Македонија
Лефков: Извештаите од релевантни институции покажуваат дека 88 отсто од јавните набавки во пандемијата се спроведени без јавни повици

Кога станува збор за разрешувањата, ајде да се погледеме меѓу себе и да се запрашаме како анализата стана антивладинин говор, како здравиот разум стана анти-СДСМ и ДУИ, како сите анкети и читањето на резултатите од анкетите станаа против вас? Како сите релеватни извештаи на Државниот завод за статистика, извештаите на Јавното обвинителство, извештаите на Државната комисија за спречување на корупцијата, како анализата на кој било документ стана анти оваа Влада? Дали тоа нешто ви укажува, како една обична анализа, каде завршува државната помиш и дека државната помош завршува во фирми блиски до премиерот и до функционерите, стана материјал за опозициски говор, рече од собраниската говорница пратеникот од редовите на ВМРО-ДПМНЕ, Миле Лефков, на денешната собраниска седница за разрешување на министерот за информатичко општество и администрација, Адмирим Алити.
Лефков ја запраша власта дали тоа не им укажува до која точка ја доведоа корупцијата во државата, во држава во која се уриваат сите рекорди во јавни набавки без огласи додавајќи дека тоа не го зборува тој, туку тоа го зборуваат извештаите на Државниот завод за статистика.
„Во 2021 година 46 милиони евра јавни набавки без огласи, спроведени нетранспарентно. Во 2022 таа бројка се зголемува 54 %. Не останува иста, не се намалува, туку се зголемува. 65 милиони евра јавни набавки без оглас, спроведени нетранспарентно. Од извештаите што стигаат од релевантни институции, 88 % од сите јавни набавки, спроведени во време на пандемијата, се без јавни повици со цени што се и до 500 проценти повисоки од пазарните, набавувани за ковид-опрема, службени возила со кожени волани“, истакна Лефков.
Лефков во својот говор повторно ја запраша власта, предводена од премиерот Димитар Ковачевски, како сега која било анализа што ќе ја погледнете станува антивладина, дали тоа не ви укажува дека државата ја водите само од лични интереси.
„Извештајот на Државната комисија за спречување на корупцијата ќе каже дека од предвидените 111 активности, спроведени се само 20. Министерствата што ги раководите потфрлаат и спровеле само една, две или ниту една активност за борба против корупцијата во земја што беше на 111. место по корупција, а малиот скок до 88 го направи токму поради националната стратегија, која, од друга страна, не ја спроведувате“, посочи, меѓу другото, пратеникот на ВМРО-ДПМНЕ, Миле Лефков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ослободена од стапица мечка во Ресенско

Регионалниот ЦУК Битола, известува дека преку Единствениот број за итни случаи 112 во ЦУК била добиена пријава за заробено диво животно како последица од поставена криволовна замка во атарот на помеѓу селата Љубојно и Брајчино (Општина Ресен).
Пријавителот претпоставил во пријавата дека најверојатно се работи за мечка поради гласното рикање што се слушало во непосредна близина на мостот на Брајчинска Река.
„За оваа ситуација, од страна на ЦУК веднаш е известена Гранична полиција Маркова Нога, Полициска станица Ресен, Концесионерот – ловното друштво и други субјекти за понатамошно постапување. По интервенцијата на надлежните служби од Концесионерот -Ловното друштво, со присутен ветринар, од НП „Пелистер“ и од полицајци од МВР мечката е успиена и безбедно ослободена“, соопшти ЦУК.
Македонија
Средба Тошковски – Ходулин: Интензивна поддршка од ЕУ преку ИПА проектите за креирање полиција со европски стандарди

Министерот за внатрешни работи Панче Тошковски денеска оствари работна средба со претставници на Делегацијата на Европската унија, предводени од Стефан Ходулин, раководител на Одделот за соработка и Даница Стошевска, програм менаџер во канцеларијата.
На состанокот беше разгледана досегашната соработка помеѓу Министерството за внатрешни работи и Делегацијата на Европската унија во делот на спроведувањето на проектите финансирани преку Инструментот за претпристапна помош (ИПА).
Од страна на господинот Ходулин беше изразено задоволство од постигнатото во рамките на веќе спроведените проекти кои се имплементираат во министерството и изрази надеж дека посветеноста ќе продолжи со ист интензитет.
Министерот Тошковски во име на Министерството за внатрешни работи и се заблагодари на Делегацијата на ЕУ за досегашната поддршка и потенцираше дека истата е од исклучителна важност за министерството, и дека од наша страна ќе бидат обезбедени сите ресурси со цел максимално и рационално искористување на финансиската поддршка која е наменета за постигнување на европските стандарди во полициското работење.
За време на состанокот исто така се разговараше и за идните проекти кои се дел од Националната ИПА програма за 2025 година и следниот период, по што заеднички беше донесен заклучок дека ќе се продолжи со интензивни активности во наредниот период со цел финализирање плановите и проектите како основа за идното програмирање и обезбедување на сите неопходни предуслови од страна на министерството за внатрешни работи и целосна посветеност во нивната подготовка.
Двајцата соговорници изразија уверување и подготвеност за продолжување на одличната соработка и во иднина.
Македонија
Сиљановска-Давкова на средба со Радев: во фокусот трагедијата во Кочани и евроинтегративниот пат

Претседателката Гордана Силјановска-Давкова која е во Бугарија за да учествува во „Процесот Акаба“, пред медиумите соопшти дека ги посетила повредените пациенти кои настрадаа во трагедијата во Кочани и сега се на лекување во болницата „Пирогов“.
Рече дека се чувствуваат многу подобро. Таа оствари средба и со бугарскиот претседател Румен Радев.
Фокусот бил на трагедијата во Кочани, но се разговарало и за одблокирање на нашиот евроинтегративен пат, при што двајцата заклучиле дека се неопходни позачестени средби. Претседателката нагласила дека се можни компромиси и очекува исчекор на тој план.
Оддавајќи му признание на Радев таа кажа дека тој бил првиот претседател којшто утрото по трагедијата во Кочани и се јавил и и понудил секаков вид на помош.
„Прв ми се јави претседателот Радев. Благодарам. За жал или за добро, понекогаш трагедијата го вади доброто во сите нас, не политичкото, туку човечкото. Ова нема да може да го заборави ниту еден политичар од двете страни“, ја пренесуваат изјавата на Силјановска-Давкова бугарските медиуми.