Македонија
Маричиќ: Прашањето со Бугарија да се решава европски , а не со „кој е посилен“ или кој не е членка на ЕУ
Вицепремиерот за европски прашања Бојан Маричиќ во интервјуто за грчки „То понтики“ рече дека имаме недвосмислен сигнал за проширување на ЕУ до 2030 година и дека мора да ја искористиме таа можност и да не дозволиме да се блокираме, чекајќи подобри времиња.
– Новата ера во односите меѓу Западен Балкан и Европската Унија е доказ за заемната посветеност на заедничката иднина. Тоа е поглавје дефинирано со верувањето дека со заедничка работа, можеме да изградиме попросперитетна, стабилна и обединета Европа. Западен Балкан не е само на прагот на ЕУ, туку е составен дел на визијата на ЕУ за силен и обединет континент.
Според Маричиќ комуницирањето на 2030 година како временска рамка е сериозна пресвртница во политиката за проширување на ЕУ и дека тоа е добар план, нагласувајќи дека на тој начин, нашата стратегија за брз влез во ЕУ добива уште поголема сила, и ни докажува дека чекањето не е стратегија.
– Ова е доволен сигнал дека работите во ЕУ се менуваат на подобро, поповолни за нас и мислам дека штом ќе ги завршиме нашите обврски, ќе се најдеме во групата на следните членки на ЕУ, додаде Маричиќ.
За односите на Западен Балкан со Европската Унија, Маричиќ рече дека постои нова ера во односите меѓу ЕУ и земјите од Западен Балкан, посочувајќи дека политичката волја за членство во ЕУ, како и за проширување на ЕУ е клучна за обединување и понатамошен развој и затоа треба да се сфати многу сериозно.
– Потребна ни е временска рамка и јасен план и мислам дека 2030 година е реален датум за завршување на реформите и на ЕУ и на земјите кандидати кои се во процес. Во спротивно, ако остане како што ветија во Солун, тогаш ќе имаме големо разочарување, рече Маричиќ.
На неодамнешната средба со грчкиот премиер Мицотакис и со лидерите на Западен Балкан вицепремиерот Маричиќ изјави дека била реафирмирана заложбата за отворање на врата кон ЕУ за Западен Балкан и за нашиот успешен и решителен пристап да успееме на тој пат, бидејќи како што вели тој ова е стратегијата на која сите земји кандидати во регионот вредно работат подолго време.
– Стратегијата на ЕУ не само што е реална, туку е и суштинска за конечно решавање на геополитичката динамика во Европа и регионот, со оглед на настаните во изминатата година и половина. Сегашната атмосфера, диспозиција и намерите на европските претставници да ја забрзаат интеграцијата на Западен Балкан во Унијата претставуваат исклучителна можност за сите нас, истакнува Маричиќ.
На прашањето кои се следните чекори што треба Северна Македонија да ги преземи на европскиот пат, вицепремиерот Маричиќ рече дека во оваа фаза, целта е со вредна и одговорна работа во нашите сопствени граници, да ги исполниме критериумите и стандардите на ЕУ, но и да ги надминеме.
– Целосно сме посветени на оваа важна мисија. Примарниот фокус сега е да се создаде политички консензус меѓу сите засегнати страни. Ние разбираме дека надминувањето на предизвиците на овој пат бара единство и заедничка посветеност. Нашите политички лидери, без оглед на нивната припадност, имаат клучна улога во обликувањето на иднината кон која сите се стремиме, вели Маричиќ.
Тој нагласи дека прашањето со Бугарија мора да се решава низ дијалог заснован на европските вредности и принципи, а не врз основа на „кој е посилен“ или кој е член на Унијата, а кој не, укажувајќи дека постои подготвеност да разговараат за отворените прашања со Бугарија во текот на преговорите со ЕУ, но дека во никој случај не се подготвени да се откажат од македонскиот јазик и идентитет.
