Македонија
Ковачевски: Ја поддржувам оценувачката мисија на ЕУ за Судскиот совет
![](https://makfax.com.mk/wp-content/uploads/2023/07/dimitar-kovachevski.jpg)
Премиерот Димитар Ковачевски изрази поддршка ЕУ да испрати оценувачка мисија за работата на Судскиот совет.
Прашан за став, по најавата на евроамбасадорот Гир, Ковачевски рече дека не е првпат да има оценувачка мисија од ЕУ, а за тоа со евроамбасадорот Гир разговарале и пред една година.
„Нашиот судски систем е независен од Владата. На почетокот судиите беа избирани во парламентот, а сега имаме решение во кое судиите имаат доживотен мандат и се избираат од Судскиот совет како независно стручно тело, кое има свој интегритет. Оценката за нив повторно ја даваат судиите од Судскиот совет. Тоа е едно тело, кое само се избира, само се оценува и дава анализа што направило. Сметав дека такви системи често имаат друга слика за себе од онаа што има јавноста“, рече Ковачевски.
Добро е, вели тој, што во рамките на соработката со ЕУ сега ќе може да организираат процес и да ги проверат сите информации за Судскиот совет и да ги споделат од Европската комисија. Добро е и што потоа ќе бидат предложени соодветни реформи што ќе ја унапредат работата, смета премиерот.
Евроамбасадорот Дејвид Гир претходно најави дека ЕУ испраќа оценувачка мисија во земјата за скандалите во Судскиот совет. Гир појасни дека се работи за советодавна група, а она што се случувало во изминатиот период е загрижувачки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Мицкоски: По 60 години Бутел 2 добива нова градинка, над 200 дечиња ќе добијат пристојни услови за живот
![](https://makfax.com.mk/wp-content/uploads/2024/07/mickoski-butel-gradinka-1.jpg)
„По 60 години Бутел 2 добива нова градинка, а стариот и дотраен објект ќе биде срушен. Над 200 дечиња ќе добијат пристојни услови да го поминуваат своето детство. 1800 метри квадратни ќе бидат доволни да ги задоволат барањата на оваа населба, а инвестицијата е над 100 милиони денари. Има и одредена симболика за овој објект“, кажа премиерот Христијан Мицкоски.
„Тука е мешана етничка средина, има дечиња и од македонска и од албанска национална припадност. Инвестициите во ваквата инфраструктура мора да бидат подеднакви затоа што подеднакво треба да се грижиме за решенија на проблемите кои ги засегаат сите граѓани.
Ова е време кога државата треба да прави за народот, затоа што долго време народот правеше за државата. Македонија треба да припадне во рацете на граѓаните.
Оваа градинка ви ја ветив пред изборите и еве ме на 8-миот ден од новата Влада редиме камен темелник на оваа градинка. Дарко, министерот, министрите и јас остваруваме уште едно ветување. На овој начин создаваме и си стоиме на зборот.
Образот нема цена. Исполнуваме за тебе, за сите граѓани. Нека е честито и да се сведочиме на уште многу убави работи“, истакна премиерот Мицкоски при поставувањето камен темелник на нова детска градинка во општината Бутел.
Македонија
Сиљановска Давкова се сретна со шпанскиот амбасадор: Шпанија е наш важен партнер во рамките на НАТО, ОН и ОБСЕ и поддржувач на аспирациите за членство во ЕУ
![](https://makfax.com.mk/wp-content/uploads/2024/07/Foto-1.jpeg)
Претседателката Гордана Сиљановска Давкова денеска го прими амбасадорот на Кралството Шпанија, Хосе Луис Лосано Гарсија.
На средбата беа разменети мислења за севкупните билатерални односи меѓу двете држави, кои годинава одбележуваат 30 години од воспоставувањето на дипломатските односи, при што беше беше истакната посветеноста за натамошно јакнење на пријателските и партнерски односи меѓу двете држави.
Претседателката Сиљановска Давкова истакна дека Шпанија е наш важен партнер во рамки на НАТО, ОН и ОБСЕ и поддржувач на аспирациите за членство во Европската Унија, што јасно го демонстрираше за време на своето претседателство со Советот на ЕУ во втората половина на минатата година. Во тој контекст, беше разговарано за натамошниот тек на реформската агенда по формирањето на новата влада.
На средбата беа разменети мислења за актуелните состојби во поширокиот регион.
Претседателката Сиљановска Давкова посочи на интересот од македонска страна за натамошно интензивирање на економската соработка и трговската размена меѓу двете држави.
Македонија
Тошковски: Нова полициска станица во oпштина Бутел, подобри услови за полициските службеници за поквалитетни услуги за граѓаните
![](https://makfax.com.mk/wp-content/uploads/2024/07/1.jpg)
Министерот за внатрешни работи Панче Тошковски оствари работна средба со градоначалникот на oпштина Бутел Дарко Костовски.
„Како што ветивме пред граѓаните уште во техничкиот мандат, еден од приоритетите во делот на изградба на нови објекти е полициската станица во oпштина Бутел, објект кој е во најлоша состојба. Oд тие причини веднаш се почнува со средување на проектна документација и пренамена на средства со цел што поскоро да започне изградбата на станицата. Вработените во МВР заслужуваат да работат во нормални услови, што ќе придонесе за зголемување на квалитетот на услугите кои ги даваат кон граѓаните и ултимативно, зголемување на безбедноста на граѓаните, што е наш приоритет“, потенцираше министерот Тошковски на средбата.
На средбата без разгледани и повеќе други аспекти на можна соработка на министерството за внатрешни работи со локалната самоуправа.