Македонија
Лукаревска: Покажавме одговорност, ги вративме слободата и европскиот пат,

На 15-ти излезете и гласајте, не дозволувајте друг да го прави изборот за вашата иднина, вие одлучувате, заокружете три за да одиме напред. Покажавме одговорност, ја вративме слободата. Градиме држава на цврсти темели, не на стиропор, градиме европска држава, не изолација, градиме општество еднакво за сите, не национализми и поделби. Гласајте за да им ставиме крај на лагите и на црните сценарија на режимот, гласајте за сигурност“, рече носителката на листа во ИЕ2 Сања Лукаревска во општина Гази Баба.
„ Продолжуваме со македонска развојна економија. Поддршка на домашните и странските компании со 600 милиони евра, 300 милиони од буџетот и 300 милиони од европските фондови. Најавуваме една милијарда евра странски инвестиции за следните 4 години, базирани на иновации и одржливост. Невработеноста ќе ја намалуваме за 3% годишно, до едноцифрена стапка на крајот на мандатот. Обезбедуваме конкретни развојни мерки, грижа за секого. Парите ги враќаме кај граѓаните, ги зголемивме и платите и пензиите. Обезбедуваме раст на просечната и на минималната плата и во наредниот мандат. Со конкретни мерки ги помагаме компаниите и ги штитиме работните места на граѓаните. Инвестираме во младите да се развиваат и да се реализираат овде, дома“, рече Лукаревска.
Го афирмиравме и го реализираме концептот за родова рамноправност 50/50. На кандидатските листи на СДСМ и на коалицијата МОЖЕМЕ подеднакво се застапени и жените и мажите, обезбедуваме родов баланс и во извршната власт, на 40% од функциите ќе бидат жени. Градиме едно општество за сите. За нас разликите се заедништво. На 15-ти во среда, излезете и гласајте да продолжиме по европскиот пат, да обезбедиме уште подобар стандард, правда за сите. Влада на ВМРО ДПМНЕ е Влада на опасност, гласајте за Социјалдемократскиот сојуз и коалицијата „МОЖЕМЕ“, гласајте за добри политики, гласајте за сигурност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Данела Арсовска до градоначалникот на Ѓорче Петров: Доста лажете!

„Згради од 65 метри висина кои ќе се градат покрај самиот булевар, спротивно на сите можни стандарди, закони и подзаконски акти во Ѓорче Петров“, напиша градоначалничката на Град Скопје, Данела Арсовска, на социјалните мрежи.
„157.000м2 објекти хемиски фабрики кои се јасно означени на Деталниот Урбанистички План. И внимавајте, имале пречистителна станица. Што ќе пречистуваат, ако нема загадувачка индустрија?
Дополнително, ДУП за згради од 65 метри висина во подрачје во кое не смее да се копа повеќе од 3 метри. Како ќе се градат овие згради без да се загадат заштитените бунари за вода Нерези – Лепенец? На какви столбови ќе бидат овие згради? Колку гаражни места ќе имаат?
Ова, градоначалнику на Ѓорче Петров треба да го одговориш. Доста лажете!“, додаде Арсовска.
Македонија
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ

„Се е пријавено дечки, затоа вчера ви рековме два пати да размислите пред да излезете на прес. Ама толку слушате, затоа сте младина сведена на статистичка грешка“, напиша Сергеј Попов, претседател на УМС и пратеник на ВМРО-ДПМНЕ, на социјалните мрежи.
„Штета, паметам времиња кога СДММ беше подмладок за почит“, додаде тој.
Македонија
Пратеничката Мимоза Муса на 73. КОСАК конференција во Варшава

Пратеничката Мимоза Муса, членка на Комисијата за европски прашања, учествува на 73. Конференција на комисиите за европски прашања на Парламентите на земјите членки на Европската Унија (КОСАК), која се одржува од 8 до 10 јуни 2025 година во Варшава, Република Полска.
Конференцијата се одржува во Сејмот на Република Полска, а учество земаат претставници на Парламентите од земјите членки и кандидатите за членство во Европската Унија, како и претставници на Европската комисија и Европскиот парламент.
Темите опфатени на Конференцијата се: приоритетите на Полското претседателство со Советот на ЕУ, работните програми на Европската комисија и Европскиот парламент во новиот институционален циклус, идната повеќегодишна финансиска рамка на ЕУ, политиката за проширување и јакнењето на сајбер отпорноста и борбата против дезинформации.
Настанот беше свечено отворен од страна на маршалот на Сејмот на Република Полска, Шимон Холовниа, а Конференцијата се одвива под копретседателство на Агњешка Помаска, претседателка на Комисијата за европски прашања на Сејмот на Република Полска и Томаш Гродsки, претседател на Комисијата за европски прашања на Сенатот на Република Полска.
Во своите воведни обраќања ја нагласија важноста на парламентарната соработка и единството на европските институции во справување со заедничките предизвици. Тие упатија повик за продлабочена вклученост на националните парламенти во процесот на донесување политики на ниво на ЕУ и подвлекоа дека проширувањето останува клучен инструмент за стабилност и просперитет на целиот континент.
Пратеничката Мимоза Муса имаше свое обраќања на втората сесија од Конференцијата.
На втората сесија, каде се дебатираше за работните програми на европските институции и Стратешката агенда на ЕУ, Муса истакна дека приоритетите на Комисијата и Парламентот се од исклучително значење за земјите кандидати. Таа подвлече дека Северна Македонија активно работи на зелена транзиција, дигитализација, економски развој и борба против корупцијата, и ја потенцираше важноста на продолжување на политиката на проширување врз основа на заслуги.
Во рамки на своето учество, пратеничката оствари средба со голем број колеги и со амбасадорот на Република Северна Македонија во Република Полска, Јасмин Ќахил.
КОСАК претставува форум за соработка меѓу комисиите за европски прашања од националните парламенти и Европскиот парламент, кој овозможува редовна размена на информации, ставови и добри практики во однос на европското законодавство и политики. Форумот постои од 1989 година и има важна улога во вклучувањето на националните парламенти во процесите на донесување одлуки на ниво на ЕУ.