Македонија
Мас: Германија ќе го поддржи патот на Северна Македонија кон ЕУ

Германија ќе даде свој придонес за продолжување на патот на Северна Македонија кон ЕУ, објави денеска германскиот министер за надворешни работи, Хајко Мас, пред да замине за Скопје.
„Северна Македонија припаѓа цврсто на Европа. Ние сакаме ЕУ да го одржи својот збор кон Северна Македонија и Албанија. Земјата постигна историски договор со Грција. Германија ќе придонесе за продолжување на овој пат. Не станува збор само за кредибилитетот на ЕУ, туку и за нашиот стратешки интерес за стабилен и безбеден регион во срцето на Европа“, се вели во неговото соопштение, а пренесува агенцијата „Танјуг“.
Мас вели дека заедничка цел е да се почнат преговори што е можно побргу.
„Ова ќе го разговарам денес со мојот колега од Северна Македонија, Никола Димитров. Со нетрпение очекувам да разговарам и со премиерот Заев и претседателот Стево Пендаровски. Сега е важно да се пристапи кон очекувањата и надежите на граѓаните на Северна Македонија“, истакна тој.
Мас додаде дека патот кон реформите и владеењето на правото мора доследно да продолжи и дека Германија е подготвена да ја поддржи Северна Македонија на нејзиниот пат кон ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.