Македонија
Лукаревска, наместо да поднесе кривична пријава за фирмите за криминал тежок над 22 милиона евра, ги става на листа на должници, реагираат од ВМРО-ДПМНЕ

Фирмите „Актико“, потоа „Окитна“ и „Хантонос“, потоа „Хант Осој“, Лукаревска ги ставила на листа на должници, место да поднесе кривични пријави за криминал тежок над 22 милиони евра, реагираат од ВМРО-ДПМНЕ.
„Самата Лукаревска јавно вели, дека на адресите на овие фирми, нема магацини и складишта, од друга страна им ја признава трговијата.
Доколку немало поврат на ДДВ, туку парите се за “аконтација” за “во иднина”; зошто УЈП после година и половина, ги става овие фирми на листа на должници и како УЈП им пресметала даночен долг, ако нема пристап до деловните книги?
Лукаревска треба да даде одговор, за што треба да се наплати данок од 11 односно 12.2 милиони евра?
Извештаите од надворешната контрола на УЈП, јасно го потврдуваат направениот криминал.
Зошто за Актико/Окитна и за Хантонос/Хант Осој, Лукаревска нема предмет до ОЈО? Ова е криминал што опфаќа повеќе делови од Кривичниот закон, како Член 60-а за даночна пријава со лажни податоци заради имотна корист, до член 378 за фалсификувани исправи“, се истакнува во информацијата од ВМРО-ДПМНЕ.
Јавноста, според нив, бара одговори, Лукаревска да каже зошто и кого штити, кога се знае, како што велат, дека овие исти ликови, се поврзани со криминален поврат на ДДВ во 2020-та година.
Според ВМРО-ДПМНЕ, одговорност за овој организиран криминал мора да има.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Граѓаните плаќаат за чиста средина, а не за депонии и ѓубришта: Митески најави кривична против ЈП „Комунална хигиена“доколку не реагира за отпадот

Комуналните служби на Општина Аеродром само денеска собраа над 10 тони отпад (50м3) кои завршија во „Дрисла“, соопшти в.д. градоначалникот на Општина Аеродром, Дејан Митески.
„Ова не е еднократна акција – ова е наша секојдневна работа. Нашите општински служби се на терен, додека Градското комунално претпријатие кое треба да ја изврши оваа работа, е неажурно и немо. Доста е“.
Граѓаните, додава тој, плаќаат за чиста и уредна средина, а не за депонии и ѓубришта. Напоменува дека никој нема право да го загрозува здравјето и иднината на децата.
„Од утре продолжуваме уште поинтензивно.
Ако нема веднаш реакција од ЈП „Комунална хигиена“, како градоначалник ќе поднесам кривична пријава за загрозување на животната средина согласно член 218 од Кривичниот законик, и секојдневно ќе барам постапување од Обвинителството и МВР“, објави Митески.
Ова, како што истакна, не е политика, туку прашање на достоинство, здравје и иднина.
Македонија
Мицкоски: Народот е обединет и сплотен, не очекува убедлива победа за подобро и поубаво Сопиште

Лидерот на ВМРО-ДПМНЕ и премиер Христијан Мицкоски денеска присуствуваше на промоцијата на кандидатурата на Јане Мицевски за градоначалник на Општина Сопиште, како и на кандидатите за советници од ВМРО-ДПМНЕ и коалицијата.
„Народот е обединет и сплотен, не очекува убедлива победа за подобро и поубаво Сопиште.
Ветуваме реализација на многу проекти кои ќе ја подобрат инфраструктурата, ќе создадат нови можности за младите и ќе придонесат за економски развој и модернизација на општината. Заедно, со посветеност и транспарентност, ќе изградиме Сопиште какво што сите го посакуваме.
Јане Мицевски е вистинскиот избор за Сопиште“, објави Мицкоски.
Македонија
Николоски во Атина: во фокусот економската соработка меѓу двете земји и подобро регионално поврзување

Заменик претседателот на Владата и министер за транспорт Александар Николоски од денеска е во дводневна работна посета на Атина, каде ќе оствари работни средби со високи претставници на Владата на Грција.
Во рамки на посетата, планирана е средба со вицепремиерот Костис Катзидакис, министерот за инфраструктура и транспорт Христос Димас, како и со алтернативниот министер за инфраструктура и член на Парламентот, Константинос Киранакис.
Исто така предвидена е средба и со менаџментот на пристаништето Пиреа.
На средбите предвидено е да се разговара за економската соработка меѓу двете земји, како и за подобро регионално поврзување.
Ќе се разговара и за изградбата на брзата пруга на коридорот 10, што многу ќе приоднесе за развој на трговијата и размената меѓу двете држави, а ќе преставува и главен крвоток за поврзување на грчките пристаништа со Централна Европа.
Во рамки на средбите планирано е да се отворат теми за унапредување на сообраќајот на Коридор 10 и 10 -д, зголемување на ефикасноста во патниот и железничкиот транспорт, за промовирање на ависообраќајот, како и унапредување на регионалната соработка.