Македонија
„Лажете господине Фуркан“ – министерот Тошковски и новинарот Салиу влегоа во вербален конфликт за приведувањето
„Лажете господине Фуркан“, му рече министерот за внатрешни работи Панче Тошковски на новинарот Фуркан Салиу кој негираше дека имал физички контакт со полицијата пред да биде приведен на фудбалски натпревар.
Тошковски рече дека се снимени приведувањето на Салиу, како и дејствијата кој ги презел претходно. Според него, Салиу присуствувал на натпревар од висок ризик, а на снимките може да се види дека имало спречување на службено лице во вршење на службена должност од страна на новинарот.
Од друга страна, Фуркан Салиу тврди дека бил уапсен затоа што снимал како полицијата тепа недолжно момче на натпреварот, а тој како новинар присуствувал таму оти знаел дека ќе има нереди.
– Дали имавте физички контакт со полициските службеници пред да ве приведат?, го праша Тошковски, Салиу.
– Во ниту еден момент, одговори новинарот.
-Лажете, господине Фуркан, му возврати министерот одговарајќи на новинарски прашања.
Салиу тврди и дека поседува дозвола за пиштолот кој бил пронајден расклопен во неговиот автомобил, па го праша Тошковски како без негово присуство бил направен претрес во возилото.
Тошковски потенцира дека се работи за преглед на возилото, и дека внатрешна контрола ќе ги испита сите дејствија и на полициските службеници. Тошковски вели и дека точно се знае согласно закон како се поседува и како се транспартира оружје. Според него, станува збор за прекршок во однос на начинот на поседувањето на пиштолот, а многу е важно тој да се чува дома, а не во возилото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.