Македонија
Костадиновска-Стојчевска: СДСМ го заштити македонски јазик и култура

Повикот којшто од Европската унија беше упатен за пријавување преведувачи на македонски јазик за службите на Унијата е уште една потврда на она што ние го зборувавме уште минатата година, македонскиот јазик и култура не се загрозени туку потврдени во ЕУ, рече потпретседателката Бисера Костадиновска Стојчевска во Студио 10 на 24 телевизија.
-Во ниеден сегмент јазикот не ни е загрозен, тоа е само во тезите на ВМРО-ДПМНЕ, чии главни одлики се да шират лажни вредности и негативни кампањи. Очекувам до крајот на годината да биде изгласан законот за употреба на македонскиот јазик, односно во следните две недели да добиеме нов Закон за употребата на македонскиот јазик. Ова го прифати и опозицијата, за по два дена да не го прифати гласањето, посочи Стојчевска –Костадиновска.
Во петок ќе има свечено примопредавање на 21 икона, кои биле украдени од црквите во струшко и однесени во Албанија, додаде Стојчевска- Костадиновска. Иконите биле таму уште од 2013 година, но досега никој не водел сметка за да се врати културното добро назад во својата земја
-Станува збор за 21 икона кои беа откриени во 2013, тие биле украдени од цркви од струшко и однесени во Албанија. Сега ќе ги вратиме назад, ќе бидат складирани во музеј каде ќе ги изложиме, а потоа ќе ги вратиме на црквата. Ова е првпат еден ваков чин да се случи меѓу две држави и првпат да ни се врати културно добро. Работевме долго на овие процедури и бевме свесни дека тоа е долг правен процес. Од 2013 година иконите беа во Албанија ама никој не водел сметка за да се идентификуваат и да се пронајдат, објасни потпретседателката на СДСМ.
Костадиновска- Стојчевска најави дека во 2024 година следува директно инволвирање на младите во културата, воведување конкурс нова линија за креативни индустрии, што веќе е активно во западните земји.
Креативните индустрии претставуваат директен учесник во бруто домашниот производ на нашата држава и тоа е можност да се спојат економијата и културата и тука да го видиме моментот на самоодржливост во културата. Фокусот ќе биде и на македонскиот јазик, поддршка на сите проекти од национален интерес и најголемиот предизвик во 2023, а сега веќе се донесени измени во законот, финансирање на стручен кадар, преку институциите. Ќе се стипендираат стручни кадри во текот на нивното усовршување, академско студирање за директно вработување во институции, потенцираше Костадиновска Стојчевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Граѓани ќе купуваат околу 1.000 производи по поевтини цени од оние по кои ги купуваа до вчера, велат од ВЛЕН

„Коалицијата ВЛЕН продолжува да се обврзува да им гарантира на граѓаните подобра социјална и економска благосостојба и посоодветно да си ги дозволи високите трошоци што ги практикуваше претходната влада. Во ова време кога не само кај нас туку и во целиот регион се соочуваме со поскапување на основните производи, Владата на ВЛЕН презеде иницијатива да го ограничи профитот на трговците за да ги заштити граѓаните од изнуда и сиромаштија“, велат од ВЛЕН.
„Сите инволвирани страни треба да знаат дека сега помина времето кога правеа што сакаа со цените, влијаејќи на џебот на нашите граѓани. Откако ја презедовме власта, тоа го сметаме за одговорност и правиме се за да обезбедиме добро владеење како што треба и како што заслужува.
Тоа значи дека сега нашите граѓани ќе купуваат околу 1.000 производи по поевтини цени од цените што ги купуваа до вчера. Затоа, од денот кога сме во владата, промената ја спроведуваме во пракса за да биде опиплива и видлива за граѓаните.
Во таа насока, Владата на ВЛЕН отсега ја ограничи профитната маржа на 5% на млеко, леб, брашно од типот 400 и 500, јајца, масло за јадење, јогурт и павлака. Додека на 10% профитната маржа е ограничена на месо и преработки од месо, шеќер, млечни производи, маргарин, путер, конзервиран зеленчук и овошје, грав, ориз и тесто. Додека средствата за хигиена, свежото овошје и зеленчук, детергентите, детската храна, пелените, сапунот, тоалетната хартија се ограничени на 15 отсто.
Преку овие мерки ние како ВЛЕН ја докажуваме нашата посветеност на граѓаните и нивната социјална благосостојба. Заедно со постојано ангажираните експерти креираме политики за заштита на граѓаните од високите трошоци кои ги оштетуваат нивните џебови и ви гарантираме безбедност и економска стабилност.
Иднината на граѓаните е ВЛЕН. Ќе продолжиме да правиме добри работи за нашите граѓани“, се наведува во соопштението на ВЛЕН.
Македонија
„Пратениците да го поддржат предлог – законот за укинување на двојазичните декларации“, бара Левица

„Левица го повикува владејачкото мнозинство, на седницата во понеделник, да го поддржи Предлог-законот за измена на Законот за потрошувачи, со кој се укинува обврската за двојазични декларации на производите!“, велат од Левица
„Со овој Закон се исправa неправдата врз македонските производители и потрошувачи, кои со години се соочуваат со административни и финансиски товари наметнати од клиенталистичките политики на режимските партии.
Го повикуваме ДПМНЕ, кои во минатото тврдеше дека Законот за двојазичност е противуставен, сега да застане зад својот став и да гласа за укинување на оваа обврска, која не само што е правно спорна, туку и директно ги оштетува македонските производители и трговци, особено во време на економска криза.
Очекуваме сите пратеници кои вистински се залагаат за интересите на народот да го поддржат овој закон и да стават крај на непотребната бирократска заврзлама која ги става во неповолна положба македонските производители“, соопштуваат од Левица.
Македонија
Утрово најстудено во Берово, најмногу снег на Попова Шапка

Утрово најстудено било во Берово каде што се измерени -7 степени, -5 било во Крива Паланка, -4 во Крушево, -3 во Виница, -2 во Штип, Маврови Анови и Попова Шапка, -1 во Претор, Прилеп, Кавадарци и Струмица, 0 во Скопје-Петровец, Тетово и Битола, 1 во Скопје-Зајчев Рид, Охрид, Демир Капија и Велес, 3 во Гевгелија,
Висината на снежната покривка утрово во 7 часот била 31 сантиметар на Попова Шапка и 8 во Маврови Анови.
Времето денеска
Променливо облачно со сончеви периоди. Попладне и во текот на ноќта ќе има услови за локални врнежи од слаб дожд и снег. Ќе дува слаб до умерен ветер од југоисточен правец.
Максималната температура ќе биде во интервал од 3 до 7 степени.
Во Скопје претежно облачно, во делови од котлината со услови за врнежи од слаб дожд и снег. Ќе дува слаб до умерен ветер од југоисточен правец.
Максималната температура ќе достигне до 7 степени.