Македонија
Ковачевски: Северна Македонија е фактор на стабилност, безбедна НАТО-земја со поволен амбиент за инвестиции
Премиерот Димитар Ковачевски денеска присуствуваше и се обрати на најголема мултинационална вежба оваа година во Република Северна Македонија, „Брз одговор 23“, на која, покрај Република Северна Македонија, учествуваат уште три НАТО-земји членки – Соединетите Американски Држави, Албанија, Црна Гора и како земја партнер на НАТО – Косово, со околу 1.850 учесници.
Вежбата, според надлежните, е од особено значење за нашата Армија во однос на споделување знаења, способности и вештини, подобрување на интероперабилноста и меѓусебна оперативна синхронизираност помеѓу армиите на НАТО и партнерските армии преку широк спектар на речиси симултани операции, кои се изведуваат во повеќе зони, демонстрирање на обединетоста на НАТО за безбедноста на секоја земја членка, како и потврда на можностите на „АП Криволак“ за изведување разновиден вид вежбовни операции и користење разновиден вид борбени средства и вооружување.
Припадниците на армиите, кои учествуваат во вежбата, презентираа комбинирани копнени активности: „Мултинационална чета во напад, подржана со артилериска, воздушна и противоклопна поддршка“.
Во вежбовните активности предвидена е употреба на роботизираното софистицирано возило т.н. Project Origin, кое е во пробна употреба на Армијата на САД и кое првпат ќе тестирано во вежбовни услови лансирање противоклопна ракета од типот Javelin, која е дел од неговото вооружување.
Вежбата „Брз одговор 23“ е поврзана со комплексот на вежби Defender Europe 23, кои на годишно ниво редовно се реализираат во Европа, предводени од Армијата на САД за Европа и Африка. „Брз одговор 23“ ќе се изведува во 8 земји во регионот: Северна Македонија, Албанија, Бугарија, Босна и Херцеговина, Црна Гора, Хрватска, Словенија и Косово.
„Годинава реализираме уште една успешна заедничка вежба со нашите НАТО-сојузници, каде што преку разни вежбовни операции го демонстрираме единството на Северноатлантскиот сојуз во име на безбедноста на секоја земја членка и во име на светскиот мир“, истакна во своето обраќање премиерот Ковачевски.
Со нашето членство во НАТО, појасни Ковачевски, Република Северна Македонија не е повеќе објект на геополитичката сцена, туку субјект што активно учествува во носењето одлуки од светско значење заедно на иста маса со светски суперсили.
„Со нашето членство во НАТО и учеството во заеднички акции градиме силни партнерства со сојузниците и од нашиот регион и пошироко. За Северна Македонија, зачувувањето на мирот и стабилноста на Западен Балкан е еден од врвните надворешнополитички приоритети.
Со потпишувањето на договорот со ФРОНТЕКС и зачленувањето во големото НАТО-семејство ги заштитивме нашите идентитетски одредници, ги заштитивме нашиот македонски јазик и нашата култура. Под штитот на НАТО и силната поддршка од сојузниците и нашите стратешки партнери нашата држава е посилна и постабилна од кога било. И политички и економски бидејќи почетокот на преговорите со ЕУ и стабилноста со членството во НАТО донесе поволен и предвидлив амбиент за странските директни инвестиции, кои во услови на криза достигнаа рекорден историски износ од 753 милиони евра, што е највисоко ниво на вакви инвестиции во земјата, и тоа двојно повеќе во споредба со 2016 година.
Буџетот на Министерството за одбрана, кој растеше изминатите десетина години, годинава достигна највисоко ниво и опфаќа 1,85 отсто од БДП. Нашите заложби за создавање професионална модерна армија ги докажуваме и со одвојување речиси 25 отсто поголеми средства за Армијата во споредба со лани, со што буџетот годинава е зголемен за приближно 54 милиони евра. За реконструкција на објекти и инфраструктура во одбраната се предвидени 10 милиони евра повеќе од 2022 година“, нагласи Ковачевски.
Пред нашата држава, како што додаде, во следниот период претстојат предизвици што ќе ја одредат нејзината иднина – дали ќе тргнеме по патот на евроинтеграциите, стабилноста и просперитетот или ќе останеме заглавени самите со себе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претседателката на Советот на Општина Битола ќе се кандидира за градоначалничка
Актуелната претседателка на Советот на Општина Битола од независната граѓанска иницијатива „Поинаку“, Габриела Илиевска, утрово објави дека како независна ќе се кандидира за градоначалничка на Битола.
Таа ги повика граѓаните да се приклучат против, како што вели, 30-годишното запоставување на градот.
