Македонија
Лукаревска од Пробиштип: 2023 е година на економска пресвртница
Заменик претседателката на СДСМ, Сања Лукаревска денеска од трибината во Пробиштип порача дека СДСМ преку Владата и институциите што ги предводи презема конкретни и навремени мерки за надминување на последиците од светската економска криза и дека следната година ќе биде подобра.
„Во време на најголема светска економска криза ја зголемивме минималната плата на 18.000 денари, ги зголемивме пензиите и платите, ги исплативме сите заостанати субвенции кон земјоделците и реализиравме два пакета мерки вредни над 760 милиони евра“, порача Лукаревска.
Истакна дека поддршката за граѓаните и економијата продолжува и натаму а Буџетот за 2023 е еден од инструментите за надминување на последиците од кризата.
„Во Буџетот за 2023 година предвидени се средства за зголемување на минималната плата и нов раст на пензиите, но и доволно средства за зголемување на лимитот за поврат на ДДВ кон граѓаните. Повратот на ДДВ е една од најуспешните мерки и од следната година го зголемиваме прагот за поврат од 1.800 на 2.100 денари квартално. 2023 ќе биде година на нова надеж и економска пресвртница, а тоа го покажува и проекцијата на ЕБОР за економски раст од 2.3 отсто што е повеќе од европскиот просек на раст исто така според проекциите на ЕБОР. Како одговорна партија продолжуваме да се грижиме за сите граѓани“, порача Лукаревска во Пробиштип.
„Додека ВМРО-ДПМНЕ ги заглави општините кои ги води, градоначалниците на СДСМ ги развиваат и постојано реализираат нови проекти а пример за тоа е градоначалникот на Пробиштип“, додаде Лукаревска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Бутел денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, објектите на Дом за Малолетни Деликвенти. (општина Бутел)
Македонија
Непречен сообраќај низ државата, по влажни коловози
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне повремени врнежи од дожд, локално пообилни, попладне врнежите ќе престанат
Претпладне претежно облачно со повремени локални врнежи од дожд, наместа пообилни и поројни со услови за појава на ретки грмежи. Попладне врнежите ќе престанат, а облачноста ќе се намали. Ќе дува умерен до засилен ветер од западен и северозападен правец. Минималната температура ќе биде во интервал од 8 до 13, а максималната ќе достигне од 13 до 19 степени.
Во Скопје, променливо облачно, претпладне со повремени врнежи од дожд, локално пообилни. Попладне врнежите ќе престанат. Ќе дува умерен ветер претежно од северен правец. Минималната температура ќе се спушти до 11, а максималната ќе достигне до 16 степени.
Времето во наредните денови
Во вторник ќе има локални врнежи од дожд со послаб интензитет и ќе дува умерен до засилен ветер од северозападен правец. Потоа во следните два дена времето ќе биде стабилно со постудени утра, а локален дожд повторно се очекува во петок кон крајот на денот

