Македонија
Листа на најопасни земји: Најризично заминувањето во Сирија, Косово најнесигурно во регионот

Безбедносните експерти на компанијата Интернешнл СОС и Контрол риск направија листа на најпасни земји во 2019 година според која најризично е да се оди во Сирија. Кога станува збор за нашиот регион, најсигурна е Словенија, а најнесигурно Косово. Македонија спаѓа во земји со низок ризик од опасност.
Листата го покажува нивото на опасност во секоја земја и заканата за туристите од политичко насилства (вклучувајќи ги и тероризмот, револуцијата, политички мотивираните немири и војната) и социјалните немири.
Исто така, се земаат предвид и факторите како што се состојбата на индустриските односи, ефикасноста на безбедносните и итните служби и чувствителноста на земјата на природни катастрофи.
Картата содржи пет категории ризици: безначаен ризик, низок ризик, среден, висок и екстремно висок ризик.
Многу малку земји успеаја да влезат во првата категорија на незначителна опасност, како што се: Луксембург, Данска, Словенија, Швајцарија, Норвешка, Финска, Исланд и Гренланд.
Најголемиот број европски земји се сметаат за земји со низок ризик на опасност, а на овој список се Иран, Јордан, Оман, Катар, Обединетите Арапски Емирати, Кувајт, Грузија, Азербејџан, Ерменија и Узбекистан, Канада, САД и Нов Зеланд.
Земјите со екстремна ниво на ризици се во Африка и во Средниот Исток, а тоа се Сирија, Јемен, Авганистан, Либија, Ирак, Јужен Судан, Сомалија, Појасот Газа, дел од Египет, источниот дел на Нигерија, источниот дел на Украина, Централна Африка.
Кога станува збор за нашиот регион, најсигурна земја за посета е Словенија, најнесигурно е Косово. Македонија, исто како и Хрватска, Словенија, Црна Гора и Босна и Херцеговина, спаѓа во земји со низок ризик на опасност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.