Македонија
Лога во Саудиска Арабија: разменети искуства и практики за зајакнување на судиите и правниот персонал

За време на посетата во Кралството на Саудиска Арабија, министерот за правда Кренар Лога оствари неколку посети меѓу кои и Саудискиот центар за обука за правда, каде што одблиску се запозна со развојната програма за зајакнување на судиите и правниот персонал и програми за квалификација за адвокати и нотари.
На состанокот се разменија искуства и добри практики од областа на едукација во правосудството. Беа разгледани просториите каде што се врши едукација на идните кандидати за правосудството. Истовремено, се дискутираше и за разликите и сличностите на начинот на одвивање на едукаците и критериумите за примање на кандидативе во саудискиот центар за обука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја дел од Аеродром

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 14.00 часот, дел од корисниците од улиците Пандил Шишков, Вангел Тодоровски и Руди Чаевец, општина Аеродром.
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект во шахта на улицата Шекспирова бб (во близина на Тинекс маркет), општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:00 часот до завршување со санација на дефектот.
Македонија
Сончево со мала до умерена облачност, температурата до 37 степени

Времето денеска ќе биде сончево со мала до умерена локална облачност. Ќе дува слаб ветер од променлив правец.
Минималната температура ќе биде во интервал од 9 до 20, а максималната ќе достигне од 28 до 37 степени.
Во Скопје, сончево со мала до умерена облачност и со слаб ветер од променлив правец.
Минималната температура ќе се спушти до 15, а максималната ќе достигне до 34 степени.
Времето во наредните денови
Во среда и четврток ќе биде променливо облачно, наместа нестабилно со пороен дожд и грмежи, локално во форма на невреме. Потоа следи стабилизирање на времето.