Македонија
(Видео) Марко Михаилоски е избран за нов претседател на младината на СДСМ

Марко Михаилоски е избран за нов претседател на Социјалдемократската младина на Македонија, за време на 23. Конференција, која се одржа дигитално.
Михаилоски е досегашен член на ИО на СДММ и долгогодишен член на СДСМ.
Тој во своето обраќање посочи дека ќе се заложи за зголемување на младинскиот активизам, бидејќи гласот на младите е глас на иднината.
„Активизмот на нашите млади членови ни е постојано потребен. Не само за да ги јакнеме капацитетите на СДММ туку и да градиме кадри кои ќе се вложат и ќе работат во интерес на граѓаните и државата. Тоа мора да биде наш најважен приоритет“, изјави Михаилоски.
На Конференцијата, покрај изборот на претседател беа избрани и членови на Надзорниот и Централниот одбор на СДММ.
На настанот се обрати премиерот и претседател на СДСМ, Зоран Заев, кој истакна дека СДММ е симбол за другарство, заедништво, решителност и истрајност.
„Во изминатиот период откако ги предводиме Владата и институциите, но и претходно кога се боревме против режим, кога ја носевме слободата, токму СДММ одигра важна улога и даде силен придонес. СДММ беше дел од промените, демократизацијата, но и дел од процесот на создавање и реализација на квалитетни младински политики. Токму тоа е патот по кој нашата Младина треба да продолжи. Продолжете да верувате и да се борите за подобра иднина, за вас, за вашите врсници, за нашата татковина. Ние, повозрасните, како и досега ќе ве поддржуваме, ќе ве слушаме. Заедно ќе носиме нови промени, ќе носиме успеси на кои сите граѓани на нашата земја ќе бидат горди“, рече Заев.
Тој во обраќањето подвлече дека „има многу партиски подмладоци, но само една е Младина“.
За време на Конференцијата се обрати и Генералниот секретар на владејачката партија, Љупчо Николовски, кој порача дека СДСМ продолжува со вложување во младите.
„Во изминатите три години реализиравме голем број на мерки и политки со кои ја зголемивме понудата на работни места и го олеснивме патот до прво вработување на младиот човек“, истакна Николовски.
Тој се осврна на досега остварените резултати во делот на младинските политики, како и на проектите зацртани во новата Програма на Владата предводена од СДСМ.
„Стапката на невработеност кај младите драстично ја намаливме на околу 35% од времето на 2016 кога беше 48,6%. Нашата цел е стапката на младинска неврабтоност до 2024 година да ја намлиме под 17 %, што е речиси двојно пониска младинска невработеност од сега и тоа е дел од нашата програма. Оперативниот план за активни програми и мерки за вработување продолжува. Директна поддршка на младинското и женското претприемништво, претприемништво преку грантови во висина од 5.000 до 15.000 евра. Обезбедуваме поврат на персонален данок за сите нововработени до 29 години во првите две години од работењето. Парите одат директно на сметките на младите. Така ќе продолжиме. Продолжува мерката за 3.000 денари месечен младински додаток во производството за вработени млади лица до 23 години со завршено најмалку средно образование. Стабилен раст, повисоки плати и шанса за сите, шанса за младите – тоа носи новата развојна македонска економија, тоа е економски патриотизам на дело а јас би додал тоа е младински патриотизам. Само со СДСМ, само со СДММ иднината на младите е сигурна и стабилна, полна со шанси за сите, порача Николовски.
Генералниот секретар ги повика младите да се вклучат во процесот на создавање младински политики кои ќе го унапредат квалитетот на живот на сите млади лица во Република Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) СДСМ Прилеп: Заради протест на вработените, прилепчани останаа без градски превоз

