Македонија
Ковачевски: Како членка на НАТО ќе продолжиме активно да учествуваме во сите активности на Алијансата
Пред точно две години ја остваривме една од стратешките цели поставени уште од осамостојувањето на државата – полноправно членство во НАТО алијансата. Две години подоцна, во екот на најголемата воена и економска криза по втората светска војна, ја согледуваме исправноста на оваа одлука, порача премиерот Димитар Ковачевски.
„ Во овие неизвесни времиња, кога целиот свет се грижи иднината и безбедноста, Северна Македонија е дел од најмоќниот воено политички сојуз кој го гарантира нашиот територијателен интегритет и сигурност.
Членството во алијансата е многу повеќе од гарантирана безбедност и заштита на нашите граѓани. Да се биде дел од НАТО значи исполнување на сите стандарди на цивилизираниот свет, како заштита на човековите права, солидарност меѓу народите и унапредување на демократијата.
Како членка на НАТО ќе продолжиме активно да учествуваме во сите активности на Алијансата и да го градиме сојузништвото со нашите партнери. Оваа определба значи долгорочен развој за нашата земја и сигурна иднина за нашите деца.
За крај, денес се потсетуваме дека одлуките кои владата на СДСМ ги донесе беа визионерски и во најдобар интерес на граѓаните. Со храбри и одлучни чекори продолжуваме и понатаму затоа што политката е лидерство и одговорност за иднината на сопствените граѓани“ напиша Ковачевски на Фејсбук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Поминаа 24 часа, СДС уште не им се извини на граѓаните што ги нарече ,будали“, велат од ВМРО-ДПМНЕ
„Поминаа 24 часа, а СДС уште не им се извини на граѓаните што ги нарече „будали“. СДС упорно продолжува да ги понижува граѓаните“, велат од ВМРО-ДПМНЕ.
„Очигледно е дека СДС се нервозни од најновата анкета во која нивната партија има дополнително ослабнато споредено со изборите, но тоа не е и не може да биде оправдување за да ги вреѓаат граѓаните.
СДС не смее да го навредува народот, тоа што се спречени да крадат и затоа се најмногу нервозни треба да го земат за лекција, да се реформираат и да се исчистат од криминалци, а не да мечтеат за да продолжат по истите патеки каде што застанаа.
Очекуваме извинување од СДС до граѓаните и осуда од сите чинители во државата. Ваквиот однос на политичка партија која претендира да биде најголема опозициска партија не смее да биде пракса“, соопшти ВМРО-ДПМНЕ.
Македонија
Сончево и постудено, со засилен ветер од северен правец
Времето денеска ќе биде сончево и постудено со мала до умерена локална облачност. Ќе дува засилен, а долж Повардарието и во источните делови силен северoзападен ветер (наместа над 70км/ч.).
Минималната температура ќе биде во интервал од 6 до 15, а максималната ќе достигне од 13 до 22 степени.
Во Скопје сончево со мала локална облачност и со засилен ветер од северен правец. Минималната температура ќе се спушти до 10, а максималната ќе достигне до 22 степена.
Денеска ќе продолжи да дува засилен, а долж Повардарието и во источните делови силен северен ветер повремено со брзина над 70 km/h. Потоа во следните два дена времето ќе биде сончево со ниски утрински температури, а дневните ќе бидат во постепен пораст.
Од четврток се очекуваат нови врнежи од дожд повремено пообилни.
Скопје
Без струја дел од општините Ѓорче Петров и Сопиште
Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа денеска без напојување со електрична енергија ќе останат:
• Во период од 08:30 – 13:00 часот, дел од улицата Ѓорче Петров од бр.115 до бр.141 (општина Ѓорче Петров)
• Во период од 08:30 – 12:00 часот, ОУ Тихомир Милошевски и дел од корисниците во Ново Село (општина Ѓорче Петров)
• Во период од 08:30 – 15:30 часот, дел од ул.1 од Општина Сопиште патот кон Ракотинци.