Македонија
Маричиќ: Пријателството на Северна Македонија и Албанија носи успех на евроинтегративниот пат на двете земји
Вицепремиерот задолжен за европски прашања, Бојан Маричиќ, оствари средба со министерот за Европа и надворешни работи на Република Албанија, Игли Хасани, кој денес престојува во официјална посета на Македонија. На средбата беа истакнати блиските врски меѓу двата народа, со заедничка визија за напредок на патот кон членство во ЕУ.
Изразувајќи силно чувство на пријателство меѓу двете држави, како и тимовите на Северна Македонија и Албанија, кои соработуваат веќе подолго време, ја истакнаа блиската соработка основана на заеднички вредности и цели.
Убедени дека со заеднички напори ќе ги надминеме предизвиците со кои се соочуваме, со силно чувство за припадност во Европската Унија, како и заедничка решеност да станеме членки на Унијата до 2030 година.
„Чувствуваме блиска релација и поврзаност со Албанија на патот кон пристапувањето во ЕУ. Албанија е наш пријател, сосед и заедно ќе се залагаме еден за друг во процесите на интеграција во ЕУ“, рече вицепремиерот Маричиќ.
Заложбата за соработка и цврсти меѓусоседски односи ја потврдија и двете страни со акцент на врската меѓу двете нации како пријатели и сојузници на патот кон ЕУ.
На средбата беше истакната подготвеноста на државите, при што вицепремиерот Маричиќ истакна: „Ние ја завршивме нашата домашна задача, а нашата главна цел е надминување на предизвикот со уставните измени и решително чекорење напред кон Европската Унија“.
Заменик-претседателот Маричиќ и министерот Хасани ја потврдија својата посветеност на заедничките напори и истрајноста на патот кон ЕУ ветувајќи дека ќе работат заедно за изнаоѓање решенија и меѓусебна поддршка. Тие изразија уверување дека преку меѓусебна соработка ќе ги надминат предизвиците и ќе ја постигнат заедничката цел за пристапување во ЕУ до 2030 година.
Соговорниците на состанокот се согласија дека Северна Македонија и Албанија припаѓаат на модерна Европска Унија со посветеност и неуморно работење до постигнување на целта – полноправно членство во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и потопло време со сончеви периоди
Променливо облачно и потопло со сончеви периоди. Попладне ќе има локален слаб дожд. Ќе дува слаб до умерен ветер од северен правец. Минималната температура ќе биде во интервал од 4 до 11, а максималната ќе достигне од 20 до 26 степени.
Во Скопје променливо облачно и потопло со сончеви периоди. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилност со пороен дожд и грмежи, особено во вторник.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.