Македонија
Маричиќ: Заедничкиот придонес на централната власт со дијаспората нуди прагматични решенија за прашањата на Македонците во странство
На денешната координативна средба со претставници на канцлеариите за дијаспората од општините во Северна Македонија Првиот заменик претседател на Владата задолжен за европски прашања Бојан Маричиќ разговараше за предизвиците со кои се соочува македонската дијаспора во странство.
Маричиќ ја истакна важноста на координацијата на претставниците со оглед на тоа потребно е да се решаваат и да се земаат во предвид предизвиците, прашањата и проблемите со кои се соочуваат македонските државјани кои живеат во странство.
На состанокот присутните дискутираа за систематско утврдување на приоритетите на дијаспората; обезбедување на механизам на соработка кој ќе биде од заемна корист за државата и дијаспората.
На средбата беше истакната важноста од присуство и координација со матичните служби, пензинскиот фонд, Владата, како и локалните претставници од општините.
Предизвиците со кои се ссочува дијаспората се обезбедување на документи, определување на работниот стаж и остварување на правото за пензија и други. На состанокот присутните разговараа за изнаоѓање на прагматични решенија за Македонците во странство. Беше дискутирано, преку стратегијата за дијаспората, да се организираат работилници на Кои ќе се презентираат предизвиците но и решенијата за прашањата.
Вицепремиерот Маричиќ ја истакна важноста од редовна комуникација на дијаспората со Владата со цел изнаоѓање на решенија со кои ќе се надминат предизвиците со кои се соочуваат Македонците надвор од државата. Решенијата треба да бидат адаптирани согласно државата во која се исселени согласно системот во кој живеат. Важно е да се фокусираме на приоритетите, вадење на документи и дефиниција на стажот на секој иселеник – рече Маричиќ.
На состанокот присуствуваа и националниот координатор за дијаспората, Фатон Асани, Државниот секретар на Министерството за надворешни работи Филип Тосески, и 20тина претставници од општините низ државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: СДС се виновни за раздвојувањето на Албанија од Македонија
СДС се виновни за раздвојувањето на Албанија од Македонија, државата 7 години ја потонаа во криминал. СДС ликуваат на тоа што Македонија е заглавена. СДС напорно работеа првин да бидеме ставенј во исто кош со Албанија, а потоа и Албанија да не претрка, велат од ВМРО-ДПМНЕ.
„СДС свесно работат Македонија да биде заглавена почнувајќи од договорите потпишани од Заев, завршувајќи со криминалот и корупцијата кои царуваа 7 години со СДС. 2% доверба во судството, девастирано здравство и образование, СДС систематски ја разгради државата. Радоста на СДС нема да трае, Македонија оди напред, со ВМРО-ДПМНЕ следува економска трансформација, владеење на право и просперитет“, пишуваат од партијата.
Македонија
Времето денеска ќе биде облачно со врнежи од дожд, грмежи и силен северен ветер
Заладувањето пристигна и во Македонија.
Управата за хидрометеоролошки работи информира дека времето денеска ќе биде променливо облачно со повремени врнежи од дожд и локална појава на грмежи.
Наместа врнежите ќе бидат пообилни.
Ќе дува засилен, a долж Повардарието и во источните делови силен северен ветер (наместа над 70км/ч.)
Максималните дневни температури ќе се движат од 15 степени на повисоките места на западот на земјата, до 27 Целзиусови степени на крајниот југ.
Во Скопје, променливо облачно со повремени врнежи од дожд и услови за ретки грмежи. Ќе дува засилен ветер од северен правец. Температурата ќе достигне до 22 степени.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.