Македонија
Левицата: Во скратена постапка Владата ќе носи закон за компанија на бугарски политичар

Пробугарската влада во заминување, за собраниската седница која ќе се одржи утре (среда), предложила неколку скандалозни законни во скратена постапка, под превезот на “стратешки” инвестициии, информираат од Левицата.
Ова, како што го нарекуваат, насилничко сценарио е веќе познато на народот, каде погубните закони за „стратешкиот инвеститор”, конзорциумот „Бехтел и Енка”, повторно беа донесени во скратена постапка, со шверц со европско знаме.
За ваквиот скандалозен потег на СДС и ДУИ, според Левица, реагираше дури и дипломатијата на ЕУ во Македонија, која констатира дека европското знаменце е повторно злоупотребено од страна на власта.
„Еден од предложените закони во скратена постапка се однесува на соларна електрична централа – Пехчево, каде како инвеститор се јавува компанијата „ХЕК СОЛАР МК” ДОО Негрево. Оваа компанија е во сопственост на Бојан Славев Табутов, чиј брат Владимир Табутов е пратеник во бугарскиот парламент. Скандалозноста на целиот процес е што на 3-ти декември Владимир Табутов е избран за пратеник во Софија, додека само четири дена подоцна, Владата во Македонија носи одлука неговата компанија да биде стратешки инвеститор во енергија.
Дополнително, компанијата „ХЕК СОЛАР МК” ДОО Негрево е регистрирана на иста адреса во Кисела Вода, каде се наоѓа компанијата на уште еден бугарски политичар – Павел Валнев. Валнев истовремено се јавува како сопственик и на фирми за марихуана во Кочани, Крушево и во Струмица и важи за бизнис партнер на поранешниот премиер Зоран Заев“, појансуваат од Левицата.
Очигледно е, додаваат од оваа партија, дека владата на Ковачевски единствено ги штити бизнис интересите на династијата Заеви со бугарските компании. Ваквите, според нив, скандалозни предлог-закони нудат низа привилегии за бугарскиот инвеститор, додека најскандалозниот дел е што се трансформира земјоделско земјиште од прва класа во градежно земјиште.
„Дополнително, потсетуваме дека Македонија досега нема донесено Правилник или изработено студија за тоа на кој начин би се користело градежно земјиште за агрофотоволтаични цели.
Јасна е тенденцијата на пробугарската влада, која откако ги прифати врховистичките барања на официјална Софија со која го размонтира македонскиот антифашистички идентитет – сега продолжува да распродава земја на бугарскиот капитал. Оваа одродена и квинслишка влада, без никаков државотворен капацитет, единствено одработува за великодржавните апетити на соседните држави“, велат од партијата.
Левица апелира дека предавничките политики на социјал-демократите се реална опасност по егзистенцијата на македонската нација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Сарај и Илинден денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека поради технички зафати во електродистрибутивната мрежа денеска, без електрична енергија ќе останат:
· од 08:30 до 13:00 часот, дел од корисниците од село Кондово, општина Сарај;
· од 08:30 до 15:00 часот, корисниците од ул. 534 и ул. 531 во село Марино, општина Илинден.
Македонија
На Табановце се чека до половина час за влез во државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. Се бележи зголемена фреквенција на возила на ГП Табановце, времето на чекање за влез во државата е околу 15 до 30 минути. На останатите гранични премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
СДСМ: Демографија не се подобрува со кампањи, туку со квалитетен животен стандард и јасна перспектива за младите

„Наместо да создава услови младите да останат тука и да формираат семејства, Мицкоски ги брка од државата со зголемување на сиромаштијата и нееднаквоста, без да понуди каква било јасна перспектива за државата. Денес, младиот човек во Македонија е оставен без иднина. Стандардот е уништен. Платите се недоволни, а Мицкоски се заканува со нови даноци. Со вакви политики, за кратко време, тој ќе ги избрка сите од државата“, велат од СДСМ.
„Наместо да понуди современа, хумана и искрена поддршка за младите семејства, тој вели дека ќе ги едуцирал за „семејните вредности“. Демографијата не се решава со кампањи за „семејни вредности“, туку со стабилни и добро платени работни места, достапно и квалитетно здравство и сигурна социјална заштита.
Младите не бегаат затоа што не сакаат да создадат семејство, туку затоа што не можат да си го дозволат. Тоа е директен резултат на промашените и класично десничарски политики на оваа влада. Стандардот е намален за 20%, се богати само елитата околу Мицкоски, а за останатите граѓани нема никаква корист од владините политики.
Ако навистина сакаше да се раѓаат деца во Македонија, ќе се грижеше најпрво нивните родители да бидат сигурни и да ја гледаат својата иднина тука. Таква политика од Мицкоски нема“, соопшти СДСМ.