Македонија
„Филипче и по цена на животот на граѓаните не се откажуваше од тендерите, така во модуларната во Тетово изгореа 14 граѓани“, вели ВМРО-ДПМНЕ
„За да одиме напред, мора да имаме информации за минатото, поточно што ни остави владата на СДС. Актуелниот претседател на СДС, Венко Филипче за време на неговото министерување освен грижа за местење тендери немаше ништо за граѓаните, никакви подобрување на здравството“, велат од ВМРО-ДПМНЕ.
„Филипче и првиот човек на компанијата Брако, Кочо Анѓушев ги игнорираа ни помалку ни повеќе обвинувањата и укажувањата дека се виновни за пожарот во тетовската модуларна болница каде живи изгореа 14 луѓе.
Филипче не одговори за начинот на кој е спроведен контроверзниот тендерот или не одговори зошто е спроведуван за набавка на парчиња, а не цел објект со што биле заобиколени протоколите за безбедност“, соопшти ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Има интерес од доктори што работат во приватните да се вратат во јавните здравствени установи, рече Таравари
Има интерес од доктори што работат во приватните клиники да се вратат во државните, истакна министерот за здравство, Арбен Таравари, на денешната прес-конференција по повод 100 дена нова Влада.
„Имаше забрана од тогашната влада од јули или авуст 2022 година да не може од приватните да преминат во јавните здравствени установи. Пред три недели помина на Влада да се тргне таа забрана и сега подготвуваме правилник во Министерството за здравство. Не може сите доктори, туку само оние што се специјалисти, како фармацевти, стоматолози, анестезиолози, радиолози, но само доколку директорот на клиниката ни каже дека има потреба од тие кадри, а тие се докажани и во одреден период заминале и сега гледаат надеж во јавното здравство и сакаат да се вратат. Само кај мене се јавиле 10-ина доктори колеги, кои се врвни стручњаци во нашата држава и полека почнуваме да ги враќаме“, посочи министертот Таравари.
Според него, ова е навистина добар чекор и се надева дека в година ќе се продолжи со враќање на докторите во државните здравствени установи.
Таравари додаде и дека унапредувањето на здравствената заштита на сите граѓани било главен приоритет во изминатите 100 дена.
„За таа цел, заедно со нашиот тим во континуитет сме посветени да им излеземе во пресрет на потребите на пациентите и на сите фактори во здравствениот систем во Македонија. Позитивната листа мислам е најглавната работа што ја реализиравме. Се работи за 9 нови генерички лека, односно вкупно 87 лека во разни пакувања. Реализиравме заштеда со укинување на економските директори. По нормална процедура ја поминавме во Владата претходно, потоа и во парламентот и сега на сите клиники и во сите болници што имаат над 1.000 вработени практично имаме по еден директор“, рече министерот Таравари.
Македонија
Денеска, во Прилеп, знамињата истакнати на половина копје и прогласен ден на жалост поради трагичната смрт на трите медицински лица
Денешниот ден, петок, 4 октомври, е ден на жалост во Прилеп поради трагичната смрт на трите медицински лица, кои вчера изутринава загинаа во тешка сообраќајна несреќа на патот Прилеп – Битола. Во несреќата загинаа: радиологот примариус д-р Александар Ристески, гинекологот Никола Василески и Фанче Јованоска, радиолошки технолог.
Советот на Општина Прилеп одлуката ја донесе синоќа на вонредна седница.
Денеска, знамињата во општината се истакнати на половина копје, а сите културни и спортски манифестации се одложуваат за следниот ден.
„Прилеп и Македонија загубија врвни лекари специјалисти, еминетни и почитувани луѓе, посветени и одговорни граѓани, кои спасувале илјадници човечки животи и им помагале на многу луѓе со својата специјалност, но ги загубија животите патувајќи токму на своите работни места во Битола за да им помогнат на други луѓе. Прилеп вечно ќе се сеќава на прим. д-р Александар Ристески, спец. радиолог, д-р Никола Василески, гинеколог и Фанче Јованоска, радиолошки технолог, кои ќе бидат вечна наша тага и непребол“, рече прилепскиот градоначалник Борче Јовчески по донесувањето на одлуката на Советот за денешниот ден, петок, 4 октомври, да биде ден на жалост во Прилеп.
Македонија
„Анима мунди“: Со огнено оружје во Визбегово осакатени миленици, се убиваат животни од локален психопат
„Видете ги овие грозоморни фотографии: кошмар преживуваат животни и жители на Визбегово од локален психопат кој стрела по живи мети, сакати и убива со оружје – воздушна пушка за коjа, согласно евиденцијата на куршумите, мора да се поседува дозвола и да биде регистрирано. Еден мачор стрелан кој со последни сили, избезумен се вратил во својот двор, со раскината нога до карлица/колкот која морала да му се ампутира веднаш за да се спаси; другата мачка погодена во гради, распрснат куршум за која е интервенирано веднаш, и која има невидена среќа во несреќа што е жива“, велат од Анима Мунди.
„Во полициска станица Чаир е пријавено веднаш од страна на сопстениците кои се решени да одат до крај и стрепат за животот на своите животни. Вакво дело може да направи само безумен човек, садист и монструм, кој е неопходно итно да биде идентификуван и затворен, спречен да продолжи и понатаму.
️Нагласуваме – со ова оружје може да се осакати и убие човек, дете, животно и покрај вакви индивидуи никој жив не е безбеден на улица! Бараме максимална посветеност на МВР, вештачење на куршумите кои се доказ и начин да се истражи и фати сторителот и затвори!
Кој од чиста мира злоставува животно е општествена закана, и истото утре ќе го прави и на луѓе, деца, на секој што е послаб од него. Повторуваме, трагата е во остатоците од куршумот зошто за ова оружје е неопходно да се поседува дозвола.
Злосторството врз животни е општествена аномалија и мора да се препознава како такво, за да се превенира во иднина, а секој слушај да не биде само пријава што ќе заврши во фиока, туку најстрого да казни. Дека суровоста кон животните е една од карактеристиките која редовно се јавува во компјутерските досиеја на сериските силувачи и убијци констатира ФБИ, криминологијата, социопатологијата, психијатријата. Игнорирањето на овие деликти мора да запре. Бараме лична заложба на министерот за внатрешни работи Панче Тошковски за процесирање и завршница по ваквите и слични настани, кои во Македонија се секојневие.
Анима Мунди најавува иницијатива за измена на Кривичниот закон со која бараме драстично зголемување на санкциите предвидени со член 233, воведување на нови класификувани форми за извршување на делото мачење животни како и регистар на лица кои на каков било начин злоставувале животно. Иницијативата е усогласена со нашите потреби, и најдобрите европски практики и ќе биде доставена до ресорните органи за 2 седмици, и за истата очекуваме силна јавна и институционална поддршка“, се наведува во соопштението на Анима Мунди.