Македонија
Маратонско рочиште за предметот ТНТ, Јанакиески со часови одговараше на прашања

Доцна вечерва, по 20.30 часот, заврши маратонското рочиште за предметот ТНТ на СЈО, во кое на прашањата на адвокатите од 12 часот со паузи одговараше обвинетиот Миле Јанакиески.
Судското рочиште почна со натегање меѓу судијата Огнен Ставрев и адвокатите назначени по службена должност за времето потребно за увид во доказите и продолжи со испитување на Јанакиески, кое со паузи траеше повеќе од осум часа.
Јанакиески говореше за односот со семејството на бизнисменот Фијат Цаноски, за процедурите за издвањње и неиздавање одобренија за градење и локациски услови, за прислушуваните телефонски разговори…
В понеделик се откажани сите други рочишта во кои суди овој судечки состав и во 9.30 часот продолжува судењето за ТНТ. Прашања на Јанакиески ќе треба да му поставува обвинителот од СЈО, Бурим Рустеми.
На една од поротничките во советот на 24 декември, односно во вторник, ѝ истекува мандатот, има наполнето 60 години. Доколку дотогаш не биде донесена пресуда, предметот по кој се постапува две години, ќе мора да почне одново.
Во предметот ТНТ, кој се однесува на уривањето на станбено-деловниот комплекс „Космос“ на бизнисменот Фијат Цаноски, меѓу обвинетите се поранешниот премиер Груевски, поранешниот министер за транспорт и врски, Јанакиески, како и поранешниот градоначалник на општина Гази Баба, Тони Трајковски.
Според обвинението, тие во 2011 година сториле кривично дело од политичка омраза со уривање на комплексот „Космос“ на Фијат Цаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вкусна трпеза и музика во 18 часот во Паркот на Франкофонијата во Скопје

Градоначалникот Горан Герасимовски ги поканува скопјани денеска во 18.00 часот на добра традиционална македонска и европска трпеза во Паркот на Франкофонијата. Герасимовски вели дека културно-гастрономскиот настан „Нож и виљушка на европска чинија“ e можност за дружење, културна размена и зајакнување на заедништвото.
„Денеска, со почеток во 18.00 часот повторно го организираме настанот ‘Нож и виљушка на европска чинија’, кадешто ќе дегустираме вкусна храна и ќе слушаме добра музика од диџеј Зоки Бејбе и Наде Талевска бенд. Центар поврзува – преку храна и музика. Ве чекаме во Паркот на Франкофонија да го прославиме богатството на различности со убава трпеза и пријатна атмосфера“, истакнува Герасимовски.
Гастрономскиот настан „Нож и виљушка на европска чинија“ е организиран од Општина Центар и истиот е отворен за сите граѓани.
Македонија
Објавен конкурсот за државната награда „Св Климент Охридски“ за 2025 година

Одборот за доделување на државната награда „Св. Климент Охридски“ распиша Конкурс за доделување на државната награда „Св. Климент Охридски“ за 2025 година.
Со оваа награда се оддава највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност.
Конкурсот за државната награда ќе трае од 1 до 30 јуни 2025 година.
Македонија
ВМРО-ДПМНЕ: Почнува инвестициски циклус од 6 милијарди евра кој ќе донесе економски раст и развој на државата

Со потпишувањето на договорот со Велика Британија на Македонија ѝ се ставаат на располагање 6 милијарди евра за финансирање на капитални проекти во повеќе стратешки сектори, велат од ВМРО-ДПМНЕ преку соопштение.
„Ова е најголема економска рамка од 6 милијарди со која ќе започне инвестициски циклус во Македонија.
Владата предводена од ВМРО-ДПМНЕ има конкретен план, визија и решенија за заштита на животната средина. Конкретен план за Чебрен и Галиште. Изградбата на хидроцентралите Чебрен и Галиште се стратешки проект кој ќе се реализира со инвестиција од 1,3 милијарди.
Градежната офанзива којашто е во тек ќе продолжи и со инвестиции во железничкиот сообраќај и изградба на брза пруга. Ќе се реализира многу важен проект од железничкиот сообраќај, артерија на Коридорот 10.
Со инвестиција од околу 2 милијарди евра ќе се гради брза пруга Табановце-Гевгелија. Постоечката пруга ќе се реконструира, и ќе се направи уште една паралелна пруга
Во делот на здравството, конечно завршување на болницата во Кичево и реконструкција на клиничката болница во Тетово.
Во делот на образованието, во првиот бран, веќе има два проекти, тоа е изградба на нов медицински факултет во Штип и вториот проект е изградба на студентски дом во поддршка на факултетот со најмалку 200 легла.
Ќе започнат и нови проекти од енергетиката, транспортот, медицината, здравството и дигитализацијата. Сето ова подразбира отворање на нови работни места, развој, напредок, многу нови инфраструктурни проекти со цел подобрување на животниот стандард на граѓаните“, се вели во соопштението на партијата.