Понатаму, според Маричиќ мораме да се посветиме на навремено и ефикасно извршување на задачите што претстојат, како дел од евроинтегративниот процес, со што како што вели тој би ја покажале нашата вистинска намера да бидеме вредна членка на Европската Унија.
– На крајот на краиштата, нашата цел со пристапувањето во ЕУ е да ја подобриме благосостојбата на нашите граѓани, да промовираме економски раст и да ги зајакнеме нашите врски со нашите европски соседи. Ние сме целосно посветени на ова патување, а овие следни чекори се доказ за нашата одлучност и решителност. Заедно, градиме посветла и попросперитетна иднина за Северна Македонија во рамките на Европската Унија, рече Маричиќ.
За односите на двете земји пет години после Договорот од Преспа, Маричиќ рече дека Грција и Северна Македонија имаат нова фаза на соработка и помирување, која се карактеризира со целосна трансформација во нивните односи, пријателство, доверба и заедничка посветеност на заеднички напредок.
-Наместо недоверба и конфронтации Договорот од Преспа ни помогна во градењето мостови и зајакнување на врските. Договорот од Преспа, кој го реши долгогодишниот спор за името, делуваше како врска меѓу Северна Македонија и Грција. Тоа не само што го расчисти патот за членство на Северна Македонија во НАТО и ЕУ, туку и поттикна атмосфера на добра волја и соработка, нагласи Маричиќ.
Во таа насока рече дека Договорот од Преспа се гледа како модел за успешна дипломатија и инспирација за решавање на билатералните прашања во регионот и пошироко, но и како поттикнувач за интеракција меѓу двете држави и народи.
По Преспа имаме широко отворени врати за културна размена и интеракции меѓу луѓето. Тоа го поттикна туризмот, при што граѓаните од двете нации го истражуваат богатото културно наследство и природните убавини. Оваа културна размена го продлабочи разбирањето и пријателствата. Заедничките вложувања создаваат можности за работа и поттикнуваат економски раст од двете страни на границата, заклучи Маричиќ во изјавата за грчкиот медиум „То понтики“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче од Ресен: Резултатот на владата на ВМРО-ДПМНЕ е чиста нула
„Чиста нула“ е резултатот на работењето на ВМРО-ДПМНЕ во изминатите 4 години локална власт и година и половина централна власт, порача вечерва претседателот на СДСМ, Венко Филипче, на трибината која се одржа во градот Ресен. Тој пред ресенчани зборуваше дека ВМРО-ДПМНЕ не само на локално ниво, туку и како централна власт не донесе ништо добро за граѓаните и државата.
„Изминатите 4 години локална власт на ВМРО-ДПМНЕ и година и пол централна власт не донесоа ништо добро за државата и граѓаните, резултатот им е чиста нула. Ниту еден нов проект, ниту една инвестиција, ниту една реална мерка што го подобрува животот. Празни ветувања и безидејност. Застој, запуштени општини, заборавени граѓани. И овде во Ресен многу јасно се гледа нивното неработење. Погледнете го Ресен денес после 4 години, што ветуваа, а што се направи“, рече Филипче.
Филипче зборуваше дека ветените проекти останале само на хартија, и наместо развој во Ресен, граѓаните добиле застој. Затоа ги повика ресенчани да стават крај на неработењето и не дозволат неодговорни кадри да се грижат за граѓаните.
„Ги нема ветуваните нови стопански комплекси, нема нови инвеститори во туризмот, нема реконструкција на водовод и канализација, нема нови патеки, нема поддршка за младите, за социјално загрозените лица, нема енергетски ефикасна општина, нема развој на туризмот, на спортот и на културата. Ова „ништо“ и нула сработено не смее да продолжи и следните 4 години да го уништува Ресен, да го уништува регионот и да ги брка младите од градот. Не смееме да го оставиме Ресен на неспособни и неодговорни кадри кои забораваат и не се грижат за нивните сограѓани“, порача Филипче.
