часа

Захарова: Се испостави дека вистинските чудовишта се чувствувале удобно во западното општество

Објавувањето на таканаречените досиеја на Епстин разоткри „одвратно ѓубре“ кое со години измислува митови за Русија за да го одвлече...

Македонија4 часа

МВР потврди: Уапсен Артан Груби

На граничниот премин „Блаце“, припадници на Министерство за внатрешни работи го уапсија поранешниот прв вицепремиер Артан Груби. „Денеска (23.02.2026) во...

Европа4 часа

(Видео) Трамп го обвини дека е диктатор, Зеленски одговори со насмевка

Украинскиот претседател Володимир Зеленски возврати на претходните коментари на американскиот претседател Доналд Трамп во кои тој сугерираше дека е диктатор...

Свет5 часа

Силна зимска бура во САД: прогласена вонредна состојба во пет држави

Силна зимска бура го погоди североисточниот дел на САД, поради што е издадено предупредувања за 59 милиони луѓе. Во Њујорк...

Свет5 часа

(Видео) Убиен Ел Менчо, најбараниот нарко-бос во Мексико: избувнаа немири

Немесио Осегера Сервантес, попознат како „Ел Менчо“, најбараниот човек во Мексико и водач на моќниот нарко-картел „Нова генерација Халиско“ (CJNG),...

Свет6 часа

Иран и САД ќе ги продолжат разговорите в четврток

Иран и САД ќе одржат трета рунда разговори во Женева в четврток, изјави министерот за надворешни работи на Оман, поради...

Свет6 часа

Кина ја повика Америка да ги укине царините

Кина спроведува „целосна проценка“ на одлуката на Врховниот суд на САД за царините и го повика Вашингтон да ги укине...

Европа6 часа

(Фото) Полицајка убиена во Лавов, 24 ранети; Зеленски: Русија регрутирала напаѓачи преку интернет

Полицајка е убиена, а 24 лица се ранети откако неколку експлозивни направи беа детонирани во Лавов, западна Украина, соопшти полицијата...

Свет17 часа

Иран e подготвен на компромис со САД за да избегне американски напад, објави Ројтерс

Иран кажал дека е подготвен да направи отстапки во својата нуклеарна програма во разговорите со САД, во замена за укинување...

Свет19 часа

Мажот кој се обиде да влезе во имотот на Трамп дигнал пушка во позиција за пукање пред агентите да го убијат

Маж на околу 20-годишна возраст бил убиен откако се обидел нелегално да влезе на имотот на Доналд Трамп во Флорида....

Свет22 часа

Гласањето за трговскиот договор ЕУ–САД може да се одложи поради хаосот со тарифите

Претседателот на Комитетот за меѓународна трговија на Европскиот парламент, Бернд Ланге, предложи одложување на гласањето за трговскиот договор меѓу ЕУ...

Свет24 часа

Унгарија: ЕУ сака утре да го усвои 20-тиот пакет санкции кон Русија, ние ќе го блокираме

Унгарскиот министер за надворешни работи, Петер Сијарто, преку две објави на X повторно ја засили реториката кон Украина поради транзитот...

Свет1 ден

Индија го одложи патувањето на трговска делегација во Вашингтон поради нејасности околу царините на САД

Индија го одложи планираното испраќање трговска делегација во Вашингтон оваа недела, главно поради неизвесност по одлуката на Врховниот суд на...

Свет1 ден

(Фото) Трамп објави дека испратил болнички брод на Гренланд, Данска вели дека нема сознанија

Американскиот претседател Доналд Трамп повторно го стави Гренланд во фокусот со објава на Truth Social, тврдејќи дека испраќа голем болнички...