Македонија
Ласовска: Мизрахи беше разрешена по диктат на Заев

По диктат на Зоран Заев, а по формално барање на техничкиот премиер Оливер Спасовски, доцна во ноќта беше разрешена министерката за труд и социјална политика, Рашела Мизрахи, изјави пратеничката од ВМРО ДПМНЕ, Благица Ласовска, и додаде дека да биде иронијата поголема, Спасовски кога ги образложувал причините за разрешувањето самиот користел термин Македонија без никакви придавки или додавки.
„Мизрахи беше казнета за таблата која ја наследила од Царовска. Вистинската причина за нејзиното рарешување е да не се откријат дубиозите што ги правела Царовска. Таа на своите прес-конференции даде информации за она што се случувало во министерството и тоа е нејзината вина. Рашела Мизрахи е пример како се сака државата. Таа е жртва на тоталитарниот хибриден режим на Зоран Заев. Таа успеа да се избори се сите антисемитистички напади кои беа упатени врз неа. Она што и се случи и што го гледаме е страв и паника на оваа власт која сака да избега од избори и да не се соочи со граѓаните“ рече Ласовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).