Македонија
Маричиќ: Следната ИПАРД програма македонските земјоделци треба да ја користат како граѓани на држава членка на ЕУ
Вицепремиерот Маричиќ денеска е во работна посета на Прилеп, каде пред почетокот на трибината „Ние сме Европа“ го посети млинот за сточна храна, „Еко – Млин“, корисник на ИПАРД 2 програмата.
Во обиколката на објектот и низ разговор со сопствениците вицепремиерот Маричиќ посочи дека ЕУ вложува во македонското земјоделство и ги подготвува земјоделците за европскиот пазар, укажувајќи дека во изминатите 15 години, со помош на фондовите на ЕУ, направени се значителни инвестиции во модернизација и окрупнување на земјоделското производство и преработка, приближување кон повисоки стандарди, квалитет и безбедност на храната, а преку поддршка на Владата дека се обезбедува стабилност на приходите на производителите.
– Со ИПАРД 2 програмата докажавме зошто сме лидери во регионот и дека знаеме ефективно и ефикасно да ги искористиме максимално сите средства кои Европската Унијата ни ги овозможи. Таа успешна приказна ЕУ ја наградува и ја продолжува со новата ИПАРД 3 2021-2027 години става на располагање неповратни 97 милиони евра европски средства за нови инвестиции, развој и модернизација на македонското земјоделство, рече Маричиќ.
Тој додаде дека 30. 7 милиони евра неповратни европски пари се обезбедени во рамки на ИПАРД 2 програмата за инвестиции во основни средства за преработка и маркетинг на земјоделски, за 146 проекти, а еден од тие проекти е и проектот на ЕКО МЛИН кој добил поддршка од 7 милиони денари за подобрување на производствените капацитети.
– Ова претставува позитивен пример за тоа како треба да бараат и користат можностите од Европската Унијата преку ИПАРД програмата и најголемиот број на мерки кои ги имаме, во однос на останатите држави од регионот, посочи Маричиќ.
Вицепремиерот, во присуство на министерот за земјоделство, шумарство и водостопанство, Николовски и директорот на Агенцијата за финансиска поддршка во земјоделството и руралниот развој, потсети дека во тек е првиот повик од новата ИПАРД 3 програма, за мерките 1 и 7 и кажа дека во завршна фаза е административната и владина процедура за потпишување на финансиската спогодба, со која ќе започнат испратите на апликациите.
– Земјоделството има капацитет и ги исполнува европските стандарди да биде една од областите која ќе ја предложиме во процесот на забрзана интеграција, бидејќи сметаме дека сме подготвени да се придружиме на единствениот европски пазар, најави Маричиќ.
Маричиќ изрази задоволство што македонските земјоделци ја препознаваат придобивката од ЕУ и нивната политика за развој на земјоделството, и кажа оти очекува и ИПАРД 3 програмата до 2027 да биде успешно спроведена, бидејќи како што кажа, македонското земјоделство е европско и подготвено следната ИПАРД-програма да ја користат нашите граѓани како граѓани на држава членка на ЕУ“.
Вечерва во центарот на Прилеп, се одржува отворената трибина: „ЕУ за развој на македонското земјоделство“ на која ќе се обратат вицепремиерот за европски прашања, Бојан Маричиќ, министерот за земјоделство, шумарство и водостопанство, Љупчо Николовски, амбасадорот на Република Франција, Н.Е. Сирил Бомгартнер и претставничката на организацијата Агро Лидер Марина Тошеска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
АРМ во Охрид ќе реализира показна вежба: ќе бидат употребени атрифиции, средства за звучни ефекти
Секторот за внатрешни работи Охрид ги известува граѓаните на Охрид дека утре во периодот од 10.00 до 12.00 часот во водите на Охридското езеро во близина на центарот за обука на вода во Охрид, припадниците на Баталјонот на специјални сили на Армијата на РСМ ќе реализираат показна вежба – препад на пловен објект.