„Добро утро Битола! После сите шпекулации, написи, приказни, плукања, честитки … еве да расчистиме!
Ве повикувам сите битолчани, без разлика дали сте симпатизери или членови на било која политичка партија, гласачи досегашни на било која политичка опција, досегашни “негласачи” … сите… кои сакате да живееме во …поуба, почиста, непартиска, независна Битола. Да ме поддржите за независен , кандидат за градоначалник и да се приклучите кон фронт против 30 и кусур годишното запоставување на градот. Или сите заедно против партиското уништување на Битола или ќе му остајме да не уништуваат. Без уцени за работни места! Без уцени за тендери! Без уцени за директори! Без заплашувања, прв пат Битола ќе има шанса да одлучи кој ќе ја води во следните 4 години“, напиша Илиевска.
Македонија
„Еразмус+ под раководство на Димова во служба на СДС, Фрчкоски, кој јавно го навредува македонскиот народ, награден со 200 илјади евра“, велат од ВМРО-ДПМНЕ
„Криминалот и корупцијата се врежани во матрицата на СДС. Со секој изминат ден на виделина излегува криминалот и корупцијата кои СДС го правеле низ институциите. Власта и управувањето на институциите им служеле единствено да ги задоволат нивните партиски потреби“, велат од ВМРО-ДПМНЕ.
„Таков класичен школски пример на злоупотреба на институцијата и проневера на финансиските средства за задоволување на поединци, блиски до СДС е Агенцијата Еразмус+. Љубомир Фрчкоски, кој важи за протеже и гласноговорник на СДС за навредување и омаловажување на македонскиот народ, бил награден од Агенцијата со 200 илјади евра.
Во време на Зоран Заев и Лидија Димова од Еразмус+, Фрчкоски добил грант вреден 200 илјади евра преку програмата ,,стратешко партнерство”.
Имено, два месеци по неговото назначување за ректор на еден факултет, благодарејќи на добро познатите блиски врски на Фрчкоски со СДС, институцијата го добива првиот грант во неговата историја.
Скандалозно во овој грант е тоа што половина периодот додека траел проектот Фрчкоски бил амбасадор во ОН во Њујорк односно, проектот траел од 01.12.2020 година до 30.11.2023 година, а амбасадорскиот мандат му започнал од 20.04.2024.
Се поставуваат прашањата, како Фрчкоски го работел овој проект како амбасадор и кој го евалуирал? Дали некој од Агенцијата вршел контрола за тоа како се води токму овој проект и зошто проектот не бил прекинат кога Фрчкоски бил испратен за амбасадор во ОН?
Ова само потврдува дека со парите од Еразмус+ СДС го плаќале Фрчкоски за тој да одработува за нив, да ги брани и поддржува по телевизии и по потреба да вреѓа и омаловажува неистомисленици, како и македонскиот народ.
Овој пример само покажува дека на СДС партискиот интерес им бил над државниот и тоа е нивниот начин на работа“, соопшти ВМРО-ДПМНЕ.
Македонија
(Фото) Герасимовски изврши увид во училиштето Димитар Миладинов: Целосно ги реконструираме фискултурната и свечената сала
Градоначалникот на Општина Центар, Горан Герасимовски, направи увид во реконструкцијата што се одвива во ООУ „Димитар Миладинов“, каде во тек е целосно обновување на фискултурната сала, свечената сала и меѓупросторот меѓу нив.
Во фискултурната сала се заменува целиот под со нов паркет, се обновуваат ѕидовите и плафонот, се поставуваат енергетски ефикасни светла и се оспособуваат прозорците, додека свечената сала добива целосно нова бина, нови скалила, обновен паркет и подобрени услови за користење, извести Општината.
„Подобрувањето на училиштата останува еден од нашите клучни приоритети. Со реконструкцијата во училиштето „Димитар Миладинов” создаваме современи, безбедни и инспиративни простори во кои децата ќе можат да учат, да спортуваат и да се развиваат. Инвестицијата во нивното образование и здрав развој е инвестиција во иднината на Центар“, изјави градоначалникот Герасимовски.
Реконструкцијата на Свечената сала, предвидува целосно нова бина и нови скалила, а постоечкиот паркет се струга и лакира. Во тек се молерисувањето на ѕидовите, замената на плафонските светла со штедливи, оспособувањето на прозорците за отворање и отстранување на стара остава со непотребен материјал.
Паралелно, се работи и на меѓупросторот, каде се заменува оштетениот под и се изведуваат молерисувачки зафати, се додава во соопштението од Општината.
(Видео) Еден од најголемите протести во Тел Авив досега: „Запрете ја војната“
Десетици илјади демонстранти се собраа во Тел Авив за да побараат крај на војната во Газа и итно ослободување на...
