Македонија
Ковачевски со работната група на Советот на ЕУ: По отворените преговори нов чекор напред во евроинтеграциите
Премиерот Димитар Ковачевски, придружуван од заменик-претседателот на Владата Бојан Маричиќ и од министерот за надворешни работи Бујар Османи се сретна со делегатите од 27-те земји членки на ЕУ во Работната група на Советот на ЕУ, задолжена за проширување и за земјите коишто преговараат за пристапување (КОЕЛА), предводена од Јавурек Леош и придружувани од амбасадорот на ЕУ во земјава, Дејвид Гир.
На состанокот е оценето дека ова е значаен момент за Република Северна Македонија, како прв чекор по отворањето на преговорите со ЕУ во јули годинава, во Брисел, а во пресрет на утрешниот почеток на скрининг-процесот за пристапување на нашата држава во Европската Унија, со што практично се отвора ново поглавје во евроинтеграцискиот процес на земјава.
Пораката што е испратена на денешната средба, од страна претставниците на Работната група КОЕЛА, е дека земјите членки на ЕУ го охрабруваат натамошниот процес на патот на нашата држава кон ЕУ и дека цврсто стојат до нашата земја, со цел динамична реализација на следните чекори во рамки на скрининг-процесот и во преговарачкиот процес, до полноправно членство на Македонија во ЕУ.
При тоа се поздравени мудрите одлуки на Владата и на Парламентот со коишто е покажано визионерство за реализација на стратешките определби и иднината на државата и се овозможи почетокот на преговорите на Северна Македонија со ЕУ.
Европските интеграции, како што е оценето, носат конкретни економски и демократски придобивки за граѓаните на нашата држава. Исто така се од големо значење и за целиот регион, посебно во геополитичките околности во коишто се наоѓаат Европа и светот, поради војната во Украина, што значи и сериозен придонесот кон европскиот мир и стабилност.
Во таа насока изразено е очекување за поддршка од сите политички субјекти и од општествената јавност во следните чекори значајни за процесот на евроинтеграциите, а за коишто е најавена техничка помош и потребната поддршка од државите членки на Унијата.
Ковачевски нагласи дека по 17 години од кандидатскиот статус, Република Северна Македонија конечно го добива заслуженото внимание и место во ЕУ. Тој нагласи дека државата се постави стопроцентно на линија на надворешната политика на ЕУ, практикува европски вредности и дека останува посветена на остварувањето на оваа втора стратешка цел, членство во ЕУ, по членството во НАТО.
„Во рамки на заедничките заложби да испорачаме брзи и квалитетни резултати во евроинтегративниот процес, ќе работиме со сите политички и општествени чинители во државата“, рече Ковачевски.
Маричиќ соопшти дека Владата е подготвена да покаже видливи резултати во унапредување на реформските процеси и дека за тоа е потребно вклучување на сите засегнати страни, вклучувајќи ја и блиската соработка со земјите членки на Унијата и Европската комисија.
Османи констатираше дека земјата се придвижува кон ново поглавје во евроинтеграциите, со денешниот состанок со Работната група КОЕЛА, во рамки на преговарачкиот процес и дека е ова значаен момент за добрата иднина на граѓаните и на Република Северна Македонија.
На состанокот е разговарано и за други актуелни прашања во регионален, европски и геополитички контекст, при што е изразена согласност дека Република Северна Македонија и државите од Западен Балкан треба да бидат вклучени во решенијата за надминување на актуелните предизвици од војната во Украина.
Состанокот е заокружен со констатацијата дека проширувањето на ЕУ со Република Северна Македонија и државите од Западен Балкан мора и ќе продолжи, бидејќи е тоа од значење како за нашата држава и земјите од регионот, така и за самата Европска Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на патниот правец Охрид – Ресен
Сообраќајот на патниот правец Охрид – Ресен е нормализиран, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Македонија
Јаневска – Рокас: соработката со Европската унија е од суштинско значење за реализација на планираните образовни промени
Министерката за образование и наука Весна Јаневска денеска оствари средба со новоакредитираниот амбасадор на Делегацијата на Европската унија, Михалис Рокас.
Посакувајќи му успешен мандат, Јаневска се заблагодари на амбасадорот Рокас за континуираната поддршка на ЕУ во процесот на реформирање на националниот образовен систем.
На средбата, таа ги претстави тековните активности и планот за поквалитетно образование на сите нивоа.
„Стремежот за полноправно членство во Европската Унија продолжува да биде важен општествен стимул и значаен фактор на кохезија за македонските граѓани, кои пак, од нас како Влада очекуваат современо и модерно образование. Истрајни сме во определбата да ги реализираме промените кои ги претставивме на почетокот на нашиот мандат. Оптимизам и решителност постои, а соработката со Европската унија е од суштинско значење за остварување на зацртаната цел, рече Јаневска на средбата.
Евроамбасадорот укажа на подготвеноста на ЕУ и понатаму да биде посветен партнер на државата во градењето современ образовен систем, кој ќе образува европски граѓани.
Македонија
Сиљановска Давкова – Гутереш: Не смее да се дозволи, билатерализацијата во случајот со македонската евроинтеграција да стане камен на сопнување за проширувањето
Претседателката Гордана Сиљановска Давкова, во рамки на учеството на 79. Генерално Собрание на Обединетите Нации во Њујорк оствари средба со Генералниот секретар на Обединетите Нации, Антонио Гутереш.
На средбата претседателката ги потенцираше принципите на светската организација како основа на којашто мора да функционира меѓународниот поредок, без разлика дали се работи за мали или големи држави. Таа на својот соговорник му посочи дека во случајот со македонската евроинтеграција не смее да се дозволи билатерализацијата да стане камен на сопнување за проширувањето на Европската Унија, која е настаната како мировен процес.
Генералниот секретар на ОН, Гутереш, на средбата искажа лутина поради пречките коишто Северна Македонија ги има на патот кон Европската Унија. Порачувајќи дека е голем почитувач на македонската евроинтеграција, во разговорот тој ја потенцираше својата лична солидарност за напорите на земјата да биде дел од ЕУ.
Генералниот секретар како добар познавач на процесите на евроинтеграција и состојбата во регионот на Западен Балкан, нагласи дека македонската евроинтеграција, целосно заслужено, треба да се случи колку што е можно побрзо.