„Систематски, како по книга, ВМРО-ДПМНЕ го уништува Прилеп! Неисплатената плата на вработените во Јавното претпријатие за просторни и урбанистички планови, е причина за тридневниот прекин на градскиот превоз во Прилеп. Како главни виновници за настанатата ситуација, вработените и директорот на јавното претпријатие ги посочија Општината, односно училиштата, кои на претпријатието му должат фантастични 7 милиони денари“, вели Саша Лепиткова, претседателка на Форум на жени на ОО СДСМ-Прилеп.
„Така, неспособноста на градоначалникот Борче Јовчески и аматерското водење на институциите од страна на директорите на ДПМНЕ, ги принуди прилепчани сами да се снаоѓаат и да го решаваат проблемот кој им го сервираше локалната власт.
Со тоа, после само два дена на виделина излегоа лагите за „успешното“ функционирање на локалните институции, кои преку таканаречениот „Отчет“ Јовчески и ДПМНЕ ги презентираа на партискиот „Саем на срамот“ во Скопје.
Лага е дека Општината набавила 5 нови минибуси за градскиот превоз, а уште поголема лага тезата за „огромните“ инвестиции во основните и средните општински училишта.
Да биде трагикомедијата поголема, токму лошото менаџирање на овие институции и нивната меѓусебна спрега, ги доведе во ќорсокак вработените во јавното претпријатие за просторни и урбанистички планови.
Граѓаните на Прилеп немаат никаква дилема дека актуелната владејачка гарнитура на ДПМНЕ, е најлошата од постоењето на градот.
После обврските од 6 милиони евра кои Јовчески и ДПМНЕ му ги оставаат на новиот градоначалник, после испустените јавни претпријатија, прашањето кое се наметнува е – ќе имаат ли време до крајот на мандатот да уништат уште нешто?“, изјави Саша Лепиткова, претседателка на Форум на жени на ОО СДСМ-Прилеп.
Македонија
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка

„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на Бугарија, Гроздан Караџов, а понатаму и работните групи од двете земји, се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка“, велат од Владата.
„Во рамки на тие активности, денеска Владата на седница донесе одлука да се ефектуира Договорот за грант за техничка поддршка во висина од 3,7 милиони евра добиен од Европската Инвестициска Банка.
Со ова, избраниот Консултант во следниот период ќе изработи нова проектна документација, како и подготовка на тендерската постапка за избор на изведувач.
Дополнително да се забрзаат активностите, ЈП за Железничка Инфраструктура ќе започне постапка за избор на Надзор на изградбата.
Преку овие активности, Владата во континуитет покажува цврста заложба во реализација на стратешко-инфраструктурните проекти за државата.
Изградбата и модернизацијата на железничката мрежа е приоритет на Владата и во рамките на тие приоритети се преземаат засилени активности за доизградба на железницата на Коридор 8, како и изградба на брза пруга на Коридор 10.
Овие проекти кои имаат и регионално значење ќе ја позиционираат државата како транзит земја на Балканот- дел од европските транспортни рути со што бенефитот е повеќекратен.
Проектите за развој и модернизација на целокупниот железнички систем претставуваат стратешки проекти на државата за регионално поврзување, забрзан економски развој и отворање на нови пазари за домашните компании“, соопштува Владата.
Македонија
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ

„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува да се луксузира со народните пари. Не било доволно папаја, манго, аспарагус и други егзотични и прескапи овошја, Министерството за одбрана на Мисајловски склучило договори со пет компании за набавка на кафе, вино, ракија, мастика и други алкохолни пијалоци во вредност од 31.000 евра“, соопшти СДСМ.
„Во реалноста, народот не може да си дозволи ниту основни работи. Последните податоци покажуваат дека синдикалната потрошувачка кошничка достигна 65.507 денари, на граѓаните им се потребни речиси 3 минималнни плати за да ги покријат само основните трошоци. Многу производи се недостижни за голем број семејства во државата.
ВМРО-ДПМНЕ ја држи Македонија со најниската минимална плата во целиот регионот и упорно одбива да ги покачи платите и да ги намали цените кои се превисоки. Просечната плата е само една третина од европскиот просек, додека цените на основните производи достигнуваат до 60% од просекот во Европа.
Ваквата расипничка политика на власта е доказ дека Мицкоски и неговите министри се грижат единствено за сопствената удобност, а не за народот кој секој ден тоне во сиромаштија и едвај врзува крај со крај“, се наведува во соопштението на СДСМ.