Македонија
Кузеска: Извештајот на ЕК потврди дека и покрај опструкциите на ДПМНЕ, прогрес имаме во 81 отсто од поглавјата
![](https://makfax.com.mk/wp-content/uploads/2023/07/kuzeska.jpg)
Извештајот на ЕК потврдува дека и покрај опструкциите на ДПМНЕ и Мицкоски, Македонија продолжи да ги исполнува условите за продолжување на преговорите за членство во ЕУ, објави на прес-конференција, портпаролката на СДСМ, Богданка Кузеска.
Таа вели дека во согласност со извештајот, прогрес имаме во 81 отсто од поглавјата, а назадување нема во ниедно поглавје. Во однос на подготвеност на поглавјата, во 90 проценти сме со соодветно ниво на подготвеност.
„Оценката за вкупната подготвеност на земјата за 2023 година е добро ниво на подготвеност, константa што е факт веќе неколку години. За разлика од катастрофалните извештаи во време на ДПМНЕ за заробена држава, мешање на партијата и државата и многубројни сегменти со назадување, со години наназад имаме драстичен напредок. ЕК посочува дека главни кочничари на напредокот се Мицкоски, ДПМНЕ и Левицата. Поразително за ДПМНЕ е тоа што во овој извештај на ЕК стои дека ‘главната опозициска партија ВМРО-ДПМНЕ активно ја блокира парламентарната работа, што беше значајна пречка за напредок’ (страна 10 од извештајот)“, рече Кузеска.
Освен извештајот, вели Кузеска, значаен е и објавениот план за раст на економиите на Западен Балкан од страна на ЕУ. Првпат имаме резервирани пари за реформите, од кои 1 милијарда евра се на располагање за Северна Македонија.
„Сега може да користиме привилегии и можности од зачленувањето во Европската Унија предвреме, односно додека траат преговорите. Како што баравме. До април 2024 година целта е да се направи прв трансфер на пари. Тоа значи дека ако продолжиме со реформите и со процесот на интеграција, првиот трансфер од новиот пакет ќе го имаме за пет месеци од сега“, додаде портпаролката.
Затоа, како што рече, блокадите и опструкциите на ДПМНЕ и Мицкоски мора да бидат поразени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Мицкоски: Подавам рака на СДСМ за суштинските прашања од важност за Македонија, но тоа не значи амнестирање од одговорноста за криминалите
![](https://makfax.com.mk/wp-content/uploads/2024/06/mickoski.jpg)
Претседателот на ВМРО-ДПМНЕ Христијан Мицкоски на денешната свеченост по повод 34 години од формирањето на ВМРО-ДПМНЕ насловена „34 години ВМРО-ДПМНЕ, 131 година ВМРО, завет, слобода, иднина, продолжуваме“ истакна дека подава рака кон СДСМ за дијалог за сите крупни прашања за државата.
„Тие од мене, како претседател на партија која посакува и работи за македонско национално единство имаат подадена рака за дијалог за сите крупни прашања за државата и од важност на граѓаните“, посочи Мицкоски.
Претседателот Мицкоски повика на македонско национално единство за сите важни прашања за државата, но истакна дека тоа никако не треба да е разбрано за амнестирање од одговорноста за криминалите.
„Им подавам рака за македонско национално единство за сите важни прашања за државата. Посакувам да ги надминат огромните проблеми и да седнеме на маса да разговараме за иднината на нашата татковина. Секако ова никако не треба да го сфатат како амнестирање од одговорноста за криминалите, но значи дека во нив ќе гледам партнер со кого имаме одговорност поради сегашните и идните генерации да работиме на создавање на единствени државни позиции кога станува збор за суштинските прашања од важност за Македонија“, дециден е Мицкоски.
Македонија
(Видео) Мицкоски: Повративме 3/4 од тоа што СДС го имаше кон ДУИ, додека сите работат за Македонија, ќе бидеме еднакви партнери во владата
![](https://makfax.com.mk/wp-content/uploads/2024/06/thumbnail_слика-3.jpg)
За неколку дена Македонија ќе ја добие новата влада предводена од ВМРО-ДПМНЕ. Во изминатиот период кога се договораше оваа влада внимателно ги следев оние пораки од одредени политички центри од новата опозиција дека премногу им се дало на коалицијата Вреди што е ноторна измислица, замислете тие кои коленичеа во Речица кои 7 години беа главни измеќари на ДУИ нам кои повративме најмалку три четвртини од позициите кои ги изгубија ни велат дека сме дале премногу. Нека биде и така, рече претседателот Христијан Мицкоски на денешната прослава на 34 роденден на партијата.
Мицкоски укажа „сакам да кажам дека ние не даваме, ниту земаме, затоа што Македонија е заедничка држава и се додека албанските и другите коалициони партнери работат по закон и во интерес на државата ќе бидеме еднакви партнери во Владата“.
Според Мицкоски ако било кој застрани со криминални или други агенди ќе биде веднаш санкциониран кој и да е, вклучително и од ВМРО-ДПМНЕ и ќе биде повикан на одговорност додавајќи дека нема да дозволи ВМРО – ДПМНЕ да стане тоа што беше и е СДСМ.
„Ниту па ќе дозволам Вреди да стане тоа што беше ДУИ. Ќе има работа, но и одговорност. И тука никој не треба да има дилеми. И колку и да се обидуваат поразените конкуренти да го одвлекуваат вниманието од вистинските теми, да прават диверзии, чудно да откажуваат кислородните компресори во хируршките сали и да нема операции, да снемува документи по институции, да се измислуваат медицински факултети по приватни фирми на кадри на ДУИ преку ноќ, треба да знаат дека ќе ги решаваме сите проблеми, со голема посветеност“, кажа Мицкоски.
Мицкоски додаде дека „додека тие се однесуваат како разгалено дете кое мисли дека го има природното право на фотелјата дадена од народот, додека не бираат зборови и навреди да го омаловажат секој наш чекор, јас одбирам да не се занимавам со нивните валканици, туку да го реализираме она што го ветувавме пред изборите“.
Скопје
Најдобрите ученици на државните натпревари од Илинден на прием кај градоначалникот Алекдандар Георгиевски
![](https://makfax.com.mk/wp-content/uploads/2024/06/priznanija-2024-12.jpg)
И оваа година Градоначалникот на општина Илинден Александар Георгиевски приреди прием на учениците од основните и средното училиште од општината кои освоија високи места на државните натпревари и им додели признанија за постигнатите резултати.
Градоначалникот им ги честиташе успесите на учениците и нивните ментори и истакна дека прекрасно е чувството што има голем број наградени ученици од Илинден. Тој додаде дека како локална самоуправа посветено се работи на дополнителна промоција на успеси и достигнувањата на учениците.
-На 30 тина ученици и нивните ментори и оваа година им доделивме признанија за постигнатиот успех на државните натпревари кои се одржаа во текот на годината. Овој настан ќе продолжи и понатаму затоа што претставува признание за нивниот труд но и мотив за сите останати. Им го честитам крајот на учебната година, им посакувам убав летен одмор и во следната година подолеми достигнувања, истакна градоначалникот Георгиевски.
Високи достигнувања имат учениците на државните натпревари по македонски јазик, англиски јазик, хемија, биологија, природни науки, физичко во ракомет, како и на натпреварот по Информатичко размислување.