Македонија
Левицата: Без ниту еден капитален проект, власта продолжува да крати од средствата за капитални инвестиции

Власта најави уште една прераспределба на буџетот, со која ќе се пренаменат средствата од буџетските корисници со намалена реализација на капитални проекти. Претходно беше извршена прераспределба на средства, кои завршија за повисоки плати на јавната администрација, повисоки пензии и за нов пакет на антикризни мерки. Вицепремиерот Фатмир Битиќи го потврди новиот мини ребаланс, без да соопшти за што се потребни дополнителни пари,велат од Левица.
„Мал е бројот на институции што реализирале поголем дел од капиталните инвестиции. Дури 67 институции, заклучно со вториот квартал, не реализирале 40 отсто од парите наменети за капитални проекти, колку што е законски пропишано, а има институции со нула отсто реализација. Ваквата прераспределба на буџетски средства ја покажува ниската реализација на капитални инвестиции од страна на Владата, која нема никаква економска стратегија за излез од кризата и должничкото ропство во која е Македонија“, истакнуваат во нивната реакција.
Реагираат дека државната каса е празна, а буџетскиот дефицит од над 500 милиони евра се финансира со домашни и странски задолжувања.
„За што поуспешно полнење на празната државна каса, властите ги воведоа и граѓанските и зелените обврзници. Иако за економскиот развој најризично е да се крати од капиталните проекти, токму тоа го прават СДС и ДУИ, каде парите ќе се наменат за додворување на гласачкото тело и предизборен поткуп.
Со вакви деструктивни политики, не само што нема капитален развој, туку се поткопува и уништува сè што претходно е создадено и изградено. Корумпираната власт на СДС и ДУИ не само што не гради нови капитални проекти, туку и не вложува во одржување на постојните капацитети и инфраструктурата во Македонија“, се истакнува во соопштението на Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.
Македонија
СДСМ: Кај Мицкоски се гледа паника од растечкото незадоволство кај граѓаните

„Изјавите на Мицкоски за „успешна влада“ и „реформи“ не се ништо друго освен обид да се прикрие растечкиот страв од падот на рејтингот и гневот кој се акумулира кај граѓаните поради неспособноста и хаосот што оваа власт го создаде. Смета ли Мицкоски навистина дека граѓаните не гледаат што се случува“, прашуваат од СДСМ.
„Дека ќе поверуваат дека нема корупција, додека институциите се претвораат во партиски испостави? Дека ќе поверуваат во реформи, додека најважните ветувања од програмата останаа на хартија?
Владата нема со што да се пофали, па сега преку лажна помпа се обидуваат да го деморализираат нардот да ги казни на изборите.
Попусто се обидува Мицкоски да создаде илузија на поддршка која одамна ја нема. Вистината е болна за ВМРО-ДПМНЕ, по само една година владеење, народот е разочаран, ветените промени не постојат, а секојдневието на граѓаните е сè потешко.
Гледаме институционален хаос, партизација без срам, нула реформи во правдата, афери без разрешница и молк за сите скандали кои ги тресат институциите.
Во ваква состојба, Мицкоски може да повторува колку сака дека нема корупција и дека владата функционира стабилно, но народот не живее во наративот на премиерот, туку во реалноста што ја создаде неговата неспособна влада. И таа реалност е сурова.
Изјавите на Мицкоски не се израз на сила, туку одраз на паника. Паника поради изгубената доверба, растечкото незадоволство и се појасната порака од граѓаните, ова не е промената што ја очекуваа“, соопштуваат од СДСМ.
Македонија
(Видео) Специјалци од единиците „Волци“ и „Тигри“ направија пресека за да не се пренесе пожарот од Јасен

Пресеката, поточно правење бришан простор за да не се пренесе пожарот преку срт, целосно ја завршија припадниците на Специјалната антитерористичка единица „Тигар“ заедно со припадниците на Батаљонот за специјални сили „Волци“, согласно условите на теренот, известија од ДЗС.
Стојанче Ангелов, раководителот на Главниот штаб за управување со кризи ги предводеше активностите и на терен, на негов начин, рамо до рамо со специјалците. Акцијата којашто е стратешки превентивна мерка, за што беше потребно многу работа, практично многу расчистување за да се направи пресеката – бришан простор широк дваесетина и повеќе метри на големиот срт долг неколку километри дури до езерото Козјак.
Инаку, после завршувањето Ангелов изврши извидување и се врати заедно со последните специјалци. Денеска е извојувана битка, но борбата продолжува за да се зачува што повеќе од прекрасната шумата во Јасен, велат од ДЗС.