Македонија
МВР му понудило пензионирање на полицаецот што откри криминали во СВР Охрид, тој одбил

Охридскиот полицаец Стевче Стевоски одбил да се пензионира кога МВР му понудило таква опција во согласност со неговиот стаж и годините. Стевоски, кој поднел над 50 претставки против свои колеги полицајци во текот на своето работење, вели дека останува на работното место уште три и пол години и тоа го побарал од МВР во согласност со законските прописи. Стевоски ќе работи како полицаец до 2021 година.
„Ми понудија да се пензионирам, но одбив. Останувам на работа сè додека не се реши криминалот во МВР. Мојата работа не е завршена“, вели Стевоски за „Макфакс“.
Полицаецот од Охрид што го казни 800 евра командирот е цел на одмазда, местенки и мобинг
Во Охрид затвориле жена во казан за варење храна, па сакале да го прикријат случајот
Охридски полицаец поради лихварски долг му ставил пиштол во устата на должник
Охридскиот полицаец вели дека овие денови ќе ја формира и невладината организација „Жртви на митот и корупцијата“ преку која ќе се обиде да ја подигне свеста на граѓаните за кршењето на нивните права, вклучително и од службени лица во институциите што ги нарекува криминалци.
Во изминатиот период полицаецот Стевоски побарал и информативна средба со директорот на БЈБ, Лазо Велковски, за, како што вели, да го брифира за сите криминали во СВР Охрид и МВР, но тој одбил. Следно Стевоски ќе побара одговорност од Велковски преку Владата.
Началник се исплашил од охридски полицаец оти мавтал со хартија, го пријавиле дека бил пијан
Охридскиот полицаец Стевоски си поднел тужба и против себе
Стевоски за „Макфакс“ објасни како казнувајќи ги своите шефови, колеги и високи функционери на МВР, кои го кршеле законот, станал цел на местенки, континуиран мобинг и закани. Вели дека поради честите казни со намалување на платата бил оштетен со 30 илјади евра затоа што работел според своите надлежности, а не според наредбите од старешините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.
Македонија
Општина Центар: Дератизацијата не е опасност за кучињата и мачките, да не се шират дезинформации

Општина Центар ги отфрла шпекулациите дека дератизацијата претставува опасност за животните.
„Ве информираме дека дератизацијата се спроведува редовно и исклучиво од стручни лица од Центарот за јавно здравје, со употреба на методи и средства кои се безбедни и не претставуваат закана за кучињата, мачките и другите домашни миленици. Апелираме до граѓаните да не подлегнуваат на непроверени и неточни информации кои во јавноста се пласираат од одредени неквалификувани и нелиценцирани лица или организации. Ваквите дезинформации неосновано предизвикуваат страв и паника кај граѓаните и непотребно ја вознемируваат јавноста“, велат од Општината.
Македонија
СДСМ: Мицкоски пак манипулира, со инфлација од 4,8%, реалниот раст на БДП е -1,4%

Со инфлација од 4,8% повисока од растот на БДП, реалната економија оди надолу од -1.4%, а граѓаните тонат во сиромаштија, велат од СДСМ.
„Македонија е далеку од 4-та економија во Европа како што сака Мицкоски да прикаже. Неговите фалби немаат врска со реалноста. Граѓаните не живеат од статистички бројки туку од сопствениот џеб. А таму реалноста е сурова: повисоки цени, пониски приходи и намален квалитет на живот. Македонскиот БДП по жител, според куповната моќ, е само 42% од просекот на ЕУ, повисок просек од нашите граѓани има дури и земјите во регионот, Србија со 51%, Црна Гора со 53%“, се наведува во соопштението.
Од СДСМ велат дека странските инвестиции се преполовени на 221 милиони евра, од 573 милиони евра минатата година.