Претседателот на СДСМ, исто така рече дека дел од носителите на власта ја користат функцијата за моќ и привилегии, за разлика од СДСМ кои секогаш ја гледале како должност кон граѓаните.
„Не водат сметка за народот, туку за себе и за партиските другари. И тоа суштинската разлика меѓу нив и меѓу нас, социјалдемократите. Ние се бориме за секој човек, за секое семејство, за интересот и прогресот на народот. Ние секогаш сме служеле на народот и не сме ги оставале граѓаните сами“, потенцираше Филипче во Ресен.
Македонија
Мицкоски: Граѓаните знаат, Филипче никогаш не бил со народот, туку со Заев кои ги гледавме како крстарат со луксузни јахти по Егејското крајбрежје
На прагот сме на уште едни избори на кои се носи одлуката за вашата иднина. Ова се избори од кои зависи како ќе се развива вашата општина, вашето маало, вашата улица. Од тоа дали ќе добиете ваш човек кој ќе биде вашиот глас во администрацијата или ќе имате човек и елита која ќе живее на вашиот грб. А, иднината се состои од вашите одлуки денес и од изборите кои ги правите токму денес, порача до македонските граѓани претседателот на ВМРО-ДПМНЕ, Христијан Мицкоски на денешниот народен митинг во Кратово во рамките на кампањата со слоган „Вистинскиот избор! Со твојот човек! За твоето место! За твојата иднина!“ за локалните избори кои ќе се одржат во недела на 19 октомври.
Мицкоски изрази убедување дека и граѓаните знаат дека коалицијата Твоја Македонија, предводена од ВМРО-ДПМНЕ е вистинскиот избор и опција која нема да разочара и која секогаш е со народот.
„Од другата страна имаме измамници во политиката, луѓе кои со децении изградија кариери и бизниси на штета на државата и на штета на заедничкиот интерес на граѓаните. Со едниот избор одите напред, а со другиот се враќате назад кон темното минато на договори во четири очи, срамни отстапки за идентитетот. Во времето кога најважно беше врхушката на власт да биде ситуирана, а народот гладен. Тоа се политичарите коишто ги украдоа сите наши заеднички соништа и донесоа сиромаштија и направија гладен народ. Нашите конкуренти немаат програма, никој не им ја видел, затоа што на овие избори дојдоа со празни и лажни ветувања. Така произволно дадени, потценувајќи го народот, а јас ви велам, мерете не по делата и програмата која ја нудиме, туку по она коешто вие чувствувате дека ние го правиме.
Мицкоски додаде дека СДСМ и нивната коалиција покажаа дека го потценуваат народот излегувајќи на овие избори во оваа кампања со тоа што од првиот ден, па се до денес водат исклучиво само црна кампања.
Мицкоски се осврна и Венко Филипче кој вели дек бил со народот, но граѓаните добро знаат дека тој бил со неговиот гуру од Струмица, Зоран Заев кои донесоа најголема сиромаштија за граѓаните а нив ги гледавме како крстарат со јахти по Егејското крајбрежје.
„Филипче вели дека кога било најтешко бил со народот. Што не е вистина, а и сите вие тоа го знаете, тој бил со неговиот ментор и гуру од Струмица и тие заедно двајцата како тандем го донесоа најтешкото време за целиот народ. И кога беше најтешко и кога народот, буквално, мака мачеше како да го помине денот, нив ги гледавме како се луксузираат на скапо платената јахта, крстарејќи по Егејското крајбрежје. И сите знаат дека дебело ќе загубат, а претседателот на СДСМ Венко Филипче, не може ниту сопствени пратеници да ги убеди, па затоа многу тешко можете да видите пратеник од коалицијата која ја предводи СДСМ на митинзите кои ги организира СДСМ и коалицијата“, рече Мицкоски.
