Македонија
Маричиќ со Јорн Флек: Северна Македонија како позитивен пример за стабилност и безбедност во регионот

На маргините од лидерскиот состанок посветен на Планот за раст за Западен Балкан, Заменик претседателот Бојан Маричиќ одржа средба и продуктивна дискусија со Јорн Флек, заменик директорот на Европскиот центар на Атлантскиот совет. На средбата беа истакнати заложбата на Северна Македонија за забрзување на процесот на евроинтеграција и посветеноста за обезбедување на полноправно членство во Европската Унија до 2030.
Јорн Флек, кој има примарна одговорност за програмите поврзани со Западна Европа, и трговските односи меѓу САД и ЕУ, ја пофали Северна Македонија како позитивен пример за стабилност и безбедност во регионот. Тој ги истакна достигнувањата и напредокот на државата, особено по Договорот од Преспа и членството во НАТО.
На средбата беше истакната меѓусебната соработка, при што и вицепремиерот Маричиќ и Јорн Флек ги изразија заедничките приоритети за поддршка и реализација на реформите на патот кон ЕУ.
На средбата беа потврдени тековната соработка и посветеноста на Владата за обезбедување на сигурен и стабилен развој на државата кон ЕУ, кое пак останува заеднички приоритет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.