За време на вежбата ќе бидат употребени атрифиции, средства за звучни ефекти и друга опрема што ја користи Армијата.
СВР Охрид, ги известува граѓаните дека, во врска со оваа активност, денеска во периодот од 13 до 15 часот, припадниците на Баталјонот на специјални сили на Армијата на РСМ, на истиот простор ќе изведат подготвителни активности со цел, успешна реализација на утрешната показна вежба.
Македонија
Муцунски: ВМРО-ДПМНЕ и коалицијата добиja трипати повеќе мандати од СДСМ и ДУИ заедно
Вчера победи Македонија, победи народот, победија и Македонци, Албанци, Турци, Срби, Роми, Бошњаци и Власи, победија граѓаните. Со над 280 илјади гласови разлика беше декласирана власта на СДСМ, затоа што на народот му беше доста од криминалот корупцијата, понижувањата, поделбите, притисоците, поразите и уцените, изјави потпретседателот на ВМРО-ДПМНЕ, Тимчо Муцунски.
Тој истакна дека вчера беше поразен и бојкотот на ДУИ, но беше упатен и јасен сигнал дека во Македонија мора да има одговорност за пљачкањето и осиромашувањето на граѓаните кое се случува изминатите години.
„ВМРО-ДПМНЕ и коалицијата доби трипати повеќе мандати од СДСМ, или ако сакате повеќе од ДУИ и СДСМ заедно на овие избори, со што народот јасно покажа дека овие две партии треба да завршат во опозиција. ВМРО-ДПМНЕ, согласно последните неофицијални податоци од ДИК освои 58 наспроти 18 мандати на СДСМ и 19 мандати на ДУИ. Јасна е волјата на граѓаните, покрај СДСМ, во опозиција треба да оди и ДУИ, да поминат низ една катарза, да има одговорност и да се реформираат, потоа да излезат пред судот на граѓаните“, рече Муцунски.
Во врска со претседателските избори, истакна дека разликата помеѓу победничката Гордана Силјановска Давкова и актуелниот претседател Пендаровски со околу 310 илјади гласови.
Со последните прсметки, ВМРО-ДПМНЕ на изборите освои 58 пратенички мандати, ДУИ-19, СДСМ-18, ВЛЕН-13, и Левица и ЗНАМ по шест.
Македонија
Тренчевска се повлече од партиската функција: „Нека настапат нови лица, неизвалкани од бремето на претходните функционери“
Се повлекувам од мојата функција како претседателка на Форумот на жените на СДСМ, функција што ја извршував чесно, достоинствено и во служба на граѓаните, објави на социјалните мрежи Јованка Тренчевска.
Како што додаде, од партиските структури се повлекува целосно одговорно и самосвесно, со сигурност дека не ја изневерила довербата што ѝ била дадена.
„Од денес во СДСМ нека настапат оние со квалитети, вистински знаења, лицата блиски до народот на кои им се верува. Нови лица, неизвалкани од бремето на претходните функционери. Јас верувам во моите социјалдемократи и знам дека промените ќе бидат на подобро!“, вели Тренчевска.
Како што рече, вчерашниот ден покажал дека живееме во демократска држава, каде што моќта е на народот, онака како што и треба да биде.
„Во нашиот мандат како Социјалдемократски сојуз на Македонија никој не оставивме сам, носевме мерки и закони што им помагаат на сите граѓани. Ги донесовме највисоките плати и пензии, се грижевме за најмладите и за лицата со попреченост. Чекори што не сакам да избледат со текот на времето! Од моето дејствување сфатив дека на граѓаните не им се потребни само добри закони, туку и силни реформи! Продолжувам цврсто напред. Нема да дозволам уназадувањe на социјалната работа и укинување на мерките што се од полза на граѓаните. Мене ме водат вредности во кои секој заслужува поддршка, можности и напредок и така ќе дејствувам од позиција на пратеник“, вели ексминитерката за труд и социјална политика.