Затоа, посочи Мицкоски, разликата помеѓу нив и нас е тоа што ние имаме визија за секое место и општина која ја посетуваме и токму затоа ги повика граѓаните да излезат на гласање во недела и масовно да гласаат за ВМРО-ДПМНЕ и коалицијата заокружувајќи го бројот 9 за кандидатите за градоначалници и советничките листи.
Македонија
„Се боревме заедно 213 денови и денес ни одлета“: последно збогум од медицинскиот тим кој го лекуваше Панчо од ДНК
По смртта на пејачот Владимир Блажев – Панчо, од болницата каде што тој се лекуваше во изминатите седум месеци „Аџибадем Систина“ на социјалните мрежи беше објавена порака посветена на него.
„Почивај во мир, драг наш Панчо…
Се боревме заедно 213 денови и денес ни одлета…
Нема зборови за утеха за твоите два ангела Марјан и Андреја и за твојата Маја…
Нема зборови што можат да ги запрат солзите на нашите доктори, сестри, болничари кои беа 24 часа со тебе …
Целата болница, заедно со тебе и твоето семејство се боревме и верувавме“, пишува во објавата на болницата.
Трамп ги третира европските лидери како марионети во својот „куклен театар“, вели Карпович
Претседателот на САД, Доналд Трамп, гледа дека европските лидери му се целосно потчинети и се подготвени да реагираат на секој...
„Пренеси им поздрав и порака на нашите ангели“ – родителите од Кочани сочувствуваат со смртта на Панчо
Здружението на граѓани „16 март“, формирано од некои од родителите и семејствата на загинатите деца во пожарот во дискотеката „Пулс“...
Железничката станица не може да биде турбофолк-хаб, Ивановски ќе отстранува сѐ што не е во проектот од Кензо Танге
Железничката станица во најкус рок ќе биде исчистена од билборди, паноа и графити и ќе биде забрането да се поставуваат...
Андоновски: Македонија добива национален центар за вештачка интелигенција – почнува проектот „Везилка“
Министерот за дигитална трансформација, Стефан Андоновски, денеска официјално го претстави проектот „Везилка“ – Национален центар за вештачка интелигенција, капитален проект...
Почина Панчо од ДНК
Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што доби сериозни...
Извештаи за примени донации доставиле 35 отсто од учесниците во изборната кампања
Во согласност со Изборниот законик, учесниците во изборната кампања за локалните избори 2025 година имаат обврска да поднесат извештаи за...
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
„ЈО и Коцевски да одговорат дали дискотеката „Пулс“ платила 40.000 евра, дали Спасовски ја спасил од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или...
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс икс“ на Маск ја лансира единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области,...
Трамп го потпиша мировниот договор за Газа: „Поминаа 3.000 години за да се стигне до ова“
Американскиот претседател Доналд Трамп го потпиша првиот мировен план за Газа, изјавувајќи при потпишувањето: „Поминаа 3.000 години за да се...
ЕУ отвора центри за вештачка интелигенција во Македонија и Србија
Претседателката на Европската комисија, Урсула фон дер Лајен, денеска најави дека Европската унија ќе отвори две „ВИ фабрики“ (центри за...
Поранешен дечко со оружје дошол пред домот на девојка во Гевгелија, полицијата го спречила
Полицијата во Гевгелија денеска спречи обид за убиство на девојка од нејзиниот поранешен партнер. Според информациите на Министерството за внатрешни...
Алиу лично е за токсиколошка проверка да биде законска за сите лекари, но не знае дали правно може да се дефинира
Министерот за здравство Азир Алиу лично смета дека треба да се додаде законска обврска за токсиколошки анализи на сите лекари...
Јован Божиновски назначен за нов директор на Клиникaта за неврологија, соопшти Алиу
Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен...
Ѓорѓиевски дискотеките ќе ги извади на периферијата, младите брачни двојки ќе бидат 100 % ослободени од комуналии ако градат куќа
Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо...
