Македонија
Левица, ДПА и Алијанса за Албанците не дојдоа по уверенијата за пратеници во ДИК

Претседателот на Државната изборна комисија, Оливер Деркоски, ги додели уверенијата на пратениците во новиот собраниски состав од предвремените избори одржани на 15 јули.
Левица, ДПА и Алијанса за Албанците не дојдоа на седницата за да ги подигнат уверенијата за пратеници.
Коалицијата „Можеме“ предводена од СДСМ освои 46 мандати, а ВМРО-ДПМНЕ и коалицијата освои 44 мандати.
Според конечните резултати, ДУИ освои 15 мандати во Парламентот, коалицијата Алијанса за Албанците / Алтернатива 12, Левица освои два мандати и ДПА еден мандат.
Коалицијата „Можеме“ предводена од СДСМ освои 327.408 гласа, односно 35,89 отсто од гласовите, а коалицијата на ВМРО-ДПМНЕ – 315.344 гласови или 34,57 отсто од гласовите.
ДУИ освои 104.699 гласови или 11,48%, коалицијата Алијанса/Алтернатива освои 80.000 гласови или 8%, Левица – 37.426 гласови или 4,1% и ДПА – 13.930 гласови или 1.53%.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.