Македонија
Костадиновска-Стојчевска: „Фреска за НОБ“ од Борко Лазески е неизбришлив дел од меморијата на старо Скопје
На Новата железничка станица, објект кој е еден од најпрепознатливите симболи на изградбата на Скопје, по катастрофалниот земјотрес, синоќа се одржа настанот „Борко Лазески–уметност достапна за сите“ на кој беа презентирани дигитализирани проекции на скиците од фрагменти од неговата „Фреска за НОБ“, важен дел од меморијата на старо Скопје.
Во пресрет на 60-годишнината од трагедијата за градот, претседателот на државата Стево Пендаровски и семејството на Борко Лазески ја промовираа иницијативата за возобновување на монументалното дело на Борко Лазески, „Фреската за НОБ“ “, која до земјотресот во 1963 била дел од холот на старата железничка станица во Скопје.
Министерката за култура Бисера Костадиновска-Стојчевска на настанот истакна дека Лазески сам по себе е монументална фигура за современата македонска уметност кој успеал да ги обединети различни уметнички традиции – традицијата на македонскиот фрескоживопис, влијанијата на светската монументалистичка традиција, уметноста на Вилјам Блејк или од мексиканските муралисти.
–Земајќи ги предвид сите квалитети и значајни аспекти на „Фреска за НОБ“, најсрдечно ја поздравувам иницијативата за возобновување на ова дело. Неговото поставување ќе биде чин што ќе потврди дека македонската култура умее да создаде однос кон својата традиција, да ги препознае и да ги оживее своите автентични вредности–рече Костадиновска-Стојчевска.
Таа додаде дека Министерството за култура, преку надлежните институции, прави напори за да се зачува творештвото на Борко Лазески.
–Борко Лазески преферирал јавни простори за изложување на своите дела за да може да биде во комуникација со граѓаните, нешто што е вградено и во нашите културни политики – со кои сакаме културата да допре до сите граѓани и краишта на земјата. Министерството за култура е должно да ги поддржува сите автори кои работат на постигнување на оваа мисија. Како и досега, така и во иднина остануваме партнер и пријател на македонските уметници бидејќи нивните креации, освен што го толкуваат светот во кој живееме, се и наш начин за комуникација со остатокот од светот– рече Костадиновска-Стојчевска.
На настанот се обратија: претседателот на Република Северна Македонија, Стево Пендаровски, директорот на ЈП Инфраструктура, Зоран Трифуновски, Росица Лазеска, ќерка на Борко Лазески, како и Владимир Јанчевски, историчар на уметноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.