Македонија
Ковачевски – Сандри: Во Македонија се гледа како на држава лидер во решавањето прашања
Претседателот на Владата, Димитар Ковачевски, се сретна со Моника Сандри, претставничка на УНХЦР во нашата држава.
На состанокот е разговарано за реализацијата на повеќе важни прашања од Агенда 2030, која се однесува на целите за одржлив развој на ОН, а е универзален документ чиј потписник е и Република Северна Македонија.
Во Северна Македонија се гледа како на држава лидер во решавањето прашања и поради тоа е изразено уверување дека во тој дух продолжува и меѓусебната соработка.
Во таа насока е изразена верба за целосно спроведување на определбата за заштита на правата на сите луѓе што живеат во нашата држава, како и за системска имплементација на Конвенцијата за намалување на бездржавјанството кон која пристапи Северна Македонија. УНХЦР во тоа гледа важен чекор кон глобалните напори за ставање крај на оваа појава, а во унапредувањето на ваквите заложби во светски рамки во Република Северна Македонија препознава сериозен партнер.
Премиерот Ковачевски ѝ се заблагодари на претставничката на УНХЦР, Сандри, за помошта и придонесот на оваа организација на ОН како во нашата држава така и во регионот, особено во делот на човековите права.
„На иста линија сме со ОН во делот на спроведувањето на целите за одржлив развој и Агендата 2030 и подготвени сме да го реафирмираме процесот низ прецизна динамика на реализација на преземените обврски од страна на нашата држава. Во согласност со тоа, ќе работиме и заедно со УНХЦР во делот на сѐ што значи заштита на човековите права на сите луѓе што живеат во нашата земја според меѓународните конвенции и стандарди“, рече премиерот Ковачевски.
Од УНХЦР, како што соопшти претставничката Сандри, остануваат посветени на поддржување на Владата и институциите во постигнувањето на целите за одржлив развој и на обврските од Агендата 2030.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.
Македонија
Сиљановска Давкова на Самитот на иднината во Њујорк
Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.
Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.
Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.
На Самитот треба да бидат усвоени и Декларација за идните генерации и Глобален Дигитален договор.