Македонија
Ковачевски: Пендаровски води позитивна кампања, имаме заедничка визија за европска индина на земјата

Пендаровски води позитивна кампања, ја дели истата визија како СДСМ вие гледате кога ќе ги видите моите говори и неговите во делот на стратешките на државата нема никаква разлика, тоа е членство на Македонија во Европската унија, продолжување на реформите во сите области кој што ги загрижуваат и кој што се за интерес на граѓаните, во делот на владењето на правото, во делот на борбата против корупцијата, во делот на економијата, држава која што треба да има поголем стандард, рече претседателот на СДСМ, Димитар Ковачевски во одговор на новинарско прашање.
„Претседателот Пендаровски ќе биде победничкиот кандидат на овие претседателски избори тоа веќе на сите им е јасно и затоа и таква е нервозата во таборот на нашите политички конкуренти“, додаде Ковачевски коментирајќи ги нервозните напади од ДПМНЕ.
„Досега Пендаровски води една одлична позитивна кампања од која што сум и јас дел, бидејќи во делот на моите дневни активности и јас сум вклучен заедно со другите кандидати за пратеници и другите партиски активисти во промоцијата и на кандидатот и на неговата програма. Ние присуствуваме на митинзите на претседателот Пендаровски согласно со изборните единици во кој што секој кандидат за пратеник е определен“, рече Ковачевски додавајќи дека Пендаровски апсолутно може самостојно да ја образложи својата програма бидејќи 5 години успешно ја извршува функцијата претседател на државата.
„Тој има многу јасен план и многу јасна програма за тоа каде треба Македонија да се движи во наредните 5 години, за разлика од неговиот противкандидат кој што нема програма ние не можеме уште да ја прочитаме или да ја најдеме“, рече Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДС ги бранат бугарските позиции кои се од најголема штетност врз македонскиот народ, велат од ВМРО-ДПМНЕ

Според ВМРО-ДПМНЕ, СДС продолжува да работи контра македонскиот народ.
Наместо, како што велат да го стават прстот на чело и да се запрашаат зошто имаат низок рејтинг, тие продолжуваат да им се додворуваат на Бугарите.
„34 години без престан, работат во корист за другите, а не за македонскиот народ и држава.
Лажеа за знамето, за името, за Уставот, за ЕУ и за што уште не. На СДС во нивната матрица им е лагата.
Денес, повторно пред јавноста, иако министерот за надворешни на Бугарија изјави Македонија да не очекува уставните измени да се последен чекор од интеграцијата во ЕУ, СДС како партија за пропаганда, продолжуваат слепо да си веруваат сами на себе, дека уште уставни измени и ете сме во ЕУ“.
Како што додаваат од владејачката партија, на СДС не му е до достоинството, на СДС важни им се тендерите, сплетките, криминалите, омаловажувањата, буквално се што не треба.
„Затоа имаат рејтинг рамен на статистичка грешка, затоа немаа доверба од народот и затоа не сме сите исти.
СДС се синоним за неспособност, криминал и предавства“, велат од партијата на Мицкоски.
Македонија
ДУИ: Институциите го деградираат користењето на албанскиот јазик на ниво пред усвојувањето на Законот за јазиците

„ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна Македонија. Недостигот на содржини на албански јазик во Министерството за енергетика, Министерството за транспорт, Министерството за внатрешни работи и други институции претставува не само прекршување на Законот за употреба на јазиците, туку и намерно исклучување на албанците од пристапот до јавни информации“, велат од ДУИ.
„Во некои случаи, задржани се само старите двојазични формати од претходната влада, но суштинските содржини, документите и клучните информации се објавуваат исклучиво на македонски јазик.
Станува збор за опасен тренд што оди подалеку од техничка негрижа – ова е институционална политика која го ограничува практичното користење на албанскиот јазик и ги поткопува темелите на меѓуетничката еднаквост во државата.
Дополнително, овие појави се случуваат во време кога се прават обиди за доведување во прашање на клучните одредби од Законот за јазиците пред Уставниот суд.
Кога државните институции почнуваат да го игнорираат или релативизираат едно од најважните достигнувања на Охридскиот рамковен договор – службената употреба на албанскиот јазик – се испраќа опасна порака за иднината на државната кохезија и меѓуетничкиот соживот.
Во момент кога се случуваат овие сериозни процеси, албанските партнери во Владата се зафатени со внатрепартиски караници за претседател на ЛЕН, иако секој од нив со помалку од 1% поддршка од граѓаните, и молчат пред овој удар врз правата на албанските граѓани.
Со оваа тишина, тие не само што ја легитимираат оваа политика, туку стануваат дел од проблемот.
ДУИ им упатува повик на институциите да го почитуваат законот и Уставот, да го запрат јазичниот дискриминациски курс. Албанците нема да прифатат да бидат третирани како граѓани од втор ред. Јазичната еднаквост не е привилегија – таа е право“, соопшти ДУИ.
Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.