(Видео) Девет загинати во руските напади врз Украина ноќеска, меѓу нив и деца
Најмалку девет лица, меѓу кои и три деца, се убиени во последните 24 часа во зголемените руски напади низ Украина,...
„Зеленски се соочува со тешка средба со Трамп, мировните услови нема да бидат во корист на Киев“
Украинскиот претседател Володимир Зеленски се соочува со тешка средба со американскиот лидер Доналд Трамп во Белата куќа. Условите за евентуален...
Се уште гори кај Јасен, под контрола пожарот во Јегуновце
Центарот за управување со кризи извести деак во последното деноноќие, до 07:00 часот утрово низ земјава се регистрирани вкупно 28...
Постапка против осум лица за масовна тепачка во Скопје: фрактура на черепот со крварење на мозокот, скршена долна вилица
Јавен обвинител од Основното јавно обвинителство Скопје поведе постапка против осум лица заради учество во масовна тепачка на улицата „Славеј...
Белата куќа е центар на важна дипломатска активност денеска, објавен распоредот на клучните состаноци
Белата куќа е центар на важна дипломатска активност денес, со распоред што вклучува клучни средби меѓу американскиот претседател Доналд Трамп...
Се огласија Русите: На Москва исто така ѝ се потребни веродостојни безбедносни гаранции
Русија се согласува дека секој иден мировен договор за Украина мора да обезбеди безбедносни гаранции за Киев, но на Москва...
Трамп: Некои работи не се менуваат, нема враќање на Крим и нема приклучување на Украина кон НАТО
Трамп се огласи на својата платформа Truth Social за да го повика украинскиот претседател да постигне договор за прекин на...
Зеленски пристигна во Вашингтон: Сите подеднакво сакаме брзо и сигурно да ја завршиме оваа војна
Средбата меѓу американскиот претседател Доналд Трамп и украинскиот претседател Зеленски ќе се одржи денес во 13:15 часот по локално време...
Зеленски: Украинскиот Устав не допушта тргување со територии
Украинскиот претседател Володимир Зеленски денес во Брисел им упати низа клучни пораки на европските лидери, зборувајќи за трансатлантското единство, мировните...
(Видео) Избегната катастрофа кај Брезница, пожарот се движи кон Козјак
Денес се регистрирани десет пожари на отворен простор, информира директорот на Дирекцијата за заштита и спасување (ДЗС), Стојанче Ангелов, предупредувајќи дека...
Америка ѝ нуди на Украина заштита слична на НАТО, Путин, наводно, се согласил
Американскиот претставник Стив Виткоф изјави во интервју за „Си-ен-ен“ дека рускиот претседател Владимир Путин за прв пат се согласил да...
Две лица тешко повредени во групна тепачка во Скопје, полицијата апсеше од тинејџери до 50-годишни
Вчера на улицата Славеј планина во Скопје дошло до групна тепачка помеѓу неколку лица на возраст од 18 до 56...
Млада жена со перница се обиде да ја убие бабата на сопругот – ужас во Ѓорче
Скопското Обвинителство донесе наредба за спроведување истражна постапка против 28-годишна жена осомничена за обид за убиство. Пред два дена, во...
„Ројтерс“ со детали за планот за ставање крај на војната во Украина
Русија би се откажала од помали делови од Украина, а Киев би препуштил поголеми делови од истокот на земјата –...
ВМРО-ДПМНЕ: Фрчкоски добил 200 илјади евра од Еразмус+, наместо младите
ВМРО-ДПМНЕ обвини дека пари од програмата Еразмус+, наменети за образовни проекти за младите, завршувале кај поединци блиски до СДСМ. Во...
Влен: Османи 20 години гради кариера, без проекти за Чаир
Коалицијата „Влен“ го критикуваше Бујар Османи, наведувајќи дека во изминатите 20 години тој градел лична политичка кариера, но не реализирал...
Повеќето пожари изгаснати, под контрола еден – ‘Јасен’ сè уште гори
До 8 часот утринава регистрирани се вкупно 27 пожари на отворен простор, соопшти Центарот за управување со кризи (ЦУК). Од...
Запален штаб, солзавец, шок бомби – масовни протести во Србија
Синоќа имаше смасовни протести во повеќе градови низ Србија, меѓу кои Белград, Ваљево, Милановац, Книќ и Нови Сад. Пред седиштето...
(Вознемирувачко видео) Полицијата на раце носи жена што се обиде да се самоубие скокајќи во Вардар
Денеска (16.08.2025) околу 14 часот во СВР Скопје е пријавено дека во реката Вардар во Скопје, под мостот на ул....
