Македонија
Криминалниот картел може да биде тапкан по рамо, но нема да влезе во ЕУ, реагира опозицијата
Ширењето на лагите на Зоран Заев дека некој друг ќе им ја сработи работата што граѓаните ја очекуваат од владата не ѝ помага на Република Македонија. СДСМ се надева дека со прифаќање на капитулацијата ќе успее да влезе и во НАТО и во ЕУ. СДСМ одбра место со реформи и работа да се обиде да напредува со откажување од сè што е македонско, се вели во реакцијата на ВМРО-ДПМНЕ.
Според партијата, да се откажеш и да ги предадеш највисоките државни и национални интереси не е одење „напред”, а бегството од граѓаните не е „успех”. Напротив, Заев и неговата капитулантска влада ја вратија Република Македонија во време на најголемата недоверба кон соседите. Единствено што СДСМ и Зоран Заев бранат не се интересите на Македонија, туку интересите на криминалниот картел. Но едно е сигурно, тој картел може да биде тапкан по рамо, но нема да влезе во ЕУ.
„Граѓаните ги видоа и ‘растот на економијата’ и ‘новите работни места’ и ‘безбедноста’ и ‘повисоките плати’ што ги ветуваа СДСМ и Зоран Заев. Секој ден е потврда дека освен лага и манипулација, СДСМ и Заев немале ниту капацитет, ниту план да направат нешто за граѓаните. Македонската иднина ќе ја обезбедат ВМРО-ДПМНЕ заедно со граѓаните, оние од кои Заев и СДСМ најмногу се плашат. Тоа нема да го спречат ниту Заев, ниту неговото министерство за вистина“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.