Македонија
Македонскиот концепт од МНР и официјално побара раскинување на договорот со Бугарија

Националниот комитет на политичката партија Македонски концепт, тргнувајќи од интересите на македонската кауза, донесе одлука да достави иницијатива до министерот Тимчо Муцунски, Министерство за надворешни работи и надворешна трговија на Република Македонија, за констатирање на услови за раскинување на билатералниот договор од страна на Република Бугарија.
Согласно Став 13, Член 3 од договорот, Република Бугарија преку донесување на Рамковна позиција во Собранието, спротивна на договорот и нејзино доставување преку Меморандум (писмено известување) до Македонија и сите земји членки на ЕУ, на 17.09.2020 година, формално правно го раскинала договорот со Република Македонија.
Цениме дека Договорот наместо пријателство, создаде непријателство, наместо унапредување, ги уназади македонско – бугарските односи.
Од таа причина, бараме да
– прекине работата на “историската комисија”;
– прекине важноста на скандалозните Протоколи на Никола Димитров и Бујар Османи;
– прекине важноста на Преговарачката рамка со ЕУ и е потребно да се изготви нова;
– престанат непријателството, лошо соседството и несоработката помеѓу двете земји и да отвориме ново историско поглавје на обновено пријателство;
Политичката партија Македонски концепт стои цврсто до ова решение, кое единствено би дало можност за нова иднина во пријателските односи помеѓу Република Македонија и Република Бугарија и реална интеграција во Европската Унија.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Петрушевски: Ако ССМ не ги криел платите, тогаш на кој сајт или друго јавно место се објавени?

Ако ССМ не ги криел платите, тогаш на кој сајт или друго јавно достапно место се објавени?, прашува Бране Петрушевски, пратеник од ВМРО-ДПМНЕ.
„Пешевски е на чело на синдикат каде работниците на скелиња земаат минимална дневница, за разлика од таа на Пешевски, кој е поставен таму не од граѓаните како пратениците, туку од тесен круг од неговите пријателчиња од ССМ. И таа позиција си ја наследуваат од колено на колено, како и неговите пријатели и ментори од црвената буржоазија на СДС.
Ако Пешевски со имот и примања како комунистички директор е претставник на работничките права, тогаш неговиот ментор Заев е чесен човек, а тие Лехваленса, објави на ФБ Бране Петрушевски, пратеник од ВМРО-ДПМНЕ“.
Македонија
One Stop Shop од средината на април ќе се воведе на границата со Косово

Министерството за внатрешни работи ја информира јавноста дека од средина на месец април (14.04.2025) официјално ќе започне со работа заедничката гранична контрола (One Stop Shop) на заеднички граничен премин Долно Блаце – Елез Хан.
„Овој чекор претставува конкретна реализација на билатералната соработка помеѓу Република Северна Македонија и Република Косово, со цел олеснување на прекуграничното движење, намалување на времето на чекање и зголемување на ефикасноста на граничните контроли“, соопштуваат од МВР.
Македонија
ВМРО-ДПМНЕ: СДС е партија чиј премиер Ковачевски даваше земја за фотоволтаици на сопствената сопруга, и Заев кој даваше лиценци на брат му

„СДС да каже кој закон е прекршен, со набавката во Министерството за дигитализација? Дали вработениот кој го посочуваат е некој функционер или член на комисија која одлучува во однос на набавките? Наместо да манипулираат СДС треба да ја прифатат реалноста дека не се работи како до сега“, велат од ВМРО-ДПМНЕ.
„Да потсетиме дека премиерот од СДС, Ковачевски даваше земјиште за фотоволтаици на својата сопруга, и тоа со одлука на владата со која тој управуваше. Премиерот на СДС, Заев, даваше тендери и лиценци на фирмите на братот, братучедот и роднините“, посочувааат од партијата и додаваат:
„СДС е партија чии претседатели делеа бизниси на своите семејства“.
Претходно Методија Илиевски, потпретседател на СДСМ рече дека постои нов скандал во министерството на Андоновски и дека тендер добиле родители на негов вработен.