Македонија
Коцевски: Новиот директор на АНБ е продолжена рака на Димовски и Зечевиќ, не очекувам подобрување на безбедносниот систем

Директорот на АНБ е ист производ како и минатиот директор Виктор Димовски. И тој со години е на функцијата во АНБ, имал учествувано во безбедносниот сектор, така што не очекувам ништо ново, рече пратеникот од ВМРО-ДПМНЕ, Зоран Коцевски, одговарајќи на новинарско прашање поврзано со новиот директор на АНБ, Заре Милошевски.
Додаде дека Заре Милошевски има учествувано и во аферата со добивање македонско државјанство на украинскиот и руски олигарх Онишченко.
Според Коцевски, новиот директор на АНБ е продолжение на Димовски и Зечевиќ и според тоа не може да се очекува подобрување на безбедносниот сектор во државата.
„Едноставно, таков е каков што е безбедносниот сектор, така и ќе продолжи на чело со овој господин, Заре Милошевски. Значи, тој е продолжена рака на Виктор Димовски и Миле Зечевиќ и ништо особено не очекувам во подобрување на безбедносниот сектор“, додаде Коцевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.