Македонија
Ковачевски: Убиства, кражби и злоупотреба на службената должност не се опфатени со законот за амнестија

Законот за амнестија е подготвуван долго време, министерот за правда го најави и го објасни и во него се опфатени дела до шест месеци и издржување казни што веќе се почнати со нивно намалување, со цел да може да се најдат други начини да казнување на затворениците и намалување на товарот во пренатрупаните затвори, одговори премиерот Димитар Ковачевски на новинарско прашање.
„Точно се дефинирани делата за кои не може да се добие ваков тип амнестија и тие се наведени. Сите оние сериозни дела, убиства, кражби, злоупотреби на службената положба, не се опфатени. Дали ВМРО-ДПМНЕ ќе го поддржи? Прво, ВМРО-ДПМНЕ ништо не поддржува. ВМРО-ДПМНЕ го блокира и овој проект, па еве почна. Тие кога блокираат, блокираат без аргументи, чисто за да се блокира. Го блокираат и Скопје. Првин бараа доверба, па го блокираа целиот град. Министерството за правда веќе има побарано од координаторите на пратеничките групи да го дадат своето мислење дали би претрпел модификации. Секој закон во Собранието би можел да претрпи модификации. Се работи за закон што ги подобрува процедурите, ги забрзува процедурите, не дава никаква амнестија на некој што направил тешко дело, затоа мислам дека треба да се отвори парламентарна дебата. Ние како Влада ќе го разгледаме на една од наредните седници. Од блокирање никој нема корист“, рече премиерот Ковачевски на денешниот почеток на градежните активности за Коридорот 10 д.
Ковачевски во Општина Карпош нагласи дека Владата работи на реализација на шестиот проект.
„Ако јас блокирам сè, тоа значи дека шест огромни проекти во Скопје не би биле направени. Ако решила Владата да блокира затоа што градоначалникот не бил од истата партија, губат само граѓаните. На граѓаните им е доста од кавга и од бесконечни прес-конференции во кои се обвинуваат меѓусебно. На граѓаните им требаат подобри услови за живеење“, додаде Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Пристигнаа првите ученички униформи, во тек е дистрибуција до сите основни училишта во Центар

Општина Центар за прв пат обезбеди училишни униформи за сите ученици во општинските основни училишта. Првите униформи пристигнаа во ООУ „Киро Глигоров“, а во тек е нивна дистрибуција до сите основни училишта на територијата на Центар, соопштија од општината.
„Денеска започна дистрибуцијата на првите ученички униформи во основните училишта во Центар. Униформите се со одличен квалитет, со лого на општината и со име на секое училиште поединечно. Во понеделник, сите ученици ќе ги добијат униформите на првиот училишен ден, верувам дека тие ќе бидат среќни и горди што ќе ја носат оваа униформа“, изјави градоначалникот Горан Герасимовски.
Со оваа активност, како што е нагласено Општина Центар го подигнува квалитетот на основното образование, што вклучува и инвестиции во училишна инфраструктура, дигитализација и безбедност.
Македонија
Мицкоски: Има раст на откупот на земјоделски производи, земјоделците со добра заработка, продолжува поддршката

„Колку повеќе произведуваме, толку помалку увезуваме. Македонија во минатото беше позната како земја производител и извозник на храна, посебно на земјоделски производи“, вели Христијан Мицкоски претседател на Владата на Република Северна Македонија одговарајќи на новинарско прашање.
Мицкоски потенцираше дека согласно Државниот завод за статистика во вториот квартал има околу 60 милиони евра повеќе споредено со она што беше во минатото.
„Во вториот квартал имаме околу 60 милиони евра повеќе споредено со она што беше во минатото. Имаме над 26-27% повеќе откупени земјоделски производи споредено со истиот период минатата година коишто како количина се за 7% повеќе споредено со истиот период лани. Земјоделците се еден од приоритетите на оваа Влада, тоа го покажавме изминативе 14 месеци. И очекувам во таа насока да продолжиме и во иднина затоа што производството на храна ни е исклучително важно“, додаде Мицкоски.
Македонија
На ГП Табановце се чека 30-ина минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори, се бележи зголемена фрекфенција на возила, на ГП Табановце времето на чекање за излез од државата е 30-ина минути, а на другите граничните премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.